ज्ञानेन्द्रको शतकले टरेन हार

gyanendra malla


  • विकेटनेपाल, फाल्गुन-१५ 

ज्ञानेन्द्र मल्लको शतकका बाबजुत नेपालले भारत भ्रमण अन्तर्गत पहिलो अभ्यास खेलमा ४७ रनको हार बेहोर्न पुगेको छ l  ( स्कोरकार्ड )

भारतको ग्रेटर नोयडा स्थित गौतम बुद्ध युनिभर्सिटीको मैदानमा स्थानीय टिम राजवाडासंग उत्रेको नेपाली टिमले टस हारेर पहिले बलिंगको निम्तो पायो l ओपनर रजत चप्परवालले ९१ तथा चौथो नम्बरमा ब्याटिंग गरेका मधुर खत्रीले ९० रन बनाएपछि राजवाडाले ५० ओभरमा ७ विकेट नोक्सानीमा २८१ रनको स्कोर बनायो l

नेपालको लागि सन्दिप लामिछानेले २ विकेट तथा सोमपाल कामि र कारन केसीले १/१ विकेट हात पारे l

जवाफमा २८२ रनको लक्ष पछ्याएको नेपाली टिमका ओपनर आसिफ शेख खाता नखोली पहिलो ओभरमा आउट भए l ओपनर ज्ञानेन्द्र मल्लले त्यसपछि सागर पुनसंग दोश्रो विकेटको लागि ७५ रनको साझेदारी गरे l सागर २८ रन बनाएर आउट भएपछि राजेश पुलामी ( ८ )  शरद भेसवकर ( ४ ) र दिपेन्द्र ऐरी ( ९ ) ले थोरै अन्तरमा विकेट गुमाए l

ज्ञानेन्द्र मल्लले १०४ रनको इनिंग खेले

त्यसपछि बिनोद भण्डारीले ज्ञानेन्द्र मल्लसंग छैठौ विकेटको लागि ५३ रनको साझेदारी गरे l बिनोद २० रन बनाई आउट हुँदा १९६/६ को स्थितिमा पुगेको नेपालले त्यसपछि लगातार विकेट गुमायो र सबै टिम ४७.१ ओभरमा २३४ रनमा समेटिन पुग्यो l

लामो समय पछि ठुलो इनिंग खेल्दै लयमा देखिएका मल्लले ४० औ ओभरमा विकेट गुमाउनु अघि १२५ बलमा १० चौका प्रहार गर्दै १०४ रन बनाए l

राजवाडाका बलर मोहम्मद साफ्फीले उत्कृस्ट बलिंग गर्दै १० ओभरमा ४२ रन खर्चेर ४ विकेट हात पारे l यस्तै नरेश नमले २ विकेट लिए l

नेपालले मंगलबार समान टिम संग दोश्रो अभ्यास खेल खेल्नेछ l

( स्कोरकार्ड )





थप समाचार

धनगढी सुपर लिग : लिटल फ्लावर र कैलाली जिल्ला क्रिकेट क्लब विजयी

धनगढी ११ जेठ – कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिगमा’ लिटल फ्लावर क्रीकेट क्लब र कैलाली […]

कप्तान सन्दिप सहित ६ राष्ट्रिय क्रिकेटरलाई ज्यापको प्रायोजन 

नेपाली राष्ट्रिय क्रिकेट टिमका ६ जना क्रिकेटरलाई क्रिकेट खेल सामग्री उत्पादन गर्ने भारतीय कम्पनि ‘ज्याप क्रिकेट’ ले प्रायोजन गरेको छ। […]

एनपीएल टि-२० : टिमहरुको नाम सार्वजनिक, खेलाडीको तलव वृद्धि

नेपाल क्रिकेट संघको आयोजनामा सेप्टेम्बर २४ देखि अक्टोबर २२ ( असोज ८ देखि कार्तिक ५ ) सम्म आयोजना हुने नेपाल […]

मिलर चम्किंदा गुजरात आइपिएलको फाइनलमा

गुजरात टाइटन्स आइपिएलको फाइनलमा प्रवेश गरेको छ । पहिलो क्वालिफायर खेलमा गुजरात टाइटन्सले राजस्थान रोयल्सलाई ७ विकेटले हराएको हो । […]

सरकारको नीति तथा कार्यक्रम : फाप्ला र गौतम बुद्ध अन्तर्राष्ट्रिय स्टेडियम पूरा गर्ने

नेपाल सरकारले सातवटै प्रदेशमा सुविधासम्पन्न दशरथ रंगशाला निर्माण गर्ने भएको छ । मंगलबार राष्ट्रपति विद्यादेवी भण्डारीले प्रस्तुत गर्नुभएको सरकारको नीति […]

डीएसएल : दाङको देउखुरी वारियर्स र कैलाली जिल्ला क्रीकेट क्लब विजयी

कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिग’ मा दाङको देउखुरी वारियर्स क्रीकेट क्लब र कैलाली जिल्ला क्रीकेट […]