ज्ञानेन्द्र लयमा फर्किए, नेपालको बिशाल जित

Gyanendra Malla


  • विकेटनेपाल, साउन १० 

इंग्ल्याण्ड भ्रमण अन्तर्गत नेपालले चौथो अभ्यास खेलमा इस्ट लन्डन शार्क्सलाई १३४ रनको बिशाल अन्तरले पराजित गरेको छ। स्कोरकार्ड 

लफ्टन क्रिकेट क्लब मैदानमा टस हारेर ब्याटिंग गरेको नेपालले २० ओभरमा ४ विकेट गुमाएर २५१ रनको बिशाल योगफल तयार गरेको थियो।

लामो समय देखि नेपालको लागि ठुलो स्कोर बनाउन नसकेका उपकप्तान ज्ञानेन्द्र मल्लले सर्वाधिक ७५ रन तथा कप्तान पारस खड्का र दिपेन्द्र ऐरिले समान ६७ रन बनाए। मल्लले ४७ बलमा ६ छक्का र ५ चौका प्रहार गरे भने पारसले ३० बलमा ५ छक्का र ७ चौका र दिपेन्द्रले २६ बलमा ६ छक्का र ४ चौका प्रहार गरे।

अघिल्लो अभ्यास खेलमा १३१ रनको इनिंग खेलेका अनिल साह पाँचौ ओभरमा ८ रन बनाएर आउट भए पछि ज्ञानेन्द्र र पारसले दोश्रो विकेटको लागि १०४ रनको साझेदारी गरेका थिए। इस्ट लण्डनका बलर सलिम अकबरले २ विकेट लिए।

२५२ रनको बिशाल स्कोर पछ्याउने क्रममा घरेलु टिमले पुरै ओभर ब्याटिंग गरे पनि ९ विकेट गुमाएर ११७ रन मात्रै बनाउन सक्यो। उसको लागि ताकि अब्बासले सर्वाधिक ३२ तथा हफिज यावरले २६ रन बनाए। शार्क्सलाई सस्तोमा समेट्न सन्दिप लामिछानेले सर्वाधिक ३ विकेट, ललित राजबंशीले २ विकेट तथा करन केसी, दिपेन्द्र ऐरि र शरद भेसावकरले समान १ विकेट लिए। सन्दिपले ३ ओभरमा १ मेडन ओभर गर्दै मात्र २ रन खर्चिए।

नेपालले भ्रमण अन्तर्गत अब जुलाई २९ तारिकमा एमसीसी र नेदरल्याण्डसंग एकै दिन टि-२० खेल खेल्ने कार्यक्रम रहेको छ जसपछि अगस्ट १ र ३ तारिकमा नेदरल्याण्डसंग २ वटा एकदिवसीय अन्तर्राष्ट्रिय खेल्नेछ। यस अघि खेलिएको ३ मध्ये नेपालले २ मा जित र १ मा हार बेहोरेको थियो ।





थप समाचार

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]