पोखरा प्रिमियर लिगलाई आइसीसीको मान्यता

Pokhara Premier League PPL


  • विकेटनेपाल,असोज २२ – सोमबार 

कार्तिक ९ गते देखि पोखरामा सुरु हुने पोखरा प्रिमियर लिग अन्तर्राष्ट्रिय क्रिकेट परिषद् (आइसीसी) बाट मान्यता प्राप्त भएको छ।

योसंगै आइसीसीबाट मान्यता प्राप्त गर्ने पोखरा प्रिमियर लिग तेश्रो नेपाली घरेलु क्रिकेट प्रतियोगिता भएको छ। यस अघि धनगढी प्रिमियर लिग र एभरेस्ट प्रिमियर लिगले आईसीसीको मान्यता पाउदै प्रतियोगिता आयोजना गरेको थियो।

मान्यता बापत आइ सीसीलाई लिग आयोजकले २० हजार डलर बुझाउनु पर्ने हुन्छ।

सोमबार पीपीएल आयोजक क्विन्स इभेन्ट्सका प्रबन्ध निर्देशक छुम्बी लामाले प्रेस बिज्ञप्ति जारि गर्दै प्रतियोगितालाई आईसीसीले मान्यता दिएको बताएका हुन्। बिज्ञप्तिमा लामाले आईसीसीले मागेको सम्पूर्ण प्रक्रियाहरु पुरा गरेपछि मान्यता दिएको बताउदै खुसि समेत ब्यक्त गरेका छन्-

“आइसीसीको मान्यताले प्रतियोगितालाई आईसीसीको नीति-नियममा अझ राम्रो ढंगले अघि बढाउन प्रेरणा मिलेको छ।”

अनुमतिले अब पीपीएलमा बिदेशी खेलाडीहरु खेलाउने बाटो समेत खुलेको उनले बताएका छन्। आईसीसीको मान्यता बिना बिदेशी टिमहरुले खेलाडी पठाउदैनन् भने नेपाल क्रिकेट संघ नभएको अवस्थामा प्रतियोगिताले क्रिकेटको सर्वोच्च निकायको बैधानिकता पाउदैन।

पोखरा प्रिमियर लिगमा ६ वटा टिम सहभागी हुने छन् जस अन्तर्गत चितवन राइनोजको ओमार्की प्लेयर पारस खड्का, बिराटनगर टाईटन्सको मार्की प्लेयर सन्दिप लामिछाने, बुटवल ब्लास्टर्सको मार्की प्लेयर सोमपाल कामि, पोखरा पल्टनको मार्की प्लेयर शरद भेसावकर, धनगढी ब्लुजको मार्की प्लेयर दिपेन्द्र ऐरि तथा काठमाडौँ रोयल्सको मार्की प्लेयर ज्ञानेन्द्र मल्ल रहेका छन्।

लिगको यसै महिना अक्सनमार्फत खेलाडी छनौट कार्य सकिएको छ भने बिदेशी खेलाडीहरुको घोषणा भने हुन बाँकी रहेको छ। प्रत्येक टिमले २/२ जना बिदेशी खेलाडीहरु राख्न पर्ने लिगको प्राबधान रहेको छ।

 





थप समाचार

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]

एसीसी टि-२० महिला : नेपाल सेमिफाइनलमा

एसिसी महिला टी–ट्वान्टी च्याम्पियनसिपमा नेपालले बहराइनलाई पराजित गर्दै सेमिफाइनलमा प्रवेश गरेको छ । स्कोरकार्ड , अंकतालिका  मलेसियाको किनरारा ओभल क्रिकेट […]