४ कुरा जसले बनाउनेछ एभरेस्ट प्रिमियर लिगलाई बिशेष



  • विकेटनेपाल, १५ साउन

एभरेस्ट प्रिमियर लिग टि-२० प्रतियोगिताको दोश्रो संस्करण यो बर्ष डिसेम्बरमा आयोजना हुने भएकोछ l आज आइतबार काठमाण्डौमा आयोजित पत्रकार सम्मेलनमाझ  घोषणा गरिएको प्रतियोगिता यो भन्दा अघिको भन्दा धेरै कारणले फरक हुने बताईएको छ l

प्रतियोगिता के कारणले फरक हुनेछ र के-के विशेषताहरु हुनेछन् लगायत जान्नैपर्ने ४ कुराहरु विकेटनेपालको यो प्रस्तुतिमा समेटेका छौ l

 

१. सहर केन्द्रित टिम 

एभरेस्ट प्रिमियर लिगको गतबर्षको सिजन र त्यो भन्दा अघि २०१४ मा भएको नेपाल प्रिमियर लिगमा ६ वटा टोलिहरु बिभिन्न ब्यबसायीक ब्राण्डहरुको नाममा थिए l तर एभेरेस्ट प्रिमियर लिगमा ति सबै टोलिहरु हुने छैनन् l यसपालि प्रतियोगितामा सहभागी हुने टोलिहरु ६ वटा बिभिन्न सहरहरुको नाममा हुनेछ l

काठमाडौँ, ललितपुर, भैरहवा, बिराटनगर, बिरगंज र पोखरा गरि ६ सहरको टोलिहरु यो पालि सहभागी हुनेछन् l यसभन्दा अघि ६ टिमहरु पन्चकन्या तेज, कान्तिपुर गोर्खा, सगरमाथा लेजेन्डस, बिशाल वारियर्स, जगदम्बा राइनोज र कलर्स एक्स-फ्याकटर्स थियो l

२. अक्सनद्वारा खेलाडी छनौट

एभरेष्ट प्रिमियर लिगमा खेलाडीहरुको छनौट अक्सनद्वारा गरिनेछ l यसभन्दा अघिको सिजनमा खेलाडीहरुलाई रास्ट्रिय, यु-१९ र क्षेत्रीय गरि बर्गिकरण गरेर पैसा दिईएको थियो l यसपालिको सिजनमा प्रत्येक टिममा १५ जना खेलाडी हुनेछन् जसमध्ये १० जना खेलाडीहरुको छनौट अक्सन मार्फत गरिनेछ l खेलाडीको बर्गिकरण ए, बि र सी गरि ३ वटा श्रेणीमा गरिनेछ जसमध्ये ‘सी’ श्रेणीको ४ जना खेलाडीहरु टिमले अनिवार्य किन्नुपर्नेछ l

प्रतियोगिता घोषणा कार्यक्रममा प्रतियोगिताका निर्देशक आमिर अख्तर र पारस खड्का l

नेपालमा पहिलो पटक धनगढी क्रिकेट लिग र धनगढी प्रिमियर लिगमा खेलाडीहरुको छनौट अक्सनमार्फत गरिएको थियो l

३. सर्बाधिक धनराशी

एभरेस्ट प्रिमियर लिग नेपालकै सर्बाधिक धनराशीको प्रतियोगिता हुनेछ l यस अघि रास्ट्रिय खेलकुद परिषदले आयोजना गरेको प्रधानमन्त्री कपको बिजेताले २० लाख रुपैयाँ पाएकोमा एभरस्ट प्रिमियर लिगको बिजेताले भने १ लाख बढी रु. २१ लाख रुपियाँ पाउनेछ l

४. बिदेशी खेलाडीहरु

ठुलो स्तरको घरेलु लिगमा नेपालमै पहिलो पटक बिदेशी खेलाडीहरु समेत खेल्नेछन् l यो भन्दा अघिको एभरेस्ट प्रिमियर लिग, धनगढी प्रिमियर लिगमा बिदेशी खेलाडीहरु राख्ने अनुमति थिएन l

