सिंगापुर अन्तर्राष्ट्रिय क्लब टि-२० प्रतियोगिताको फाइनलमा टस हारेर ब्याटिंग गरेको सिंगापुर इमर्जिंग स्टार्सले पहिलो इनिंगमा १९ ओभरमा सबै विकेट गुमाई १३० रन बनाएको छ l
स्टार्सको लागि चेतन सुर्यबंशीले सर्बाधिक ४३ तथा चामिन्दा रुवान र अखिल बालचन्द्रले समान २२/२२ रनको योगदान दिए l
मेहबुब आलम १४ रनमा अविजित रहंदा १० बलमा १ छक्का प्रहार गरे l पारस खड्का भने ० रनमै अख्ताब कडेरको बलमा बोल्ड आउट हुन पुगेका थिए l
सिंहालीज स्पोर्ट्स क्लबको लागि अख्ताब कडेर रमेष मेन्डिसले ३/३ विकेट हात पारे भने सचित्रा सेनानायकेले २ विकेट दिलाए l
