ज्ञानेन्द्र मल्लको शतक पुरा, नेपाल बलियो स्थितिमा

Aarif Sheikh


भारत भ्रमण अन्तर्गत दोश्रो अभ्यास खेलमा मिलापुर रिक्रियसन क्लब बिरुद्ध ज्ञानेन्द्र मल्लले शतक प्रहार गरेका छन् l

खेलको ३९ औं ओभरमा कुल १२३ बल खेल्दै ज्ञानेन्द्रले शतक प्रहार गरेपछि नेपालले १ विकेट गुमाई ३९ ओभरमा १६७/१ को स्कोर खडा गरेको छ l

ओपनिंग ब्याटिंग गरेका मल्लले शतक प्रहार गर्ने क्रममा १० चौका र १ छक्का प्रहार गरे l

शरद भेसावकर ३८ रन बनाएर ब्याटिंग गरिरहेका छन् l

पहिलो विकेटको लागि सागर पुनसंग ६७ रनको साझेदारी गरेका मल्लले दोश्रो विकेटको लागि शरद भेसावकरसंग १०० रन भन्दा बढीको साझेदारी गरिसकेका छन् l

नेपालले पहिलो विकेटको रुपमा सागर पुनलाई गुमाएको थियो l सागर र ज्ञानेन्द्रले ओपनिंग साझेदारीको रुपमा ६७ रन बनाएका थिए l ५४ बलमा २५ रनको इनिंग खेल्दै सागर १९.५ औ ओभरमा आउट भएका थिए l

खेलको अपडेट – http://bit.ly/2yf4RTx 
स्कोरकार्ड- http://bit.ly/2fm1Lcx

भारतको चेन्नाई भ्रमण अन्तर्गत नेपाली टिमले कुल ४ वटा अभ्यास खेल खेल्ने कार्यक्रम रहेको छ । तेश्रो अभ्यास खेल सेप्टेम्बर २३ र चौथो २५ तारिकमा खेल्ने तालिका रहेको छ । टिम सेप्टेम्बर २७ मा स्वदेश फिर्ता हुने कार्यक्रम रहेको छ।

यस अघि पहिलो अभ्यास खेलमा नेपालले डीन्डीगुल ड्रयागन्सलाई १५३ रनको बिशाल अन्तरले पराजित गरेको थियो l

नेपालको बिशाल जितमा सोमपाल उत्कृस्ट

  • विकेटनेपाल, ३ असोज 

अभ्यास खेल खेल्न भारतको चेन्नईमा रहेको नेपाली क्रिकेट टिमले तमिलनाडु प्रिमियर लिगको टिम डीन्डीगुल ड्रयागन्सलाई १५३ रनको बिशाल अन्तरले पराजित गरेको छ ।

नेपालको जितमा सोमपाल कामिले ब्याटिंग र बलिंग दुवैतर्फ राम्रो योगदान दिएका थिए ।

नेपालले पहिले ब्याटिंग गर्दै बनाएको २१६ रनको जवाफमा ब्याटिंग गरेको डीन्डीगुल ड्रयागन्सले दोश्रो इनिंगमा मात्र ६३ रनमै सबै विकेट गुमाउन पुगेको थियो ।

नेपालको लागि सोमपाल कामि, सागर पुन र सन्दिप लामिछानेले समान २-२ विकेट हात पारेका थिए । यस्तै पहिलो पटक नेपाली टिममा स्थान बनाएका सुशील कंडेल र ललित सिंह भण्डारीले १-१ विकेट हात पारे ।

यस अघि टस जितेर ब्याटिंग गर्दै पहिलो इनिंगमा २१६ रन बनाएको थियो ।  स्कोरकार्ड

तमिलनाडु प्रिमियर लिगको टिम डीन्डीगुल ड्रयागन्ससंगअभ्यास खेल खेलेको नेपाली टिमले पहिलो ६ विकेट ८५ रनको स्कोरमा गुमाएको थियो ।

६ विकेट गुमेपछि सोमपाल कामि र बसन्त रेग्मीले शतकीय साझेदारी गर्दै नेपाललाई सम्मानजनक स्कोरतर्फ लगेका थिए ।

सोमपालले ४ छक्का र २ चौका मदतले ७७ बलमा ६६ रन बनाएका थिए । बसन्त रेग्मीले अविजित ५६ रन बनाउने क्रममा २ छक्का र १ चौका प्रहार गरे । दुवैले सातौं विकेटको लागि १०७ रनको साझेदारी गरेका थिए ।

नेपालको लागि ओपनिंग ब्याट्सम्यान  ज्ञानेन्द्र मल्लले ३९ रनको योगदान दिएका थिए । मल्लले २ चौका र १ छक्का प्रहार गरेका थिए । अर्का ओपनर सागर पुनले १५ रन बनाएका थिए भने शरद भेसावकरले १ रन बनाउदा कप्तान पारस खड्का १ रनमै पेभेलियन फर्किएका थिए । आरिफ शेखले २१ रन बनाए भने बिनोद भण्डारीले १ रन मात्रै बनाउन सके ।

डीन्डीगुलका बलर एस अर्भिन्द एक्लैले ४ विकेट हात पारे। १० ओभर बलिंग गरेका उले २ मेडन ओभर सहित ३६ रन खर्चका थिए ।

 

 





थप समाचार

प्रधानमन्त्री कप टि-ट्वान्टीको उपाधि एपीएफलाई

फाइनलमा नेपाल पुलिस क्लबलाई २१ रनले पराजित गर्दै प्रधानमन्त्री कप टि-ट्वान्टी राष्ट्रिय प्रतियोगिताको उपाधि नेपाल एपीएफ क्लबले उचालेको छ । […]

शक्ति गौचन पराजित

पूर्व स्टार राष्ट्रिय क्रिकेटर शक्ति गौचनलाई पराजित गर्दै हरि बहादुर थापा रुपन्देही जिल्ला क्रिकेट संघको अध्यक्ष निर्वाचित भएका छन्। बुधबार […]

BBL : सन्दिप सिजनकै महँगो सावित, म्याक्सवेल र मेलबर्नको नयाँ कीर्तिमान

अस्ट्रेलियामा जारि बिग ब्यास लिग अन्तर्गत होबार्ट हरिकेन्सको प्रतिनिधित्व गरिरहेका नेपाली लेग स्पिनर सन्दिप लामिछाने आफ्नो चौधौं खेलमा महँगो सावित […]

BBL : दबाबमा सन्दिपको राम्रो बलिंग, मेलबर्न बिरुद्ध लिए २ विकेट

दबाबमा सन्दिप लामिछानेले राम्रो बलिंग गर्दा मेलबर्न रेनेगेड्सलाई ६ रनले पराजित गर्दै होबार्ट हरिकेन्सले सातौँ जित दर्ता गरेको छ। मेलबर्नको […]

आर्मीलाई ४७ रनले हराउँदै एपीएफ फाइनलमा

त्रिभुवन आर्मी क्लबलाई ४७ रनले हराउँदै नेपाल एपीएफ क्लब जारि प्रधानमन्त्री कप राष्ट्रिय टि-ट्वान्टी प्रतियोगिताको फाइनलमा प्रवेश गरेको छ । […]

लोकेशको कीर्तिमानी अर्धशतक

नेपाल एपीएफ क्लबका आक्रामक युवा ब्याटर लोकेश बमले जारि प्रधानमन्त्री टि-ट्वान्टी राष्ट्रिय प्रतियोगिता अन्तर्गत त्रिभुवन आर्मी क्लबविरुद्धको दोस्रो सेमिफानल खेलमा […]