EPL : पोखरा बिरुद्ध इतिहासकै विशाल जित दर्ता गर्दै चितवन फाइनलमा



पोखरा राइनोज बिरुद्ध एभरेष्ट प्रिमियर लिग इतिहासकै ठूलो जित दर्ता गर्दै चितवन टाइगर्स पहिलो पटक एभरेस्ट प्रिमियर लिग टि-ट्वान्टीको फाइनलमा प्रवेश गरेको छ। हार पछि पोखराले फाइनल पुग्ने दोश्रो मौका पाउनेछ। पोखराले बुधबार खेलिने दोश्रो इलिमीनेटरमा बिहिबार आजको काठमाडौँ किंग्स-११ र भैरहवा ग्ल्याडीएटर्स बीचको पहिलो इलिमीनेटरको विजेतासंग फाइनल प्रवेशको लागि खेल्नेछ। शनिवार हुने फाइनलमा चितवन टाइगर्सले दोश्रो इलिमीनेटरको विजेतासंग प्रतिस्पर्धा गर्नेछ।

टियु अन्तर्राष्ट्रिय मैदानमा सम्पन्न लिगको पहिलो क्वालीफायरमा चितवन टाइगर्सले ९ विकेटको सहज जित दर्ता गर्यो। पोखराले दिएको ६७ रनको लक्ष्य चितवनले मात्र ७.५ ओभरमा भेटायो। ७३ बल बाँकी रहँदै हात पारेको जित लिग इतिहासकै बल बाँकी रहेको आधारमा सबैभन्दा विशाल जित हो। यस अघि यो रेकर्ड ललितपुर पेट्रिएट्सको नाममा रहेको थियो जसले २०१८ मा काठमाडौँ किंग्स-११ ले दिएको ११० रनको लक्ष्य ५७ बल बाँकी रहँदै जितेको थियो।

६७ रनको लक्ष्य पछ्याउने क्रममा चितवन टाइगर्सका ओपनर मोहम्मद शहजादले सर्वाधिक ४८ रन बनाए जुन क्रममा २६ बलमा ७ चौका र २ छक्का प्रहार गरे। चितवनबाट डेब्यु गरेका हसिम अन्सारीले अविजित १४ तथा करिम जनतले अविजित ४ रन बनाए। शहजाद र अन्सारीले ६३ रनको ओपनिंग साझेदारी गरे।

यस अघि टस हारेर ब्याटिंग गरेको पोखरा १५ ओभरमा ६६ रनमै समेटिन पुगेको थियो। लिग इतिहासकै यो सबैभन्दा कम योगफल हो। यस अघि सबैभन्दा कम योगफलको रेकर्ड पोखरा राइनोज र बिराटनगर वारियर्सको नाममा थियो। गत सिजन २०१८ मा पोखराले ८४ रन मात्र बनाएको थियो भने लक्ष्य पछ्याउने क्रममा बिराटनगर पनि ८४ रनमै समेटिए पछि खेल टाई भएको थियो।

काठमाडौँको ब्याटिंगमा ओपनर रिचर्ड लेभीले सर्वाधिक १९, सुनिल धमलाले १८ तथा सुशन भारिले १२ रन बनाउनु बाहेक अन्यले दोहोरो अंकमा रन बनाउन सकेनन्। पहिलो विकेटको लागि लेभी र धमलाले ३३ रनको साझेदारी गरेका थिए। पाँचौ ओभरमा लेभीलाई सोमपालले बोल्ड गरेपछि लगातार विकेट गुमाएको पोखराले ३३/१ बाट थप ३३ रन जोड्दा सम्पूर्ण विकेट गुमाउन पुयो।

चितवन टाइगर्सको बलिंगमा देब्रे हाते स्पिनरद्वय सागर ढकाल र शाहब आलमले समान ४ विकेट तथा सोमपाल कामि र करिम जनतले समान १ विकेट लिए। ढकालले ४ ओभरमा १४ रन तथा प्लेयर अफ द म्याच चुनिएका आलमले ४ ओभरमा मात्र १० रन खर्चिए।

खेलमा ४ विकेट लिएसंगै सागर ढकाल ईपीएल इतिहासमा एकै सिजन सर्वाधिक विकेट लिने बलर बनेका छन्। यस अघि एकै सिजन सर्वाधिक विकेट लिने रेकर्ड संयुक्त रुपमा सुशील कंडेल, बसन्त रेग्मी, इस्राउल्लाह र मोहम्मद नभिदको नाममा रहेको थियो जसले एकै सिजन समान १२ विकेट लिएका थिए।





थप समाचार

अन्ततः डीककले मागे माफी- “कसैको अपमान गर्ने उद्देश्य थिएन”

टि-२० विश्वकप अन्तर्गत वेस्टइन्डिज बिरुद्धको खेलमा ‘ब्ल्याक लाइभ म्याटर’ अभियान अन्तर्गत घुंडा टेक्न अस्विकार गर्दै वेस्टइन्डिज बिरुद्धको खेल नखेलेका दक्षिण […]

पाकिस्तानसंग मिल्नेलाई खेलाउन नदिएपछि आईसीसी प्रति न्युजिल्यान्ड प्रशिक्षकको आक्रोश

“निराश” अन्तर्राष्ट्रिय क्रिकेट परिषद ( आईसीसी ) ले घाइते खेलाडी लकी फर्गुसनको स्थानमा एडम मिल्नेलाई मान्यता नदिएपछि न्युजिल्यान्डका मुख्य प्रशिक्षक […]

T20WC : अस्ट्रेलिया बिरुद्ध कायम रहला श्रीलंकाको जित यात्रा, दुवै टिमको सम्भावित-११

युएईमा जारि टि-ट्वान्टी विश्वकप अन्तर्गत सुपर-१२ चरण अन्तर्गत समुह ‘१’ को खेलमा अस्ट्रेलिया र श्रीलंका प्रतिस्पर्धा गर्दैछन्। खेल दुबई अन्तर्राष्ट्रिय […]

T20WC : ट्रंपलम्यानको घातक बलिंग, नामिबियाद्वारा स्कटल्याण्ड पराजित

स्कटल्याण्डलाई ४ विकटले पराजित गर्दै युएईमा जारि टि-ट्वान्टी विश्वकपको सुपर-१२ चरणमा नामिबियाले विजयी सुरुवात गरेको छ। पहिलो खेलमा अफगानिस्तानसंग पराजित […]

पाकिस्तानसंग हारपछि पनि सेहवागको विश्वास “भारतले टि-२० विश्वकप जित्नेछ”

युएईमा जारी टि-ट्वान्टी विश्वकपको आफ्नो पहिलो खेलमै पाकिस्तानसंग १० विकेटको विशाल अन्तरले पराजित भएको भारतलाई प्रतियोगिता सुरु हुनु अघि विश्वकप […]

विश्वकप एसियाली छनोट खेल्ने महिला राष्ट्रिय टिमको घोषणा, कविता पहिलो पटक राष्ट्रिय टिममा

युएईमा आगामी महिना नोभेम्बर २० देखि २६ तारिखमा आयोजना हुने २०२१ आईसीसी महिला टि-ट्वान्टी विश्वकपको एसिया छनोट प्रतियोगिताको लागि १४ […]