यसपालि ईपीएलमा प्रत्येक टिमले ३ जना बिदेशी खेलाडीहरु राख्नै पर्नेछ जसलाई चुन्ने काम टिमलेनै गर्नेछ l

घोषणा हुन बाँकी

लिगमा सहभागी हुने टिमका मालिकहरु देशकै चर्चित उद्योगपतिहरु हुने बताईएको भए पनि को-को हुने घोषणा केहि पछि गरिने आयोजकले बताएको छ l यस्तै अक्सनमा खेलाडीहरुको निम्नतम मूल्य कति रहने, टिमको आइकोन खेलाडी को-को हुने, खेलाडीहरु अक्सनमा सहभागी हुने तरिका लगायत बिषयहरुको घोषण छिट्टै गरिने आयोजकले बताएको छ l

यो बाहेक यसपालि एभरेस्ट प्रिमियर लिग आयोजनाको हिसाबले स्तरीय हुने आयोजकले बताएका छन् l मैदानको सजावट, दर्शकको मनोरञ्जन, लाइभ डिजे लगायतको स्तरीय ब्यबस्था गरिने जसको लागि इन्डियन प्रिमियर लिगको आयोजनामा लामो समय अनुभब भएका ब्यक्तिहरुको उपस्थिति रहने भनिएको छ l

एभरेष्ट प्रिमियर लिग आयोजना निर्देशक आमिर अख्तरसंग कुराकानी

 





थप समाचार

प्रम कप : पुलिसलाई पराजित गर्दै एपीएफ फाइनलमा

नेपाल पुलिस क्लबलाई ३० रनले पराजित गर्दै नेपाल एपीएफ क्लब प्रधानमन्त्री कप एकदिवसीय राष्ट्रिय प्रतियोगिताको फाइनल प्रवेश गरेको छ। गत […]

प्रम कप : पहिलो सेमीफाइनलमा एपीएफ र पुलिस खेल्दै

प्रधानमन्त्री कप पुरुष एकदिवसीय राष्ट्रिय प्रतियोगिता अन्तर्गत पहिलो सेमी फाइनल खेलमा बुधबार दुई विभागीय टोलि शशस्त्र प्रहरी बल ( एपीएफ […]

बिग ब्यास : नेट रनरेटमा पछि पर्दै होबार्ट प्लेअफ पुग्न असफल, यस्तो रह्यो सन्दिपको प्रदर्शन

लिग चरणको अन्तिम खेलमा मेलबर्न रेनेगेड्ससंग ११ रनले पराजित भएसंगै नेपाली लेग स्पिनर सन्दिप लामिछाने सम्मिलित होबार्ट हरिकेन्सको यो सिजन […]

आयरल्याण्डविरुद्धको एकदिवसीय शृंखलामा अफगानिस्तानको ‘क्लिन स्विप’

अफगानिस्तान र आयरल्याण्डबीच जारि ३ खेलको एकदिवसीय शृंखला अन्तर्गत मंगलबार सम्पन्न अन्तिम तथा तेस्रो खेलमा ३६ रनको सहज जित दर्ता […]

६ राष्ट्रिय क्रिकेटरलाई ‘क्रिकेट बजार’ द्वारा खेल सामग्री प्रयोजन

क्रिकेट सामग्री उत्पादन गर्ने ‘क्रिकेट बजार’ ले बिभिन्न ६ जना राष्ट्रिय क्रिकेटरहरुलाई खेल सामग्री प्रयोजन गरेको छ। राष्ट्रिय क्रिकेटरहरु मेहबुब […]

राष्ट्रिय क्रिकेट टिमले कतारसंग टि-२० अन्तर्राष्ट्रिय सिरिज खेल्ने

नेपाली राष्ट्रिय क्रिकेट टिमले फेब्रुवरी ९ देखि १२ तारिख सम्म ( माघ २७ देखि ३० गते ) कतारसंग मैत्रीपूर्ण टि-२० […]