सुदुरपश्चिमको अग्रतामा वर्षा बाधक, पूर्वान्चल पुनः निरिह



  • विकेटनेपाल- १२ जेठ

सुदुरपश्चिमाञ्चलले बनाएको १५३ रनको लक्ष पछ्याउने क्रममा पूर्वान्चलले २२ रनको स्कोरमै ४ विकेट गुमाईसकेको थियो त्यसपछि लन्च ब्रेकको लागि रोकिएको खेल लगातार वर्षाको कारण सुरु हुन नपाएपछि रोमान्चक हुने अपेक्षा गरिएको खेल नतिजाबिहिन टुंगिन पुग्यो l

स्कोरकार्ड, अंकतालिका 

प्रधानमन्त्री कप अन्तर्गत समुह ‘बि’ अन्तर्गत चौथो खेलमा टस जितेर ब्याटिंग गरेको सुदुरपश्चिमाञ्चलले विजय रानाको अर्धशतक मदतले पहिलो इनिंगमा ४५.२ ओभरमा सबै विकेट गुमाई १५३ रन बनाउन सक्यो l पहिलो ४ विकेट ४० रनको स्कोरमा गुमाएपछि रानाले एक किनार निरन्तर सम्हालेका थिए l पाचौ विकेटको लागि सन्तोष भट्ट ( २२ ) संग ४४ रनको तथा छैठौ विकेटको लागि अनिल थापा ( ११ ) संग २९ रन साझेदारी गरेका रानाले अर्को किनारमा ब्याट्सम्यानहरुको साथ पाएनन् l ५५ रनको संघर्षपूर्ण इनिंग खेलेका रानाले १०८ बलको सामना गर्दा २ चौका प्रहार गरे l इनिंगको अन्तिम विकेटको रुपमा पुष्प थापाको बलमा बोल्ड हुनु अघि दाँया हाते ब्याट्सम्यान रानाले धैर्यताको परिक्षा पास गरिसकेका थिए l

पूर्वान्चल बलर पुस्प थापा र सागर ढकालले ३/३ विकेट आफ्नो नाम गरे l किफाएति बलिंग गरेका ढकालले १० ओभरमा १ मेडन ओभर सहित मात्र १८ रन खर्चिए भने थापाले ९.२ ओभरमा ३१ रन खर्चिए l

bijay rana
विजय राना

जवाफमा ब्याटिंग गरेको पूर्वान्चलले ४ ओभरमा पहिलो ४ विकेट २२ रन कुल स्कोरमा गुमायो l सागर भण्डारीले पहिलो ओभरमा बिधान गोस्वामी (०) लाई पेभेलियन फर्काएपछि सुरु भएको विकेट पतनलाई दोश्रो ओभरमै बलिंग गर्न आएका देब्रेहाते स्पिनर बिनोद लामाले निरन्तरता दिए l अंकित सुबेदी ( ८) लाई व्यक्तिगत पहिलो ओभरको चौथो बलमा तथा रबि रोय ( २) लाई दोश्रो ओभरमा बोल्ड गरेका लामाले सोहि ओभरको तेश्रो बलमा मुकुन्द यादब (०) लाई एलबिडब्लु धरापमा पारेपछि पूर्वान्चल ४ ओभरमा २२/४ को खराब स्थितिमा पुग्यो l

त्यसपछि त्यसपछि लन्च समय भएको थियो जुनबेला सुरु भएको वर्षाको कारण खेल सुचारु हुनसकेन जसकारण नेपाल पुलिस क्लब र त्रिभुवन आर्मी रहेको समुहमा परेका दुवै टिमको पहिलो जित हात पार्ने चाहना पुरा हुन पाएन l

प्रतियोगिता अन्तर्गत शनिबार सुदुरपश्चिमाञ्चल र त्रिभुवन आर्मी क्लब बीचको खेल हुनेछ जसले समुह बाट सेमीफाइनल पुग्ने टिमको टुंगो लगाउनेछ l

 





थप समाचार

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]

एसीसी टि-२० महिला : नेपाल सेमिफाइनलमा

एसिसी महिला टी–ट्वान्टी च्याम्पियनसिपमा नेपालले बहराइनलाई पराजित गर्दै सेमिफाइनलमा प्रवेश गरेको छ । स्कोरकार्ड , अंकतालिका  मलेसियाको किनरारा ओभल क्रिकेट […]