ईपिएल फाईनल: बिराटनगरद्वारा भैरहवालाई १५०रनको लक्ष्य



  • विकेटनेपाल, पौष १५ – शनिबार

एभरेस्ट प्रिमियर लिग क्रिकेट प्रतियोगिताको फाइनल खेलमा बिराटनगर वारियर्सले भैरहवा ग्लाडीएटर्सलाई रनको लक्ष्य प्रस्तुत गरेको छ । उसले   २० ओभरमा ७ विकेट गुमाएर १४९ रन बनाएको छ ।

|| स्कोरकार्ड || लाइभ अपडेट ||

किर्तिपुर मैदानमा टस जितेर पहिले ब्याटिंग गरेको बिराटनगरले पहिलो विकेटको रुपमा आसिफ शेखलाई गुमाएको थियो । टिमको स्कोर ३४ रन रहेको बेला शरद भेसावाकरले गरेको खेलको छैठौ ओभरको दोश्रो बलमा मात्र ७ रन बनाएर क्याच आउट भएका थिए ।

बिराटनगरले ८ औ ओभरको पहिलो बलमा एक रन निकाल्दै ५० रनको स्कोर पुरा गरेको छ । उसका अन्शुमन राथले ३० तथा बाबर हयातले ८ रन बनाएर ब्याटिंग गरिरहेका थिए ।

बाबर हयात दोश्रो विकेटको रुपमा आउट हुने क्रममा आरिफ शेखले गरेको नबौ ओभरको चौथो ओभरमा मात्र ११ रनमा आउट भएका थिए ।

बिराटनगरले तेस्रो विकेट गुमाउने क्रममा हरिशंकर शाहले गरेको तेह्रौ ओभरको चौथो बलमा अन्शुमन राथले सिधै एक्स्ट्रा कभरको हातमा दिएका थिए  । उनले ४१ बलमा ४१ रन बनाएर आउट भएका थिए ।

त्यस्तै टिमको स्कोर ९९ रन भएको अवस्थामा पारस खड्का २२ बलमा २७ रन बनाउदै हरिशंकर शाहको बलमा लंगअनमा भुवन कार्कीको हातबाट क्याच आउट भएका थिए ।

त्यसपछि भने केहि सुस्त देखिएको बिराटनगरका लागि अनिल शाहले २२ रन बनाउन १७ बल खेले भने प्रनित थापाले पनि १४ रन बनाए । त्यस्तै करण केसीले २ बलमा ९ रन प्रहार गरे ।

बलिंगतर्फ भैरहवाका लागि हरिशंकर शाहले ४ ओभरमा १६ रन खर्चेर अन्शुमन राथ र पारस खड्काको विकेट लिए भने शरद भेसावाकर, कृष्ण कार्की, भुवन कार्की र आरिफ शेखले पनि १/१ विकेट लिए ।

फाइनल खेलमा बिराटनगर वारियर्सका कप्तान पारस खड्काले भैरहवा ग्लाडीएटर्स बिरुद्दको खेलमा टस जितेर पहिले ब्याटिंग गर्ने निर्णय गरेका थिए ।

टस जितेपछि पारसले आफुले पहिले ब्याटिंग गर्दै राम्रो योगफल तयार पार्दै बिपक्षी टिमलाई दबाबमा राख्ने बताएका छन् भने शरद भेसावाकरले टस हारेपनि पहिले बलिंग गर्ने निर्णय गरेकोले टसले कुनै असर नगरेको जनाएका छन् ।





थप समाचार

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]