“यो पटक आईपीएल सर्वाधिक हेरिनेछ” गांगुली

भारतीय क्रिकेट बोर्डका ( बिसीसीआई ) अध्यक्ष सौरभ गांगुलीले १३ औं सिजनको आईपीएलले दर्शकको संख्यामा नयाँ रेकर्ड बनाउने दावी गरेका छन्। आईपीएल सेप्टेम्बर १९ देखि युएईको दुबई, अबुधाबी र शारजाह गरि तिन वटा शहरमा खेलिनेछ।

“दर्शकहरुले प्रतियोगिता टिभीमा हेर्नेछन् र प्रशारकहरु यो पटक लिग इतिहासकै सर्वाधिक हेरिने विश्वास गरिरहेका छन्। मैदानमा प्रत्यक्ष दर्शकहरु हुनेछैनन्, सबैजना टिभीनै यो पटक प्रतियोगिताको मजा लिनेछन्” एक अनलाइन अन्तर्वार्ताको क्रममा पूर्व भारतीय कप्तान समेत रहेका गांगुलीले बताए। “सबै कुराको सकारात्मक पाटो हुन्छ।” उनले थपे।

गांगुलीले आईपीएलको अन्तिम चरणमा मैदानमा दर्शकहरुलाई प्रवेश दिन सकिने विश्वास व्यक्त गरे – “कोभिड-१९ का कारण कोहि पनि एकअर्काको नजिक जान चाहनेछैनन्। तर छिट्टै मैदानमा ३० प्रतिशत दर्शकहरु सामाजिक दूरी कायम गर्दै हेर्न जानेछन्।”

आईपीएल टिम रोयल च्यालेन्जर्स बैंगलोर युएईमा अभ्यास गर्दै

“दर्शकहरुको मैदान प्रवेश अघि राम्रोसंग जांच हुनेछ। र मलाई लाग्छ केहि समयमा यो काम हुनेछ।” कोभिड-१९ को अवस्था हेरेर त्यसबारे पछि निर्णय लिईनेछ। कोभिड-१९ को भ्याक्सिन आउन सायद अझै ५-६ महिना लाग्नेछ र म ढुक्क छु कि सबैकुरा पुनः सामान्य हुनेछ।”

“यो मात्र एउटा भाइरस र अहिलेनै यो आफै कमजोर हुँदै गैरहेको छ। म आशावादी छौ कि यसबाट छिट्टै पार हुनेछौँ। जीवनमा यस्तो अवरोधहरु आउछन् र हामि यसबाट अघि बढ्नेछौँ।”

“हामीले आईपीएल पनि रोक्न सक्थ्यौ तर मानिसहरुको स्वभाव यही हो त्यसैले हामि अफ्टेरो समयबाट बच्दै आएका छौँ।”

“विश्वमा धेरै युद्धहरु भए त्यसबाट मानिसहरु बाहिर आए र त्यसपछि पनि धेरै अवरोधहरु आए जसबाट मानिसहरु पहिले पनि बाहिर आएका छन्।” गांगुलीले यो परिस्थितिको अन्त्य छिट्टै हुने विश्वास गरे।

यो पनि पढ्नुस :-

रैना भारत फर्कनुको कारण यस्तो, सफलता टाउकोमा चढेको टिम मालिकको आरोप

टि-२० औशतमा बाबरले उछिने कोहलीलाई

९३ रनको लक्ष्य पछ्याउन नसक्दा रोमान्चक खेलमा बार्बेडोस पराजित

IPL : ५ महिना पछि अभ्यासमा फर्किए कोहली ( फोटो फिचर )

IPL : चेन्नाईलाई अर्को झट्का, चाहर पछि अर्को खेलाडीलाई पनि कोरोना

‘सर’ डन ब्राडम्यानले बनाएका ११ रेकर्ड जुन अझै टुट्न मुस्किल छ