EPL : आज प्लेअफको दुई खेल हुँदै, फाइनल प्रवेशको लागि चितवन र पोखरा बीच प्रतिस्पर्धा



काठमाडौँमा जारि चौंथो संस्करणको एभरेष्ट प्रिमियर लिग टि-ट्वान्टी ( ईपीएल टि-२० ) अन्तर्गत आज प्लेअफ चरणको दुई वटा खेल हुँदैछन्।

विहान ९:३० बजे पहिलो क्वालीफायरमा सोमपाल कामी कप्तानीको चितवन टाइगर्स र बिनोद भण्डारी कप्तानीको पोखरा राइनोज प्रतिस्पर्धा गर्नेछन्। दिउसो १:३० बजे सुरु हुने दिनको दोश्रो खेल अर्थात् पहिलो इलिमीनेटरमा शरद भेसावकर कप्तानीको भैरहवा ग्ल्याडीएटर्स र सन्दिप लामिछाने कप्तानीको काठमाडौँ किंग्स-११ ले प्रतिस्पर्धा गर्नेछन्।

चितवन र पोखरा बीचको पहिलो क्वालीफायरको विजेताले फाइनलमा स्थान पक्का गर्नेछ भने पराजित हुने टोलिले दोश्रो इलिमीनेटरमा पहिलो इलिमीनेटरको विजतासंग फाइनल प्रवेशको लागि खेल्नेछ। लिग अंक तालिकामा चितवन ५ खेलमा ४ जित र १ हार बेहोर्दै अंकतालिकाको शिर्ष स्थानमा रहेर प्लेअफ पुगेको थियो। पोखरा ५ खेलमा ३ जित, १ हार र १ नतिजाविहिन नतिजापछि ७ अंक बेहोर्दै प्लेअफ पुगेको हो। भैरहवासंग समान अंक र नेट रन रेटमा पछि रहेता पनि बढी जित संख्याका कारण पोखरा दोश्रो स्थानमा रहेर प्लेअफ पुगेको हो।

भैरहवा र काठमाडौँको इलिमीनेटर खेलमा विजयी हुने टिमले पहिलो क्वालीफायरमा पराजित हुने टिमसंग दोश्रो इलिमीनेटरमा प्रतिस्पर्धा गर्नेछ भने पराजित हुने टिम प्रतियोगिताबाट बाहिरिनेछ। भैरहवा पोखरासंग बराबरी ७ अंक रहेता पनि पोखरा भन्दा कम जित भएपछि पहिलो क्वालीफायरमा छनोट हुन असफल भएको थियो। भैरहवाको लिग चरणमा ५ खेलमा २ जित, १ टाई र २ खेल नतिजाविहिन रह्यो। अर्कोतर्फ काठमाडौँ ५ खेलमा १ जित, ३ हार र १ नतिजाविहिन खेलपछि ३ अंक सहित चौंथो स्थानमा रहेर प्लेअफ पुगेको हो। समान अंक रहेता पनि ललितपुर नेट रन रेटमा पछि पर्दै पाँचौ स्थानमा रहेको थियो।

चितवन टाइगर्स गत सिजन ईपीएलको प्लेअफ चरण प्रवेश गरेता पनि इलिमीनेटरमा भैरहवासंग पराजित हुँदै बाहिरीएको थियो। पोखरा राईनोज भने गत सिजन सबै ५ खेलमा पराजित हुँदै प्लेअफ प्रवेश गर्न असफल रहेको थियो। भैरहवा गत सिजन फाइनलमा ललितपुर पेट्रिएट्ससंग पराजित भएको थियो भने काठमाडौँ किंग्स-११ दोश्रो इलिमीनेटरमा भैरहवासंग पराजित भएको थियो।





थप समाचार

पाकिस्तानसंग मिल्नेलाई खेलाउन नदिएपछि आईसीसी प्रति न्युजिल्यान्ड प्रशिक्षकको आक्रोश

“निराश” अन्तर्राष्ट्रिय क्रिकेट परिषद ( आईसीसी ) ले घाइते खेलाडी लकी फर्गुसनको स्थानमा एडम मिल्नेलाई मान्यता नदिएपछि न्युजिल्यान्डका मुख्य प्रशिक्षक […]

T20WC : अस्ट्रेलिया बिरुद्ध कायम रहला श्रीलंकाको जित यात्रा, दुवै टिमको सम्भावित-११

युएईमा जारि टि-ट्वान्टी विश्वकप अन्तर्गत सुपर-१२ चरण अन्तर्गत समुह ‘१’ को खेलमा अस्ट्रेलिया र श्रीलंका प्रतिस्पर्धा गर्दैछन्। खेल दुबई अन्तर्राष्ट्रिय […]

T20WC : ट्रंपलम्यानको घातक बलिंग, नामिबियाद्वारा स्कटल्याण्ड पराजित

स्कटल्याण्डलाई ४ विकटले पराजित गर्दै युएईमा जारि टि-ट्वान्टी विश्वकपको सुपर-१२ चरणमा नामिबियाले विजयी सुरुवात गरेको छ। पहिलो खेलमा अफगानिस्तानसंग पराजित […]

पाकिस्तानसंग हारपछि पनि सेहवागको विश्वास “भारतले टि-२० विश्वकप जित्नेछ”

युएईमा जारी टि-ट्वान्टी विश्वकपको आफ्नो पहिलो खेलमै पाकिस्तानसंग १० विकेटको विशाल अन्तरले पराजित भएको भारतलाई प्रतियोगिता सुरु हुनु अघि विश्वकप […]

विश्वकप एसियाली छनोट खेल्ने महिला राष्ट्रिय टिमको घोषणा, कविता पहिलो पटक राष्ट्रिय टिममा

युएईमा आगामी महिना नोभेम्बर २० देखि २६ तारिखमा आयोजना हुने २०२१ आईसीसी महिला टि-ट्वान्टी विश्वकपको एसिया छनोट प्रतियोगिताको लागि १४ […]

T20WC : बंगलादेश बिरुद्ध शानदार जित पछि इंग्ल्यान्ड समुह ‘१’ को शिर्षमा

युएईमा जारी टि-ट्वान्टी विश्वकप अन्तर्गत सुपर-१२ चरणमा इंग्ल्यान्डले आफ्नो शानदार लय जारी राख्ने क्रममा बंगलादेशलाई ८ विकेटले सहजै पराजित गरेको […]