गौतम बुद्ध कप : बागमतीद्वारा नारायणीलाई मध्यम लक्ष्य



गौतम बुद्ध कप टि-ट्वान्टी प्रतियोगिता आजदेखि चितवनमा सुरु भएको छ। प्रतियोगिता अन्तर्गत शनिबार जारि उद्घाटन खेलमा ज्ञानेन्द्र मल्ल कप्तानीको बागमती र सुभास खकुरेल कप्तानीको नारायणी टिम प्रतिस्पर्धा गरिरहेका छन्।

निर्माणाधीन गौतम बुद्ध अन्तर्राष्ट्रिय क्रिकेट रंगशालाको नमुना मैदानमा जारि खेलमा टस हारेर ब्याटिंग गरेको नारायणीले निर्धारित २० ओभरमा ८ विकेट गुमाएर ११७ रन बनाउदै नारायणीलाई ११८ रनको लक्ष्य प्रस्तुत गरेको छ।

अत्यन्तै खराब सुरुवात गरेको बागमतीले दोस्रो ओभरमै कप्तान ज्ञानेन्द्र मल्ललाई गुमायो। व्यक्तिगत ५ रनको स्कोरमा उनलाई किशोर महतोले क्याच आउट पारे। त्यसपछि ओपनर सुनिल धमलाले धैर्यतापूर्वक ब्याटिंग गरेता पनि अन्य ब्याट्सम्यानले लगातार रुपमा विकेट गुमाए। तेस्रो नम्बरमा ब्याटिंग गर्न आएका रोहित पौडेल १ रन बनाएर कारण केसीको बलिंगमा महतोबाट समातिए। लगत्तै पवन सराफ पनि दिपेश श्रेष्ठको बलिंगमा १ रन बनाएर आउट भए। १३ रनको योगफलमै बागमतीले पहिलो ४ विकेट गुमाउन पुग्यो।

सुनिल धमला

प्रदिप ऐरी र ओपनरद्वय सुनिल धमलाले चौथौ विकेटको लागि २८ रनको साझेदारी गर्दै बागमतीको पारि सम्हाले। १८ बलमा ४ रन बनाएर एरि शाहब आलमको बलिंगमा विकेटकिपर सुभास खकुरेलबाट समातिए। एक किनारबाट विकेट गएता पनि अर्को किनार सम्हालेका सुनिल धमलाले ३२ बलमा  ३७ रन बनाए जुनक्रममा ३ छक्का र २ चौका हिर्काए। अनिल शाह र सोमपाल कामि पनि खाता नखोली आउट भए।

मुस्किल अवस्थामा आठौँ विकेटको लागि बिक्रम शोब र राशिद खानले ५९ रनको साझेदारी गर्दै बागमतीको योगफल १०० पार गराए। राशिद खान २२ बलमा २७ रन बनाएर अन्तिम ओभरमा आउट भए। शोबले कारण केसीले गरेको १८ औं ओभरको पाचौं बलमा छक्का तथा अन्तिम बलमा चौका हिर्काए। लगत्तै शोबले महतोले गरेको १९ औं ओभरमा पहिलो र दोस्रो बलमा छक्का प्रहार गरे। अविजित रहेका शोबले ३१ बलमा सर्वाधिक ३७ रन बनाए जुनक्रममा ३ छक्का र १ चौका हिर्काए।

राशिद खान

नारायणीको बलिंगतर्फ शाहब आलमले (४-१-२३-३ ) सर्वाधिक ३ विकेट लिए भने दिपेश श्रेष्ठले (४-०-  २ विकेट हात पारे। यस्तै, कारण केसी (४-०-२०-१ ), शुशान भारि (४-१-१०-१) र किशोर महतोले (४-०-३७-१) समान १ विकेट लिए।

पारस खड्कालाई कोरोना देखिएपछि नारायणीको कप्तानी भूमिका सुभास खकुरेलले सम्हालेका छन्। मङ्सिर ३० गतेसम्म हुने प्रतियोगितामा तिन टिमको सहभागिता रहेको छ। जसमा बागमती, नारायणी र राप्ती टिमले एक अर्कासँग खेल्नेछन र शिर्ष २ टिमले फाइनल खेल्ने छन्। प्रतियोगिताको आयोजना बागमती प्रदेश क्रिकेट संघले गरेको हो।





थप समाचार

प्रम कप : पुलिसको जितमा धमला, सर्राफ र ऐरीको उच्च योगदान

प्रधानमन्त्री कप एकदिवसीय राष्ट्रिय प्रतियोगिता अन्तर्गत सातौँ दिन समुह ‘बि’ अन्तर्गतको खेलमा विभागीय टोलि नेपाल पुलिस क्लबले लगातार दोश्रो जित […]

प्रम कप : एपीएफको दोश्रो जित, गण्डकी बाहिरियो

प्रधानमन्त्री कप एकदिवसीय राष्ट्रिय प्रतियोगिता अन्तर्गत सातौँ दिन मुलपानी मैदानमा सम्पन्न खेलमा विभागीय टोलि नेपाल एपीएफ क्लबले गण्डकी प्रदेशलाई ६ […]

“आजदेखि मेरो काम सुरु भयो” प्रशिक्षक व्हाटमोर

नेपाली राष्ट्रिय क्रिकेट टिमका नवनियुक्त प्रमुख प्रशिक्षक डेभ ह्वाटमोरले  खुशीका साथ आफूसँग भएको ज्ञान र अनुभव नेपाली क्रिकेटसंग साट्ने बताएका […]

प्रम कप : पवन सर्राफको १३ बलमा अर्धशतक

काठमाडौँमा जारि प्रधानमन्त्री कप एकदिवसीय राष्ट्रिय प्रतियोगिता अन्तर्गत बिहिबार लुम्बिनी प्रदेश बिरुद्धको खेलमा नेपाल पुलिस क्लबका ब्याट्सम्यान पवन सर्राफले मात्र […]

धनगढी क्रिकेट एकेडेमीलाई सगरमाथा सिमेन्टको प्रायोजन

धनगढी क्रिकेट एकेडेमीको स्तरोन्नतरु र ग्रासरुट क्रिकेटको विकासमा सगरमाथा सिमेन्टले साथ दिने भएको छ । यसअघि धनगढी क्रिकेट लिगको प्रायोजक […]

बिग ब्यास मेलबर्न डर्वी : वेब्स्टर र हार्वेले विस्फोटक साझेदारी गर्दा रेनिगेड्सद्वारा स्टार्स पराजित

अष्ट्रेलियामा जारि बिग ब्यास लिग अन्तर्गत बुधबार सम्पन्न ४५ औं खेलमा एरोन फिंच कप्तानीको मेलबर्न रेनिगेड्सले प्रतियोगितामा तेस्रो जित दर्ता […]