लगातारको खराब प्रदर्शन पछी गौतम गम्भीरले छोडे दिल्लीको कप्तानी, नयाँ कप्तान घोषणा



फिचर फोटो: द युथ म्यागजिन (फाइल)

  • विकेटनेपाल, बैशाख १२ – बुधबार

इन्डियन प्रिमियर लिग (आइपिएल) क्रिकेट अन्तर्गत लगातार खराब प्रदर्शन गर्दै आईरहेको दिल्ली डेयरडेभिल्सले ठुलो निर्णय लिएको छ । उसले आफ्नो कप्तानबाट पुर्व भारतीय खेलाडी गौतम गम्भीरलाई हटाउने निर्णय गरेको हो ।

केहि समय अगाडी सामाजिक संजालमा जानकारी शेयर गर्दै दिल्लीले यस्तो जानकारी दिएको हो । उसले लेखेको छ, “गौतम गम्भीरले कप्तानी छोड्ने निर्णय आफै गरेका छन् । उनको व्यक्तिगत भन्दा पनि टिमलाई अगाडी राखेर हेर्ने निर्णयको तारिफ गर्नै पर्छ।”

गम्भीरले पनि यो निर्णय आफ्नो एकल भएको र आफुलाई प्रशिक्षक र टिम ब्यबस्थापनले दबाब नदिएको जनाएका छन् ।  “मैले टिमको नेतृत्व नगरेपनि टिमलाई आबश्यक परेको अवस्थामा म जस्तोसुकै सहयोग गर्न तयार छु ।” उनले थपे ।

यसअघि ८ वर्ष कोलकत्ता नाइटराइडर्सको कप्तानीको जिम्मेवारी निर्बाह गर्दै २ पटक आइपिएलको उपाधी समेत जिताएका गौतम गम्भीरलाई सिजन ११ भन्दा अगाडी भएको ग्लोबल अक्सनमा दिल्ली डेयरडेभिल्सले २.८ करोड भारतीय रुपैंयामा खरिद गरेको थियो । तर यो सिजनमा उनको कप्तानीमा खेलेका ६ खेल  मध्ये टिमले १ खेलमा मात्र जित हात पार्दै  २ अंकका साथ अंकतालिकाको पुछारमा रहँदा सबैतिरबाट तिब्र आलोचना भएपछी यो निर्णय लिइएको छ । उनले उक्त ६ खेल मध्ये ५ इनिंगमा ब्याटिंग गर्दै ८५ रनमात्र बनाएका छन् जसमध्ये ५५ रन आफ्नो पहिलो खेलमा बनाएका थिए ।

श्रेयस ईयर नयाँ कप्तान नियुक्त

निबर्तमान कप्तान गौतम गम्भीरले टिमको साथसाथै आफ्नो खराब प्रदर्शनपछी कप्तानीबाट राजिनामा दिएपछि खाली रहेको पोस्टमा दिल्ली डेयरडेभिल्सको प्रशिक्षक र टिम ब्यबस्थान तथा गौतम गम्भीरको सल्लाह अनुसार युवा खेलाडी श्रेयस ईयर नयाँ कप्तान नियुक्ति भएका छन् । जारि सिजनको बाँकी खेलमा अब टिम ईयरको कप्तानीमा उत्रिने छ ।

सन् २०१५/१६ को रंजी ट्रफीमा उत्कृस्ट प्रदर्शन गर्दै मुम्बईलाई उपाधी जिताउन सहयोग गरेका इयर त्यसपछि रास्ट्रीय टिममा   पर्नको लागि ढोका ढकढकाईरहेका छन् । जारि सिजनमा उनले ६ खेलमा १५१ रन बनाएका छन् जसमा पछिल्ला २ खेलमा लगातार २ अर्धशतक प्रहार गरेका छन् भने २ खेलमा अविजित रहेका छन् ।

दिल्ली र नेपाल सम्बन्ध

सन् २००८ मा सुरु भएको इन्डियन प्रिमियर लिग (आइपिएल) क्रिकेट सुरुबाट नै अक्सनको आधारमा सुरु भएको थियो तर त्यो पछी जारि सिजनमा सबैभन्दा ठुलो अक्सन भयो । उक्त अक्सनमा नेपाली युवा खेलाडी १७ बर्षे लेग स्पिनर गुगली बलर सन्दीप लामिछाने पनि नेपालको प्रतिनिधित्व गर्दै पुगेका थिए ।

त्यो भन्दा अगाडी अर्का नेपाली खेलाडी शक्ति गौचन पनि राजस्थान रोयल्सको प्रशिक्षणमा सहभागी भएका थिए तर उनले टिममा स्थान बनाउन सकेका थिएनन् ।  यसपाली त्यस्तो भएन, सन्दिपलाई रिक्की  पोंटिंगको प्रशिक्षणमा रहेको दिल्ली डेयरडेभिल्सले आधार मूल्य भारतीय २० लाख रुपैयाँमा खरिद गर्यो । गौतम गम्भीर पनि ८ वर्षपछी दिल्लीको टिममा फर्केका थिए जहाँबाट उनले क्रिकेट खेल्न सुरुवात गरेका थिए ।  दिल्लीले सामाजिक संजालमा सन्दिपको धेरै चर्चा मात्रै गरेन सन्दिपलाई उनले आइपिएलमा प्रयोग गर्ने जर्सी पुर्याउन टिमका सिईओ काठमाण्डौ नै आइपुगे, तर उनले अहिलेसम्म टिमको पहिलो एघारमा स्थान बनाउन सकेनन् । के युवा सन्दिपले युवा कप्तान ईयरको कप्तानीमा आइपिएलमा डेब्यु गर्न पाउलान् त ? त्यो त समयले नै बताउला !





थप समाचार

EPL मा आज दुई खेल हुँदै

चौंथो संस्करणको एभरेस्ट प्रिमियर लिगको दोश्रो दिन दुई वटा खेलहरु खेलिंदैछन्। शनिवार सम्पन्न पहिलो खेलमा सन्दिप लामिछाने कप्तानीको काठमाडौँ किंग्स-११ […]

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]

EPL : बर्ल र गुर्बजको आक्रामक ब्याटिंग, काठमाडौँको विजयी सुरुआत

डिफेन्डिङ च्याम्पियन ललितपुर पेट्रिएट्सलाई ७ विकेटले पराजित गर्दै काठमाडौँ किंग्स-११ ले एभरेस्ट प्रिमियर लिग ( ईपीएल ) टि-२० मा विजयी […]