गण्डकीलाई ४० रनले हराउँदै बागमती सेमिफाइनलमा



गण्डकी प्रदेशलाई ४० रनले हराउँदै बागमती प्रदेश जारि प्रधानमन्त्री टि-ट्वान्टी राष्ट्रिय प्रतियोगिताको सेमिफाइनल प्रवेश गरेको छ। यस अघि नै नेपाल पुलिस क्लब, एपीएफ र त्रिभुवन आर्मी क्लब सेमीफाइनल पुगेका छन्। बागमतीले यसअघि लुम्बिनीलाई ४९ रनले तथा प्रदेश २ लाई ५ विकेटले पराजित गरेको थियो भने नेपाल एपीएफ क्लबसँग ७ विकेटले पराजित भएको थियो । यस्तै, प्रतियोगितामा हालसम्म जितविहिन गण्डकी प्रदेश भने लगातार ३ हारसहित सेमिफाइनलको दौडबाट बाहिरिएको छ। गण्डकीले प्रदेश-२ सँग २ विकेटको तथा नेपाल एपीएफ क्लबसँग २ रनको हार बेहोरेको थियो।

खेलमा १४४ रनको विजयी लक्ष्य पछ्याएको गण्डकीले निर्धारित २० ओभरमा ९ विकेट गुमाएर १०३ रनमात्र बनाउन सक्यो । गण्डकीको ब्याटिंगतर्फ कमल परियारले सर्वाधिक ११ रन बनाए । यस्तै, बिधान श्रेष्ठ, दिपक डुम्रे, सन्दिप छेत्री र गोबिन्द बिकले समान १० रनको योगदान दिए भने अन्य ब्याट्सम्यानले दोहोरो अंकमा रन बनाउँन सकेनन्।

बागमतीको बलिंगतर्फ नन्दन यादव ( ३-०-११-२ ),बिपिन आचार्य ( ४-०-१९-२ ) र सुबाश खत्रीले ( २-०-१८-२ ) समान २ विकेट लिए । यस्तै, रिजन ढकाल, प्रतिष जिसी र रामनरेश गिरिले समान १ विकेट हात पारे ।

यसअघि खेलमा टस जितेर ब्याटिंग रोजेको बागमतीले निर्धारित २० ओभरमा ९ विकेट गुमाएर १४३ रन बनाएको थियो । उसका लागि बिपिन आचार्यले १९ बलमा ३ चौकाको मद्धतमा सर्वाधिक ३० रन तथा प्रतिष जिसीले ८ बलमा २७ रन बनाए जुनक्रममा २ चौका र ३ छक्का प्रहार गरे । यस्तै, विकेटकिपर ब्याट्सम्यान सुबास खकुरेलले २७, लक्की कठायतले १७ तथा नन्दन यादवले १४ रनको योगदान दिए ।

ओपनरद्वय इशान पाण्डे र सुबाद खकुरेलले पहिलो विकेटको लागि २५ रनको साझेदारी गरे । पाण्डेलाई चौथौं ओभरमा कृष्ण पौडेलले आउट पारे । कप्तान ज्ञानेन्द्र मल्ल पनि ४ रन बनाएर क्याच आउट भए । त्यसपछि खकुरेल र कठायतले तेस्रो विकेटको लागि २० रनको साझेदारी गर्दै बागमतीको इनिंग्स अघि बढाए । खकुरेल ११ औं ओभरमा कमल परियारबाट तथा कठायत लगत्तै १२ औं ओभरमा रन आउट हुन पुगेपछि बागमती ६९/४ को दबाबपूर्ण अवस्थामा पुगेको थियो । अन्तिममा प्रतिष र बिपिनले आक्रामक ब्याटिंग गर्दै बागमतीको योगफल १४० रन पार गराए । प्रतिषले कृष्ण पौडेलको १९ औं ओभरमा २ छक्का र १ चौका हिर्काएका थिए ।

गण्डकीको बलिंगतर्फ बिशाल पौडेल ( ४-०-१८-२ ) र कृष्ण पौडेलले ( ३-०-२६-२ ) समान २ विकेट लिए । यस्तै, अशोक श्रेष्ठ, सुबाश भण्डारी र कमल परियारले समान १ विकेट लिए ।





थप समाचार

एलपीएलको अटोमोबाईल पार्टनर बिशेष मोटोकर्प धनगढी

धनगढीमा आयोजना हुन गइरहेको विद्यालय स्तरको यु–१९ क्रिकेट प्रतियोगिता लिटल फ्लावर प्रिमियर लिग–६ (एलपीएल–६)को अटोमोबाईल पार्टनर बिशेष मोटोकर्प प्रा.लि.धनगढी रहने […]

शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड

पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्। अफ्रिदीले वर्ष २०२१ मा […]

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]