IPL : हारपछि रोहितले ब्याट्सम्यानहरुलाई दिए दोष



आईपीएल १३ को उद्घाटन खेलमा चेन्नाईसंग ५ विकेटको हार बेहोरेपछि मुम्बई कप्तान रोहित शर्माले ब्याट्सम्यानहरुलाई दोष दिएका छन्। रोहितले खेलपछि कुरा गर्ने क्रममा चेन्नाईका फफ डु प्लेसि र अम्बाती रायडुले जस्तै आफ्ना ब्याट्सम्यानले लामो इनिंग खेल्न नसकेको बताए। २ विकेट छिट्टै गुमाएको अवस्थामा डु प्लेसीले अविजित ५८ तथा प्लेयर अफ द म्याच चुनिएका रायडुले ७१ रन बनाएपछि मुम्बईद्वारा प्रस्तुत १६३ रन चेन्नाईले पछ्याएको थियो।

चेन्नाईसंग पहिलो खेल हार्दै मुम्बईले आईपीएलको पछिल्लो ८ सिजनमा पहिलो खेल हार्ने शिलशिला कायमै राख्यो। चेन्नाईले भने मुम्बईलाई ५ खेल पछि बल्ल पराजित गर्न सकेको हो।

रोहितले हारको दोष ब्याट्सम्यानलाई दिंदै बताए – “जसरि रायडु र डु प्लेसीले ब्याटिंग गरे कुनै पनि हाम्रो ब्याट्सम्यानले त्यस्तो खेल्न सकेनन्। मलाई लाग्छ हाम्रो १० ओभरमा ८५ रन थियो। चेन्नाई बलरहरुको तारिफ गर्नुपर्छ, उनीहरुले त्यसपछि अन्तिममा खेल आफूतिर ताने।” मुम्बईको ब्याटिंगमा सौरभ तिवारीले सर्वाधिक ४२ रन तथा क्विन्टन डीककले ३३ रन बनाउनु बाहेक अन्य ब्याट्सम्यानले ठूलो योगदान दिन सकेका थिएनन्। रोहितले १० बलमा १२ रन बनाएका थिए।

“हामीले सिक्नुपर्ने कुरा हो र भर्खर सुरु भएको छ। हामी सबै सुरुवातमा राम्रो गर्न चाहन्छौ र यो प्रतियोगितामा लय प्राप्त गर्न पनि आवस्यक रहन्छ। हामीले खेल बाट केहि कुरा सिकेका छौँ र हामीले केहि गल्ति गरेका छौँ। आशा गर्छु हामिले उक्त गल्ति आगामी खेलमा नदोहोर्याइ आगामी खेलमा अझ राम्रो गर्नेछौँ।” उनले थपे।

३ वर्ष पछि आईपीएल म्याच खेल्न पाएका सौरभ तिवारीले मुम्बईको लागि सर्वाधिक ४२ रन बनाएका थिए

रोहितले फ्यानहरु बिनाको मैदानमा खेल्दाको फरक र पिच बारे पनि बताए –

“हामिलाई फ्यानहरुको हल्लामा खेलेको बानि छ। थाहा थियो यस्तो हुन्छ भनेर। तै पनि अहिलेको लागि यो नै नयाँ सत्य हो। तर म आशा गर्छु कि आगामी दिनमा सबै कुरा राम्रो हुनेछ। हामिले नयाँ पिचमा आफूलाई ढाल्नुपर्छ, पिच दोश्रो इनिंगमा सित आउदै गर्दा अझ राम्रो भयो।”

“तपाईले खालि ठाउँमा प्रहार गर्नुपर्छ र आगामी खेलमा ध्यान दिनु पर्छ। बिपक्षीले तपाईलाई ढाल्न सक्छ तर सबैकुरा बुझाइ हो कि हामीले के गर्नुपर्छ।” मुम्बई कप्तानले बताए।

मुम्बईले आगामी खेलमा दिनेश कार्तिक कप्तानीको कोलकाता नाइट राइडर्स बिरुद्ध बुधबार खेल्ने तालिका रहेको छ।

यो पनि पढ्नुस :-

विजयी सुरुवात पछि धोनीले भने – ‘अनुभव काम आयो’

IPL : दिल्लीको पहिलो खेल आज, सन्दिप खेल्ने सम्भावना कति ?

IPL : मुम्बई बिरुद्ध जितपछि धोनीले बनाए ठूलो कीर्तिमान

IPL : रायडु र डु प्लेसिस चम्किदा चेन्नाईको पहिलो जित





थप समाचार

पृथु र आदील चम्किदा बागमतीद्वारा सुदूरपश्चिमलाई ३०० रनको लक्ष्य

काठमाडौँमा जारी प्रधानमन्त्री कप एकदिवसीय राष्ट्रिय प्रतियोगिता अन्तर्गत चौथो दिन समुह ‘बि’ अन्तर्गतको खेलमा बागमती प्रदेश र सुदूरपश्चिम प्रदेश प्रतिस्पर्धा […]

बिशालले ह्याट्रिक लिंदा प्रदेश-१ १०२ रनमै सिमित

देब्रे हाते स्पिनर बिशाल पौडेलले ह्याट्रिक लिंदा गण्डकी प्रदेशले प्रदेश-१ लाई १०२ रनमै सिमित गरेको छ। प्रधानमन्त्री कप एकदिवसीय राष्ट्रिय […]

प्रम कप : आज दुईवटा खेलहरु हुँदै

काठमाण्डौमा जारि प्रधानमन्त्री कप एकदिवसीय राष्ट्रिय प्रतियोगिता अन्तर्गत चौथो दिन दुईवटा खेलहरु हुनेछन्। टियु मैदानमा समुह ‘बि’ अन्तर्गत बागमती प्रदेश […]

प्रम कप : सुरजको कप्तानीमा प्रदेश-२ को टिम घोषणा

काठमाडौँमा जारि प्रधानमन्त्री कप एकदिवसीय राष्ट्रिय प्रतियोगिताको लागि प्रदेश-२ ले टिम सार्वजनिक गरेको छ। सुरज प्रसाद कुर्मीले कप्तानी गर्ने टिममा […]

बिग ब्यास मेलबर्न डर्वी : रेनिगेड्सलाई सहजै हराउँदै स्टार्स अंकतालिकाको तेस्रो स्थानमा

अष्ट्रेलियामा जारि १० औं संस्करणको बिग ब्यास लिग अन्तर्गत आइतबार सम्पन्न ४२ औं खेलमा ग्लेन म्याक्स्वेल कप्तानीको मेलबर्न स्टार्सले एरोन […]

प्रम कप : आर्मीको दोश्रो जित

कर्णाली प्रदेशलाई ८० रनले पराजित गर्दै त्रिभुवन आर्मी क्लबले प्रधानमन्त्री कप एकदिवसीय राष्ट्रिय प्रतियोगितामा लगातार दोश्रो जित दर्ता गरेको छ। […]