ग्लोबल टि-२० : गेलले छक्का वर्षा गर्दा नाइट्सको जित



क्यानडामा जारि ग्लोबल टि-२० क्यानडा अन्तर्गत शुक्रवारराति सम्पन्न खेलमा भान्कुभर नाइट्सले एडमोन्टन रोयल्सलाई ६ विकेटले पराजित गरेको छ। दोश्रो जित संगै नाइट्स ५ अंक बटुल्दै अंकतालिकाको दोश्रो स्थानमा उक्लेको छ। रोयल्स भने लगातार चौथो हार पछि पुछारमा रहेको छ।

टस हारेर ब्याटिंग गरेको एडमोन्टनले २० ओभरमा ९ विकेट गुमाएर १६५ रन बनाएको थियो। १६६ रनको लक्ष्य भान्कुभरले १६.३ ओभरमा ४ विकेट गुमाएर पुरा गर्यो।

भान्कुभरको जितमा ओपनर क्रिस गेलले विस्फोटक ब्याटिंग गरे। शतक बनाउन चुकेका गेलले ९४ रन बनाउन मात्र ४४ बलमा ९ छक्का र ६ चौका प्रहार गरे। यस क्रममा गेलले शदाब खानले गरेको १३ औं ओभरमा ४ छक्का र २ चौका प्रहार गरेका थिए।


४० वर्षीय गेलले अघिल्लो खेलमा मोन्टरियल टाइगर्स बिरुद्ध शतक बनाउने क्रममा ५४ बलमा १२ छक्का र ७ चौका मदतले अविजित १२२ रन बनाएका थिए।

यस्तै शोयब मलिकले अविजित  ३४ ( १७ बलमा ३ चौका र २ छक्का प्रहार गरे। एडमोन्टनको लागि बेन कटिंगले सर्वाधिक ३ विकेट लिए।

यस अघि रोयल्सको ब्याटिंगमा बेन कटिंगले सर्वाधिक ७२ रन ( ४१ बलमा ७ छक्का र ३ चौका ) तथा मोहम्मद नवाजले ४० रन ( २७ बलमा ३ छक्का र १ चौका ) बनाएका थिए। नाइट्सको बलिंगमा अलि खान, साद बिन जाफर र हेडन वाल्सले समान २/२ विकेट लिए।

प्रतियोगिता अन्तर्गत शनिवार राति सन्दिप लामिछाने रहेको टिम टोरोन्टो नेसनल्सले ब्राम्पटन वुल्भ्ससंग खेल्दैछ। युभराज सिंह कप्तानीको टोरोन्टोले ३ खेलमा १ जित र २ हार बेहोर्दै अंकतालिकामा पाँचौ स्थानमा रहेको छ भने वुल्भ्स ३ खेलमा ३ वटै जितको साथ् ६ अंक सहित शिर्षस्थानमा छ।

सन्दिपलाई अघिल्लो खेलमा अन्तिम-११ मा समावेस गरिएको थिएन। आजको खेलमा सन्दिप खेल्ने सम्भावना प्रवल रहेको छ।





थप समाचार

अफ्रिदीको रेकर्ड तोड्दै शाकिब बने टि-२० विश्वकप इतिहासकै सर्वाधिक विकेटकर्ता

टि-ट्वान्टी विश्वकपको सुपर-१२ चरण अन्तर्गत आइतबार बंगलादेश अलराउण्डर शाकिब अल हसनले ठूलो रेकर्ड आफ्नो नाम गरेका छन्। श्रीलंका बिरुद्ध खेलमा […]

टि-ट्वान्टी विश्वकपमा आज एक मात्र खेल

युएईमा जारी टि-ट्वान्टी विश्वकपको सातौँ संस्करण अन्तर्गत अन्तर्गत सोमबार एक मात्र खेल हुँदैछ। समुह ‘२’ अन्तर्गतको खेलमा अफगानिस्तान र स्कटल्याण्ड […]

भारत बिरुद्ध पाकिस्तानको जितमा बनेका ५ ठूला रेकर्ड

विश्वकप जित्न दावेदार तथा बलियो टिम मानिएको भारतलाई १० विकेटले सहजै पराजित गर्दै पाकिस्तानले टि-ट्वान्टी विश्वकप २०२१ को शानदार सुरुवात […]

भारत बिरुद्ध जितपछि पाकिस्तान कप्तान आजमले भने “यो सुरुवात मात्र हो”

क्रिकेट इतिहासमै पहिलो पटक भारत बिरुद्ध आईसीसी विश्वकपको खेल जितेपछि पाकिस्तान कप्तान बाबर आजमले जितको श्रेय टिमलाई दिएका छन्। एकदिवसीय […]

T20WC : पाकिस्तानसंग हारपछि भारतीय कप्तान कोहलीले के बताए कारण

अन्तर्राष्ट्रिय क्रिकेट परिषद ( आईसीसी ) को विश्वकप इतिहासमै पहिलो पटक पाकिस्तानसंग पराजित भएपछि भारतीय कप्तान बिराट कोहलीले पाकिस्तानी टिमको […]

भारत बिरुद्ध ऐतिहासिक जितमा उत्कृस्ट घोषित अफ्रिदीले के भने

भारत बिरुद्ध टि-ट्वान्टी विश्वकपमा पाकिस्ताले ऐतिहासिक जित हात पार्दा पाकिस्तानी पेसर शाहिन शाह अफ्रिदी प्लेयर अफ द म्याच चुनिए। बायाँ […]