११ फोटोमा हेर्नुस क्रिस गेलको विश्वकपमा अन्तिम खेल

आफुलाई ‘युनिभर्स बोस’ भनेर चिनाउने वेस्ट इन्डिज स्टार खेलाडी क्रिस गेलले आईसीसी एकदिवसीय विश्वकपमा अफगानिस्तानसंग विश्वकपको अन्तिम खेल खेले।

उमेरले ४० पुग्न लागेका गेललाई अन्तिम खेलमा २३ रनको जित सहित टिमले विदाई गर्यो।

गेलले सन् २००० मा जिम्बाबेसंग टेस्टमा र १९९९ मा भारतसंग एकदिवसीयमा डेब्यु गरेका थिए।विश्वकपबाट बिदा लिए पनि गेलले भारतसंग घरेलु मैदानमा हुने एकदिवसीय सिरिज खेल्दै सन्यास लिने चाहना व्यक्त गरेको बताईएको छ।

विश्वकप क्रिकेटमा सबैभन्दा धेरै रन बनाउने सुचीमा गेल १,१८६ रन सहित छैठौं स्थानमा रहेका छन्। यस्तै एकदिवसीय अन्तर्राष्ट्रियमा उनले १०,३८६ रन बनाएका छन् जुन क्रममा २५ शतक र ५३ अर्धशतक प्रहार गरेका छन्।  आफ्नै देशका अर्का महान् क्रिकेटर ब्रायन लाराले बनाएको १०,४०५ रन भन्दा १९ रनले पछि रहेका छन्। भारतसंगको विश्वकप पछि सिरिज खेले गेलले लारालाई उछिन्दै वेस्टइन्डिजको सर्वाधिक रनकर्ता बन्न सक्नेछन्।

अफगानिस्तानसंग गेलले ब्याटिंगमा मात्र ७ रन बनाउन सके। उनको विकेट दौलत जद्रानले विकेटकिपरबाट क्याच थमाउदै लिए।

त्यसपछि बलिंग गर्ने क्रममा अफ स्पिनर गेलले ८६ रन बनाएका इक्रम अलिखिललाई एलबिडब्लु धरापमा पार्दै महत्वपूर्ण विकेट लिए। यस्तै उनले डाइभ गर्दै एउटा क्याच समेत लिए। ६ ओभर बलिंग गर्दै उनले २८ रन खर्चेर १ विकेट लिए।

फोटोहरुमा हेर्नुस गेलको कस्तो रह्यो अन्तिम खेल :-