गौतम गम्भीरद्वारा क्रिकेटबाट सन्यास घोषणा



  • विकेटनेपाल, मङ्सिर-१८ 

भारतीय क्रिकेट टिमका पुर्व ओपनिङ्ग ब्याट्सम्यान गौतम गम्भीरले सम्पूर्ण किसिमको क्रिकेटबाट सन्यास लिने घोषणा गरेका छन्।

सन् २००३ मा बंगलादेश बिरुद्ध एकदिवसीयमा भारतको लागि डेब्यु गरेका गम्भीरले ५८ टेस्टमा ४१.९५ को औशतले ४१५४ रन बनाएका छन् जसमा ९ शतक र २२ अर्धशतक रहेका छन्। यस्तै उनले १४७ एकदिवसीयमा ३९.६८ को औशतले ५२३८ रन बनाएका छन् जसमा ११ शतक र ३४ अर्धशतक रहेको छ। ३७ टि-२० समेत खेलेका उनले २७.४१ को औशतले ९३२ रन बनाएका छन् जसमा ७ अर्धशतक सामेल छ।

अन्तिम पटक गम्भीरले सन् २०१६ मा इंग्ल्याण्ड बिरुद्ध भारतमै भएको टेस्ट खेलेका थिए। घरेलु क्रिकेटमा भर्खरै दिल्लीको लागि नोभेम्बर अन्त्यसम्म रणजी ट्रफी खेलेका उनले अन्तिम इनिंगमा ६० रन बनाएका थिए। दिल्लीले डिसेम्बर ६ देखि आन्ध्रासंग खेल्ने रणजी ट्रफीको खेल उनको अन्तिम खेल हुनेछ।

फेसबुकमा भिडियो पोस्ट गर्दै गम्भीरले सन्यास घोषणा गरेका हुन्। भिडियोमा उनले फ्यानहरुलाई धन्यवाद दिंदै २ वटा बिश्वकपको उपाधि दिलाउन फाइनलमा आफुले गरेको योगदानलाई सम्झिएका छन्। भारतलाई नम्बर १ टेस्ट टिम बनाएको र २००९ मा उत्कृस्ट टेस्ट ब्याट्सम्यान बनेकोमा उनले गर्व ब्यक्त गरेका छन्।


सन् २००८ देखि २०११ सम्म भारतीय टिमको प्रमुख ब्याट्सम्यानको रुपमा उदाएका गम्भीर सबै फर्म्याटमा नियमित ओपनिङ्ग ब्याट्सम्यान थिए। ३७ बर्ष ५१ दिन उमेर पुगेका गम्भीर पछिल्लो समय क्रिकेट कमेन्टेटर तथा क्रिकेट विश्लेषकको भूमिकामा देखिदै आएका छन्।

इन्डियन प्रिमियर लिग टिम कोलकाता नाइट राईडर्सलाई २ पटक विजेता बनाएका गम्भीरले भारतलाई २०११ को बिश्वकप उपाधि दिलाउन पनि महत्वपूर्ण योगदान दिएका थिए।

भारतलाई १९८३ पछि एकदिवसीय बिश्वकप उपाधि दिलाउन श्रीलंका बिरुद्ध फाइनल खेलमा गम्भीरले ९७ रनको खेल जिताउने पारि खेलेका थिए। यस्तै सन् २००७ को टि-२० बिश्वकप फाइनलमा समेत गम्भीरले पाकिस्तानबिरुद्ध ५ रनको जित हात पार्ने क्रममा ७५ रन बनाएका थिए ।

सन् २००९ मा गम्भीर आईसीसीको बर्ष उत्कृस्ट टेस्ट खेलाडी घोषित भएका थिए।

२०११ बिश्वकप पछि भने गम्भीरको फर्म पुरानो जस्तो रहेन र भारतीय टिमले इंग्ल्याण्ड र अस्ट्रेलियामा लगातार टेस्ट हार्दा गम्भीरको फर्म नाजुक रहेको थियो। मुरली विजय र शिखर धवन जस्ता ब्याट्सम्यानहरुको आगमनले टिममा उनको स्थान गुमेको थियो।

गत सिजन दिल्ली डेयर डेभिल्सको कप्तानको रुपमा इन्डियन प्रिमियर लिगमा समेत उनको प्रदर्शन नाजुक रहेपछि उनलाई प्रतियोगिताको बीचमै कप्तानीबाट हटाईएको थियो।

 

 





थप समाचार

T20WC : पाकिस्तानले टस जित्यो, भारत ब्याटिंग गर्दै ( दुवै टिमको अन्तिम-११ )

युएईमा जारी टि-ट्वान्टी विश्वकपको सुपर-१२ चरण अन्तर्गत समुह ‘२’ अन्तर्गतको खेलमा चिर प्रतिद्वन्द्वी भारत र पाकिस्तान प्रतिस्पर्धा गर्दैछन्। खेलमा पाकिस्तानले […]

T20WC : श्रीलंकाद्वारा बंगलादेश पराजित, असलंका र राजापक्षेको उत्कृस्ट साझेदारी

बंगलादेशलाई ५ विकेटले पराजित गर्दै श्रीलंकाले टि-ट्वान्टी विश्वकपको सुपर-१२ चरणको समुह ‘१’ अन्तर्गतको आफ्नो पहिलो खेलमा विजयी सुरुवात गरेको छ। […]

T20WC : भारत र पाकिस्तानको भेट, दुवै टिमको कमजोर र बलियो पक्ष

क्रिकेट फ्यानहरुको लामो प्रतीक्षा समाप्त भएको छ। लामो पर्खाइ पछि विश्वक्रिकेटका चिर प्रतिद्वन्द्वी भारत र पाकिस्तान आमने-सामने हुँदैछन्। युएईको दुबई […]

T20 World Cup : आज दुई खेल हुँदै, ४ एशियाली टोलि बीच प्रतिस्पर्धा

युएईमा जारी टि-ट्वान्टी विश्वकपको सुपर-१२ चरण अन्तर्गत आज आइतबार समुह ‘२’ अन्तर्गत दुई खेल हुँदैछन् जसमा ४ दक्षिण एशियाली राष्ट्रहरु […]

निराशाजनक सुरुवात पछि वेस्टइन्डिज कप्तान पोलार्डले भने – “यो प्रदर्शन स्वीकार्य छैन”

प्रतियोगिताको पहिलो खेलमा इंग्ल्यान्डसंग लज्जास्पद प्रदर्शन गरेपछि वेस्टइन्डिज कप्तान काईरन पोलार्डले टिमको प्रदर्शन स्वीकार्य नभएको बताएका छन्। युएईको दुबई अन्तर्राष्ट्रिय […]

T20WC : वेस्टइन्डिज बिरुद्ध इंग्ल्यान्डको कीर्तिमानी जित

डिफेन्डिङ च्याम्पियन वेस्टइन्डिजलाई ६ विकेटले पराजित गर्दै इंग्ल्यान्डले टि-२० विश्वकप २०२१ मा विजयी सुरुवात गरेको छ। समुह ‘१’ अन्तर्गतनै आजै […]