एभरेस्ट प्रिमियर लिग दोश्रो सिजनको घोषणा, बिदेशी खेलाडी समेत खेल्ने

Everest Premier League EPLEverest Premier League EPL
  • विकेटनेपाल, १५ साउन

एभरेस्ट प्रिमियर लिगको दोश्रो सिजन नयाँ स्वरूपमा आयोजना हुने भएको छ l आज राजधानीमा आयोजित पत्रकार सम्मेलनमाझ प्रतियोगिताको दोश्रो सिजनको घोषणा गरिएको हो l

पहिलो ६ वटा कर्पोरेट टिमहरु सहभागी भएको प्रतियोगिताको यो संस्करणमा काठमाडौँ, ललितपुर, भैरहवा, बिराटनगर, बिरगंज र पोखरा गरी ६ वटा टोलीहरु हुनेछन् l डिसेम्बरमा आयोजना हुने बताईएता पनि प्रतियोगिताको अधिकारिक मिति सार्बजनिक भएको छैन l

प्रतियोगितामा प्रत्येक टिममा १५ जना खेलाडी सहभागी हुने छन् जसमध्ये १० जना खेलाडीहरुको चयन अक्सन द्वारा गरिनेछ l यस्तै १ जना खेलाडी ट्यालेन्ट हन्ट मार्फत टिमले आफ्नो सहर बाट चयन गर्नेछ l

प्रत्येक टिममा १ जना आइकोन खेलाडी हुनेछ भने प्रत्येक टिममा ३ जना विदेश खेलाडीहरु अनिबार्य सहभागी हुनेछन् l

प्रतियोगिताको बिजेता टिमले नेपाली घरेलु क्रिकेटकै सर्बाधिक पुरस्कार राशी २१ लाख रुपियाँ प्राप्त गर्नेछ l राउण्ड रोबिन लिग फर्म्याटमा आयोजना गरिने प्रतियोगिताको सबै खेलहरु टियु क्रिकेट मैदानमा आयोजना हुनेछ l

आईपीएलको अनुभब 

प्रतियोगिताको आयोजना गर्न इन्डियन प्रिमियर लिग आईपीएलमा सहभागी इभेन्ट म्यानेजरहरुको सहभागिता हुने बताईएकोछ l प्रतियोगितालाई क्रिकेट-मनोरञ्जन को भावले अगाडी बढाउने र टियु मैदानमा उपस्थिति हुने दर्शकहरुले क्रिकेटको साथै मनोरञ्जन समेत लिने आयोजकले बताएका छन् l

धेरैले पढेको :-