T10 League : अबुधाबीको जितमा स्टरलिंग र गेलको विस्फोटक ब्याटिंग तथा डी लांगेको घातक बलिंग



क्रिस गेल र पल स्टरलिंगले विस्फोटक ब्याटिंग गर्दा युएईमा शुक्रबार सुरु भएको टि-टेन लिगमा टिम अबु धाबीले विजयी सुरुवात गरेको छ।

शेख जायद अबु धाबीमा सम्पन्न खेलमा टिम अबु धाबीले दिएको १४६ रनको लक्ष्य पछ्याएको बांग्ला टाइगर्सले १० ओभरमा ८ विकेट क्षेतीमा १०५ रन मात्र बनायो। टाइगर्सको लागि आन्द्रे फ्लेचरले ८ बलअ २४, हज्रतुल्लाह जजाईले ११ बलमा १८ रन बनाए। बेनी होवेल र इसुरु उडानाले समान १५ रन बनाए।

टिम अबुधाबीका दायाँ हाते पेसर मर्चान्ट डी लांगेले सर्वाधिक ५ विकेट लिए जुन क्रममा २ ओभरमा २३ रन खर्चिए। कप्तान लियाम लिभिंगस्टोन, जेमी ओभरटन र ड्यानि ब्रिग्सले समान एक विकेट लिए। डी लांगे प्रभिन ताम्बे पछि टि-१० फर्म्याटमा एकै इनिंग्समा ५ विकेट लिने दोश्रो बलर बनेका छन्।

टस हारेर ब्याटिंग गरेको टिम अबु धाबीले १० ओभरमा ४ विकेट क्षेतीमा १४५ रन बनाएको थियो। उसको लागि ओपनर पल स्टरलिंगले सर्वाधिक ५९ रन तथा क्रिस गेलले अविजित ४९ रन बनाए। स्टरलिंगले २३ बलमा ६ चौका र ५ छक्का तथा गेलले २३ बलमा २ चौका र ५ छक्का प्रहार गरे। लियाम लिभिंगस्टोनले १४ रन बनाए। स्टरलिंग र गेलले तेश्रो विकेटको लागि मात्र २४ बलमा ९७ रनको साझेदारी गरे।

बांग्ला टाइगर्सका बलर जेम्स फल्कनर, इसुरु उडाना र बेनी होवेलले समान एक विकेट लिए।

लिग अन्तर्गत शुक्रबारनै सम्पन्न अर्को खेलमा दिल्ली बुल्सले नर्दर्न वारियर्सलाई ६ विकेटले पराजित गर्यो। वारियर्सले दिएको १०८ रनको लक्ष्य बुल्सले ९ ओभरमा ४ विकेट गुमाएर भेटायो।

दिल्ली बुल्सको ब्याटिंगमा मोहम्मद हफिजले सर्वाधिक ३१ रन, रहमनुल्लाह गुर्बजले ३० रन तथा शर्फेन रुदरफोर्डले २९ रन योगदान दिए। हफिजले १८ बलमा ४ चौका र १ चक्का, गुर्बजले १० बलमा १ चौका र ४ छक्का तथा रुदरफोर्डले १५ बलमा १ चौका र ३ छक्का प्रहार गरे।

टस हारेर ब्याटिंग गरेको नर्दर्न वारियर्सले १० ओभरमा ४ विकेट क्षेती मा १०७ रन बनाएको थियो। उसको लागि कप्तान रोभम्यान पावेलले १९ बलमा ३ चौका र २ छक्का मद्दतले ३८ तथा मोईन अलिले २१ बलमा २ चौका र २ छक्का मद्दतले ३५ रन बनाए। बुल्सका बलर शिराज एहमद ( २-०-१६-१ ) ,रभी रामपौल ( २-०-१८-१ ) , रोमारियो सेफर्ड ( २-०-१९-१ ) र ड्वेन ब्राभोले ( २-०-२८-१ ) समान एक विकेट लिए।





थप समाचार

राष्ट्रिय क्रिकेट टिमको प्रशिक्षकमा पुबुदु फर्कने

नेपाली राष्ट्रिय क्रिकेट टिमको मूख्य प्रशिक्षकमा पुबुदु दासानायके फर्कने निश्चित भएको छ। यो वर्ष अगस्टमा डेभ व्हाटमोरले व्यक्तिगत कारण देखाउदै […]

BIG BASH : सन्दिपले लिए ड्यानियल क्रिस्चियनको विकेट, कमेन्टेटरद्वारा तारिफ

एघारौं सिजनको बिग ब्यास लिग अन्तर्गत पहिलो खेल खेल्ने क्रममा नेपाली लेग स्पिनर सन्दिप लामिछानेले राम्रो सुरुवात गरेका छन्। सिड्नी […]

टि-२० विश्वकप छनोट : नेपालको समुहमा ओमान र आयरल्याण्ड

२०२२ अक्टोबर-नोभेम्बर मा अस्ट्रेलियामा आयोजना हुने टि-ट्वान्टी विश्वकपको ग्लोबल क्वालीफायरमा स्वतः छनोट भएको नेपालले आगामी वर्ष २०२२ फेब्रुअरीमा ओमानमा ग्लोबल […]

प्रदेश २ स्तरिय महिला क्रिकेट : सानाकाे उत्कृष्ट प्रदर्शनले बारा विजयी, सिराहाद्वारा

प्रधानमंन्त्री कप प्रदेश स्तरिय टि ट्वान्टी महिला सिनियर छनाेट क्रिकेट प्रतियाेगिता अन्तर्गत आज भएकाे दुई वटा खेलमा बारा र सिरहा […]

हिमालयनलाई बर्दिया प्रिमियर लिगको उपाधी, आयुष्मान सर्वोत्कृष्ट

दोश्रो बर्दिया प्रिमियर लिगको उपाधि हिमालयन क्रिकेट एकेडेमीले उपाधि जितेको छ । मंगलबार गुलरियामा सम्पन्न फाइनलमा हिमालयनले स्टार क्रिकेट एकेडेमीलाई […]

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]