ग्लोबल टि-२० लिगमा मोन्टरियल टाइगर्स पराजित, सन्दिपको निराशाजनक प्रदर्शन



  • विकेटनेपाल – १७ असार, आइतवार

क्यानडामा जारि ग्लोबल टि-२० लिगमा सन्दिप लामिछाने सम्मिलित टोलि मोन्टरियल टाइगर्सले लगातार दोस्रो हार बेहोरेको छ। आफ्नो दोस्रो खेलमा टाइगर्सले क्रिकेट विन्डीज बि संग २ विकेटको हार बेहोरेको हो।

किंग सिटिमा शनिवार सम्पन्न खेलमा टस जित्दै ब्याटिंगमा उत्रिएको टाइगर्सले निर्धारित २० ओभरमा ९ विकेट गुमाएर १८३ रन बनाएको थियो। उसको इनिंगमा सिकन्दर राजाले ४७ तथा सुनिल नारायणले २८ रन बनाउन बाहेक अन्य ब्याट्सम्यानले राम्रो प्रदर्शन गर्न सकेका थिएनन्। ओपनर ब्याट्सम्यानद्वय नारायण र ड्वेन स्मिथले पहिलो विकेटका लागि ५१ रनको साझेदारी गरेपनि बिचका ओभरमा लगातार विकेट गुमाउँदा कुनै समय टाइगर्स ९२/४ को अवस्थामा आइपुगेको थियो। टाइगर्सको इनिंग सम्हाल्ने क्रममा राजाले मात्र ३७ बलमा ३ चौका र २ छक्का सहित ४७ रन जोडेका थिए। क्रिकेट विन्डीज बि को बलिंग तर्फ ओबेड मक्कोए र जेरिमियाह लोउइसले समान ३-३ विकेट लिएका थिए।

निकोलस पुरन

जवाफमा १८४ रनको बिजय लक्ष्य लिएर मैदान उत्रिएको विन्डीज बि टोलीले खेल सकिन ५ बल अगावै ८ विकेट गुमाएर लक्ष्य पुरा गर्यो। उसको जितमा म्यान अफ दि म्याच निकोलस पुरनले ५८ तथा ब्रेन्डन किंगले ५६ रन जोडेका थिए। यस्तै समर स्प्रिंगरले समेत २७ रनको महत्वपूर्ण योगदान गरे। टाइगर्सको बलिंग तर्फ पिटर सिडल र लासिथ मलिंगाले समान २-२ विकेट लिएपनि त्यो जितका लागि पर्याप्त हुन सकेन।

सन्दिपको खराब प्रदर्शन :

Sandeep Lamichhane
Sandeep Lamichhane

ग्लोबल टि-२० लिग अन्तर्गत मोन्टरियल टाइगर्सको पहिलो खेल गुमाएका सन्दिपले शनिवारको खेलमा भने अपेक्षा अनुरुप प्रदर्शन गर्न सकेनन्। महँगो साबित भएका उनले आफ्नो ४ ओभरको स्पेलमा १ विकेट लिन ५७ रन खर्चिए।

९ नम्बरमा ब्याटिंग गर्न उत्रिएका जेरिमियाह लोउइसलाई एल बि डब्लु धरापमा पार्दै एक विकेट लिएपनि अन्य बलरको तुलना सन्दिप महँगो साबित भए। आफ्नो स्पेलको अधिकांश समय निकोलस पुरन र ब्रेन्डन किंगलाई बलिंग गरेका उनले पहिलो ओभरमा नै २१ रन खर्चिएका थिए। यस्तै दोस्रो ओभरमा १० रन, तेस्रो ओभरमा २५ रन तथा चौथो ओभरमा भने सन्दिपले १ विकेट लिंदै १ रन मात्र खर्चिएका थिए।

सन्दिपलाई ग्लोबल टि-२० लिगको टोलि मोन्टरियल टाइगर्सले ड्राफ्टको छैठौं चरणमा चयन गरेको थियो।





थप समाचार

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]

यु-१९ राष्ट्रिय : उपाधिको लागि लुम्बिनी र सुदूरपश्चिम खेल्दै

नेपाल क्रिकेट संघको आयोजनामा काठमाडौँमा जारी अन्डर-१९ राष्ट्रिय प्रतियोगिताको उपाधिको लागि लुम्बिनी प्रदेश र सुदूरपश्चिम प्रदेश प्रतिस्पर्धा गर्दैछन्। खेल नेपाली […]

सितालाई हंगकंगमा खेल्ने अवसर

राष्ट्रिय महिला क्रिकेट टिमकी उपकप्तान सीता रानामगरले हङकङमा आयोजना हुने फेयर ब्रेक इन्भिटेसनल महिला टि-२० प्रतियोगिता २०२२ खेल्ने भएकी छिन्। […]

U19 National : सुदूरपश्चिम फाइनलमा, हेमन्त र शेरको घातक बलिंग

लिग चरणको अन्तिम खेलमा बागमती प्रदेशलाई ८ विकेटले पराजित गर्दै सुदूरपश्चिम प्रदेश यु-१९ राष्ट्रिय प्रतियोगिताको फाइनल पुगेको छ। लिग चरणमा […]

को बन्लान् नेपालको मुख्य प्रशिक्षक ? यी हुन् दावेदार

नेपाल क्रिकेट संघ ( क्यान ) ले राष्ट्रिय क्रिकेट टिमको मुख्य प्रशिक्षकको लागि आवेदन दिएका ६० जना आवेदकहरु मध्ये बिहिबार […]