पान्ड्याले आक्रामक ब्याटिंग गर्दै ढाके भारतको लाज, २०९ मै अलआउट



  • विकेटनेपाल, २२ पौष- शनिबार 

हार्दिक पान्ड्याले आक्रामक ब्याटिंग गरेपछि लज्जास्पद स्कोरतर्फ अघि बढेको भारत जोगिएको छ।

दक्षिण अफ्रीकालाई पहिलो इनिंगमा २८६ रनमा सिमित गरेको भारतले दोश्रो इनिंगमा अत्यन्त खराब ब्याटिंग गर्दै ९२ रनको स्कोरमा ७ विकेट गुमाएको थियो जसपछि पान्ड्याले आक्रामक ब्याटिंग गरेका थिए।  मुरली विजय ( १ ) , शिखर धवन ( १६ ) , चेतेश्वर पुजारा ( २६ ) , बिराट कोहली ( ५ ) , रोहित शर्मा ( ११ ) र रविचन्द्रन आश्विन ( ११ ) आउट भएपछि भारतको इनिंग  १०० रनको वरिपरी आउट हुने खतरा बढेको थियो।

हार्दिक पान्ड्याले आक्रामक इनिंग खेल्दै ९३ रनको ठुलो स्कोर बनाएका थिए जुन क्रममा उनले ९५ बलमा १४ चौका र १ छक्का प्रहार गरेका थिए। उनि नवौं विकेटको रुपमा रबाडाको बलमा विकेट किपर डीककको हातबाट समातिन पुगेका थिए।

पान्ड्याले आठौं विकेटको लागि भुवनेश्वर कुमारसंग ९९ रनको साझेदारी गरे। भुवनेश्वर २५ रन बनाएर आउट भए।

त्यसपछि अन्य ब्याट्सम्यानहरुले लगातार विकेट गुमाएपछि भारतले २०९ रनमै सबै विकेट गुमाएको छ। ७३.४ ओभरमा सबै विकेट गुमाएपछि दक्षिण अफ्रीकाले पहिलो इनिंगमा ७७ रनको अग्रता लिएको छ।

दक्षिण अफ्रिकी बलर भेरोन फिलान्डर र कासिगो रबाडाले ३/३ विकेट आफ्नो नाम गरे। डेल स्टेन र मोर्ने मोर्केलले पनि २/२ विकेट लिए।

दक्षिण अफ्रीका पहिलो इनिंग 

पहिलो इनिंगमा टस जितेर पहिले ब्याटिंग गरेको दक्षिण अफ्रीकाले पहिलो इनिंगमा २८६ रनमै सम्पूर्ण विकेट गुमाएको थियो।

भुवनेश्वर कुमार एक्लैले ४ विकेट हात पार्दै माथिल्लो क्रमका ब्याट्सम्यानहरुलाई पेभेलियनको बाटो देखाएपछि दक्षिण अफ्रीकाले टस जितेपनि राम्रो ब्याटिंग गर्न सकेको थिएन। ७३.१ ओभरमा सबै विकेट गुमाई २८६ रनमा रोक्न भुवनेश्वरले १९ ओभरमा ४ मेडन ओभर सहित ८७ रन खर्चिएका थिए। उनले त्यसक्रममा डीन एल्गर ( ० ) , एडेन मारक्रम ( ५ ), हसिम अम्ला ( ३ ) र क्वान्टन डीकक ( ४३ ) को विकेट लिएका थिए।

भारतीय बलर रबिचन्द्रन आश्विनले २ विकेट हात पारे भने मोहम्मद सामी, जस्प्रित बुम्रा र हार्दिक पाण्डेले १-१ विकेट हात पारेका थिए।

कोहलीको विकेट लिएपछि मोर्केलको खुसि

दक्षिण अफ्रिकी ब्याट्सम्यान एबी डी भिल्लर्सले सर्बाधिक ६५ रनको योगदान दिएका थिए जुन क्रममा उनले ८४ बलमा ११ चौका प्रहार गरेका थिए। यस्तै कप्तान फाफ डु प्लेसिसले ६२ रन ( १०४ बल, १२ चौका ) तथा क्वान्टन डीककले ४३ रन ( ४० बल, ७ चौका ) को योगदान दिए । डी भिल्लर्स र डु प्लेसिसले चौथो विकेटको लागि ११४ रनको साझेदारी गरेका थिए।

दक्षिण अफ्रीका भ्रमण अन्तर्गत भारतले ३ वटा टेस्ट, ६ वटा वानडे तथा ३ वटा टि-२० अन्तर्राष्ट्रिय खेल्ने कार्यक्रम रहेको छ।

( फोटो – बिसीसीआई )





थप समाचार

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]