एचसीएल : ग्रेट हिमालय फाइनल नजिक



काठमाडौं । हिमालय स्पोर्ट्स म्यानेजमेन्टको आयोजनामा काठमाडौंमा जारी दोस्रो संस्करणको हिमालय क्रिकेट लिग ( एचसिएल ) दुईदिवसीय क्रिकेट प्रतियोगितामा ग्रेट हिमालय क्रिकेट एकेडेमी फाइनल नजिक पुगेको छ ।

मंगलबार प्रतियोगिताको पाँचौ तथा समूहको आफ्नो अन्तिम खेलमा नेक्सस क्रिकेट एकेडेमीविरुद्ध ग्रेट हिमालयले पहिलो दिनको समाप्तीमा ७१ रनको अग्रता कायम गरेको छ । स्कोरकार्ड 

मुलपानी क्रिकेट मैदानमा टस जितेर पहिले ब्याटिङ गरेको नेक्सस पहिलो पारीमा २४ ओभर भित्र सबै विकेट गुमाएर ४० रनमा सिमित हुन पुगेको थियो ।

निकै खराब ब्याटिङ गर्ने क्रममा नेक्ससका क्रिश कार्कीले १४ रन बनाउनु बाहेक अन्यले दोहोरो अंक जोड्न सकेनन ।

नेक्ससको पहिलो ईनिङ ध्वस्त पार्ने क्रममा ग्रेट हिमालयका मोहम्मद हुसेन एक्कैले ५ विकेट लिएका थिए । ११ ओभर बलिङ गरेका उनले ५ ओभर मेडन राख्दै मात्र १५ रन खर्चिएर उक्त विकेट लिएका थिए ।

यस्तै टिमका लागि रासिद खान र सोनु देवकोटाले समान २/२ विकेट हात पार्दा अरियो पौडेलले १ विकेट लिए ।

नेक्ससलाई सस्तैमा आउट गरेपछी ग्रेट हिमालयले आफ्नो पहिलो ईनिङ सुरु गर्यो । जसमा ग्रेट हिमालयले ५१ ओभरमा ८ विकेट गुमाएर २२० रन बनाएको अवस्थामा ईनिङको समाप्ती गरेको थियो ।

ग्रेट हिमालयका लागि कप्तान आशिफ शेखले अर्धशतकीय पारी खेल्ने क्रममा ५१ रन बनाए । ५२ बलको सामना गरेका उनले ७ चौका र ३ छ्क्कासहित ५१ रन बनाए ।

यस्तै अलराउण्डर प्रशान्त सिंहले पनि अर्धशतकीय पारी खेलेपछी टिमले ईनिङको समाप्ती गरेको थियो । उनी ५० रनमा अविजित रहे ।

यी दुई बाहेक अशोक पौडेलले २७ तथा आयुशमान बमले २६ रनको योगदान गरेका थिए।

बलिङतर्फ नेक्ससका नरेन साउदले ६ तथा आकाश चन्दले १ विकेट लिएका थिए ।

त्यसपछि पहिलो ईनिङमा १ सय ८० रनले पछि परेको स्थितिबाट दोस्रो ईनिङ सुरु गरेको नेक्सस पहिलो दिनको समाप्तीसँगै ३५ ओभरमा ८ विकेट गुमाएर १ सय ९ रन बनाएको छ । अब यहि बाट नेक्ससले बुधबार दोस्रो ईनिङलाई निरन्तरता दिनेछ ।

दोस्रो ईनिङमा ग्रेट हिमालयका स्पिनर अरियो पौडेल एक्कैले ७ विकेट लिएपछी नेक्ससको ब्याटिङ सन्तोषजनक हुन सकेन ।

दोस्रो ईनिङमा नेक्ससका लागि हालसम्मको सर्वाधिक ठूलो योगदान गर्ने क्रममा महेश रानाले २३ रन बनाए र विशाल विक्रम केसीले १८ रनको योगदान गरे ।

योसँगै ग्रेट हिमालय क्रिकेट एकेडेमी समूह ` ए ´ बाट फाइनल नजिक पुगेको छ । यसअघि ग्रेट हिमालयले हिमालय क्रिकेट एकेडेमीलाई निराश बनाएको थियो ।

कुल ६ टिमको सहभागिता रहेको प्रतियोगिताको विजेता टोलीले नगद १ लाख ५० हजार र उप -विजेता टोलीले ७५ हजार प्राप्त गर्नेछन् ।

यस्तै प्रतियोगिताको उत्कृष्ट खेलाडी , ब्याट्सम्यान , बलर र उदयमान खेलाडीलाई पनि आकर्षक पुरस्कारको व्यवस्था गरिएको छ ।





थप समाचार

अफ्रिदीको रेकर्ड तोड्दै शाकिब बने टि-२० विश्वकप इतिहासकै सर्वाधिक विकेटकर्ता

टि-ट्वान्टी विश्वकपको सुपर-१२ चरण अन्तर्गत आइतबार बंगलादेश अलराउण्डर शाकिब अल हसनले ठूलो रेकर्ड आफ्नो नाम गरेका छन्। श्रीलंका बिरुद्ध खेलमा […]

टि-ट्वान्टी विश्वकपमा आज एक मात्र खेल

युएईमा जारी टि-ट्वान्टी विश्वकपको सातौँ संस्करण अन्तर्गत अन्तर्गत सोमबार एक मात्र खेल हुँदैछ। समुह ‘२’ अन्तर्गतको खेलमा अफगानिस्तान र स्कटल्याण्ड […]

भारत बिरुद्ध पाकिस्तानको जितमा बनेका ५ ठूला रेकर्ड

विश्वकप जित्न दावेदार तथा बलियो टिम मानिएको भारतलाई १० विकेटले सहजै पराजित गर्दै पाकिस्तानले टि-ट्वान्टी विश्वकप २०२१ को शानदार सुरुवात […]

भारत बिरुद्ध जितपछि पाकिस्तान कप्तान आजमले भने “यो सुरुवात मात्र हो”

क्रिकेट इतिहासमै पहिलो पटक भारत बिरुद्ध आईसीसी विश्वकपको खेल जितेपछि पाकिस्तान कप्तान बाबर आजमले जितको श्रेय टिमलाई दिएका छन्। एकदिवसीय […]

T20WC : पाकिस्तानसंग हारपछि भारतीय कप्तान कोहलीले के बताए कारण

अन्तर्राष्ट्रिय क्रिकेट परिषद ( आईसीसी ) को विश्वकप इतिहासमै पहिलो पटक पाकिस्तानसंग पराजित भएपछि भारतीय कप्तान बिराट कोहलीले पाकिस्तानी टिमको […]

भारत बिरुद्ध ऐतिहासिक जितमा उत्कृस्ट घोषित अफ्रिदीले के भने

भारत बिरुद्ध टि-ट्वान्टी विश्वकपमा पाकिस्ताले ऐतिहासिक जित हात पार्दा पाकिस्तानी पेसर शाहिन शाह अफ्रिदी प्लेयर अफ द म्याच चुनिए। बायाँ […]