ज्ञानेन्द्र मल्ल नेपाली क्रिकेट टिमको पोषण विशेषज्ञमा नियुक्त



नेपाली क्रिकेट टिममा २ वटा ज्ञानेन्द्र मल्ल हुने भएका छन्। कप्तान ज्ञानेन्द्र मल्ल पछि अर्को ज्ञानेन्द्र मल्ललाई नेपाल क्रिकेट संघ ( क्यान ) ले पोषण विशेषज्ञको रुपमा आइतबार नियुक्त गरिएको हो।

नेपाली राष्ट्रिय टिमको जारि बन्द प्रशिक्षणमा पहिलो पटक कुनै पोषण विशेषज्ञ ( Nutritionist ) नियुक्त गरिएको हो।

टिमको पोषण विशेषज्ञको काम खेलाडीहरुले आफ्नो शरीरको प्रकार अनुसार के खाने, कस्तो प्रकारको खाने, कति खाने जस्तो कुरा बताउनु हो। पोषण विशेषज्ञले खेलाडीको अभ्यासको तालिका, भार र चुनौती अनुसार पोषणको मापदण्ड बनाउने गर्छन्। खेलाडीले आफ्नो उत्कृस्ट प्रदर्शन देखाउनको लागि आफ्नो खानामा विशेष ध्यान दिनु पर्छ जुन लक्ष्य प्राप्त गर्नको लागि पोषण विशेषज्ञले सहायता गर्नेछन्।

खेलाडीले खाने कुराले उसको प्रदर्शनमा प्रत्यक्ष-अप्रत्यक्ष ठूलो प्रभाव पार्ने हुँदा खेलाडीहरुको प्रदर्शनमा मल्लको आगमनले प्रभाव पार्ने विश्वास गर्न सकिन्छ। पछिल्लो समय भारतीय क्रिकेट कप्तान बिराट कोहलीले आफ्नो खानपीनले खेलमा निकै प्रभाव पारेको बताउदै आएका छन्।

क्यानले आइतबारनै सहायक प्रशिक्षकको रुपमा राष्ट्रिय क्रिकेट टिमका पूर्व विकेटकिपर ब्याट्सम्यान तथा नेपाल पुलिस क्लबका प्रशिक्षक रहेका मनोज कटवाललाई समेत नियुक्त गरेको छ।

राष्ट्रिय टिमको फिटनेस ट्रेनरको रुपमा क्यानले भारतका आशय हटकरलाई नियुक्त गरेको थियो जसले अहिले टिमको फिटनेस पक्ष हेरीरहेका छन्। टिमको फिजियोको रुपमा बिक्रम न्यौपाने रहेका छन्।





थप समाचार

BBL : दबाबमा सन्दिपको राम्रो बलिंग, मेलबर्न बिरुद्ध लिए २ विकेट

दबाबमा सन्दिप लामिछानेले राम्रो बलिंग गर्दा मेलबर्न रेनेगेड्सलाई ६ रनले पराजित गर्दै होबार्ट हरिकेन्सले सातौँ जित दर्ता गरेको छ। मेलबर्नको […]

आर्मीलाई ४७ रनले हराउँदै एपीएफ फाइनलमा

त्रिभुवन आर्मी क्लबलाई ४७ रनले हराउँदै नेपाल एपीएफ क्लब जारि प्रधानमन्त्री कप राष्ट्रिय टि-ट्वान्टी प्रतियोगिताको फाइनलमा प्रवेश गरेको छ । […]

लोकेशको कीर्तिमानी अर्धशतक

नेपाल एपीएफ क्लबका आक्रामक युवा ब्याटर लोकेश बमले जारि प्रधानमन्त्री टि-ट्वान्टी राष्ट्रिय प्रतियोगिता अन्तर्गत त्रिभुवन आर्मी क्लबविरुद्धको दोस्रो सेमिफानल खेलमा […]

दिपेन्द्रको घातक बलिंग, पुलिस फाइनलमा

पहिलो सेमिफाइनलमा बागमती प्रदेशलाई ५० रनको फराकिलो अन्तरले पराजित गर्दै जारि प्रधानमन्त्री कप टि-ट्वान्टी राष्ट्रिय प्रतियोगितामा विभागीय टोलि नेपाल पुलिस […]

देव खनाल र अनिल खरेल चम्कदा लुम्बिनीद्वारा गण्डकी सहजै पराजित

अनिल खरेल र देव खनाल चम्कदा जारि प्रधानमन्त्री टि-ट्वान्टी राष्ट्रिय प्रतियोगितामा लुम्बिनी प्रदेशले गण्डकी प्रदेशलाई ५ विकेटले हराउँदै प्रतियोगितामा सुखद […]

राजुको अर्धशतकमा सुदूरपश्चिम विजयी, सेमिफाइनल समिकरण पुरा

ओपनर राजु रिजालले अर्धशतकी पारि खेल्दा जारि प्रधानमन्त्री कप टि-ट्वान्टी राष्ट्रिय प्रतियोगितामा सुदूरपश्चिमले प्रदेश १ माथि ७ विकेटको जित निकालेको […]