IPL : दबाबमा तेवतियाको उत्कृस्ट इनिंग्स, गुजरातद्वारा लखनउ पराजित



रोमान्चक खेलमा लखनउ सुपर जायन्ट्सलाई ५ विकेटले पराजित गर्दै हार्दिक पान्ड्या कप्तानीको गुजरात टाइटन्सले आईपीएल १५ मा विजयी सुरुवात गरेको छ।

मुम्बई स्थित वानखेडे स्टेडियममा सम्पन्न खेलमा लखनउले दिएको १५९ रनको लक्ष्य गुजरातले ५ विकेट क्षेतीमा २ बल बांकी रहँदै भेटायो।

लक्ष्य पछ्याउने क्रममा ओपनर शुबमन गिल र विजय शंकरलाई दुश्मन्था चमिराले सुरुवातमै पेभेलियन फर्काए। तेश्रो विकेटको लागि म्याथु वेडले हार्दिक पान्ड्यासंग ५७ रन जोडे। एघारौं ओभरमा पान्ड्या ३३ रन र लगत्तै ओभरमा वेड ३० रन बनाएर आउट भए। पाँचौ विकेटको लागि डेभिड मिलर र राहुल तेवतियाले ६० रनको साझेदारी गरे। ३० रन बनाएका मिलरलाई आभेस खानले अठारौं ओभरमा क्याच आउट पारे। त्यसपछि राहुल तेवतियाले आक्रामक सटहरु खेल्दै टिम टिमलाई जितसम्म पुर्याए।

तेवतियाले २४ बलमा ५ चौका र २ छक्का मद्दतले अविजित ४० रन बनाए। अभिनभ मनोहरले  ७ बलमा ३ चौका मद्दतले अविजित १५ रन बनाए।

लखनउका बलर दुश्मन्था  चमिराले २ विकेट तथा आभेस खान, क्रुनाल पान्ड्या र दिपक हुडाले १/१ विकेट लिए।

टस हारेर ब्याटिंग गरेको लखनउ सुपर जायन्ट्सले २० ओभरमा ६ विकेट क्षेतीमा १५८ रन बनायो।

लखनउले २९ रन बनाउदा ४ विकेट गुमायो। कप्तान केएल राहुल, क्विन्टन डीकक र मनिष पाण्डेलाई मोहम्मद शामीले पावरप्लेको ओभर भित्रै पेभेलियन फर्काए। पाँचौ विकेटको लागि दिपक हुडा र आयुष बादोनिले ८७ रनको साझेदारी गर्दै इनिंग्स उकासे। १६ औं ओभरमा हुडा ५५ रन बनाएर राशिद खानबाट आउट भए। ५४ रन बनाएका बादोनीलाई अन्तिम ओभरमा वरुण अरुनले क्याच आउट पारे।

गुजरात टाईटन्सका बलर मोहम्मद शामीले ३ ( ४-०-२५-३ ) विकेट लिए भने वरुण अरुणले २ तथा राशिद खानले १ विकेट लिए।





थप समाचार

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]