ओमान सिरिजबाट ज्ञानेन्द्र मल्लले नाम फिर्ता लिए



अक्टोबर ५ देखि १० सम्म ओमानमा आयोजना हुने टि-२० अन्तर्राष्ट्रिय सिरिजबाट टिमका उपकप्तान ज्ञानेन्द्र मल्लले आफ्नो नाम फिर्ता लिएका छन्।

नेपाल सहित आयोजक ओमान, हंगकंग , आयरल्याण्ड र नेदरल्याण्ड सहभागी हुने प्रतियोगिता अन्तर्गत नेपालले अक्टोबर ६ तारिकमा हंगकंगसंग पहिलो खेल खेल्नेछ। यस्तै अक्टोबर ७ मा नेदरल्याण्डसंग दोश्रो खेल, अक्टोबर ९ मा आयरल्याण्डसंग तेश्रो खेल तथा अक्टोबर १० मा आयोजक ओमानसंग चौथो खेल खेल्नेछ।

राष्ट्रिय टिमका मिडिया म्यानेजर सुरज शाक्यले मंगलबार बिहान एक प्रेस बिज्ञप्ति जारि गर्दै मल्ल नखेल्ने जानकारी गराएका हुन्। प्रतियोगिता आउनु १ महिना अझै बाँकी रहेको अवस्थामा मल्लले किन नाम फिर्ता लिए भए बिज्ञप्तिमा खुलाइएको छैन। बिज्ञप्तिमा व्यक्तिगत कारणले मल्ल नखेल्ने लेखिएको छ।

नेपाली क्रिकेट टिम हाल दक्षिण एसियाली खेलकुदको लागि टियु मैदानमा तयारीमा व्यस्त रहेको छ। मल्ल हाल टिमसंग अभ्यास भने गरिरहेका छन्।

Gyanendra Malla
ज्ञानेन्द्रले हालसम्म नेपालले खेलेको कुनै पनि टि-२० अन्तर्राष्ट्रिय छुटाएका छैनन्

२०१४ टि-२० विश्वकपमा टि-२० अन्तर्राष्ट्रियमा डेब्यु गरेका मल्लले त्यसपछि नेपालले खेलेको कुनै पनि टि-२० अन्तर्राष्ट्रिय छुटाएका छैनन्। सर्वाधिक टि-२० अन्तर्राष्ट्रिय खेल्ने खेलाडी पनि मल्लनै हुन्। मल्ल र सोमपाल कामिले समान २१ टि-२० अन्तर्राष्ट्रिय खेलेका छन्। टि-२० विश्वकप छनौटको १ खेल ढाडको समस्याको कारणले गुमाएका पारसले २० टि-२० अ. खेलेका छन्।

मल्लले २१ टि-२० अन्तर्राष्ट्रियमा १६.७ को औशतले ३३४ रन बनाएका छन्। यस क्रममा उनले एउटा अर्धशतक प्रहार गरेका छन्। मलेसिया बिरुद्ध मल्लले २० बलमा अर्धशतक बनाउदै नेपालको छिटो अर्धशतक पुरा गर्ने खेलाडी बनेका थिए।





थप समाचार

४ सयौं टेस्ट विकेट लिंदै आश्विनले बनाए कीर्तिमान

भारतीय अफस्पिनर रभीचन्द्रन आश्विनले टेस्ट क्रिकेटमा व्यक्तिगत ४ सय विकेट पुरा गर्दै नयाँ कीर्तिमान बनाएका छन्। इंग्ल्यान्डबिरुद्ध अहमदावादको नरेन्द्र मोदी […]

रुपन्देही सुपरलिग : लुम्बिनी खुकुरी विजयी

प्रकाश न्यौपाने, भैरहवा, फागुन १३ भैरहवास्थित सिद्धार्थ रंगशालामा जारी नेपाल टेलिकम रुपन्देही सुपर लिग क्रिकेट प्रतियोगिता अन्तर्गत बिहीबार भएको डिभिजन […]

रोमान्चक दोश्रो टि-२०मा न्युजिल्यान्डद्वारा अस्ट्रेलिया पराजित

रोमान्चक दोश्रो टि-२० मा अस्ट्रेलियालाई ४ रनले पराजित गर्दै घरेलु टोलि न्युजिल्यान्डले ५ वटा टि-२० अन्तर्राष्ट्रियको सिरिजमा २-० को अग्रता […]

रुपन्देही सुपरलिग : रुपेशले उत्कृस्ट बलिंग गर्दै बुद्धको सहज जित

प्रकाश न्यौपाने, भैरहवा, फागुन १२ भैरहवामा जारी नेपाल टेलिकम रुपन्देही सुपर लिग क्रिकेट प्रतियोगिता अन्तर्गत बुधबार भएको डिभिजन ‘ए’को खेलमा […]

पीएसएल : शर्जिलको शतकका बाबजुद कराची पराजित

शर्जिल खानको आक्रामक शतकका बाबजुद कराची किंग्सलाई पराजित गर्दै इश्लामवाद युनाइटेडले पाकिस्तान सुपर लिगमा लगातार दोश्रो जित दर्ता गर्दै जित […]

लिटल फ्लावर प्रिमियर लिग-५ को खेल तालिका सार्वजनिक

धनगढीः फागुन १५ गतेदेखि २९ गतेसम्म धनगढीमा आयोजना हुने चण्डिका ग्रुप लिटल फ्लावर प्रिमियर लिग–५ को खेल तालिका सार्वजनिक गरिएको […]