ओएसीसलाई जिताउन हरि चौहानको उत्कृस्ट प्रदर्शन – आरपीएल टि-२०

Hari Chauhan


फिचर फोटो – हरि चौहान ( फाइल तस्बिर )

  • विकेटनेपाल, १६ असोज – मंगलबार 

रौतहटमा जारि रौतहट प्रिमियर लिग आरपीएल टि-२० अन्तर्गत मंगलबार सम्पन्न खेलमा ओएसीस क्रिकेट एकेडेमी र रौतहट-११ ले जित हात पारेका छन्।

ओएसीसले नेपाल क्रिकेट स्कुललाई तथा रौतहट-११ ले ओमेगा क्रिकेटलाई पराजित गर्यो। जितसंगै ओएसीस  र रौतहट-११ क्वार्टरफाइनल प्रवेश गरेको छ। यस अघिनै धनगढी क्रिकेट एकेडेमी र मलपोखरी क्वार्टरफाइनल प्रवेश गरिसकेको छ।

ओएसीसको जितमा हरि चौहान उत्कृस्ट  

ओएसीस क्रिकेट एकेडेमीले टस हारेर फिल्डिंग गर्दै निर्धारित २० ओभरमा ९ विकेट गुमाएर ११६ रनको योगफल तयार गर्यो।

ओएसीसको लागि सुरज पटेलले सर्वाधिक ३७ रन बनाए भने महबुब आलमले १९, नितेश थापाले १२ तथा हसिम अन्सारी र आदील खानले समान १० रन योगदान दिए। नेपाल क्रिकेट स्कुलको लागि बलिङ्गमा मिर्नल गुरुङ्गले सर्वाधिक ३ ( ४-०-१२-३ ) तथा रिजन ढकालले २ ( ४-०-१४-२ ) विकेट लिए।

जवाफमा  ११७ रनको लक्ष्य पछ्याएको नेपाल क्रिकेट स्कुलले १७.३ ओभरमा ८३ रनमै सम्पूर्ण विकेट गुमाउन पुग्यो।

Hari Chauhan
Hari Chauhan ( File Photo )

ओएसीसका बलर हरि चौहान एक्लैले ४ विकेट लिंदै क्रिकेट स्कुलको माथिल्लो क्रम ध्वस्त पारेका थिए। चौहानले ४ ओभरमा मात्र ९ रन खर्चेर शिर्ष ३ ब्याट्सम्यानको विकेट लिए। यस्तै हसिम अन्सारीले २ विकेट लिंदा मेहबुब आलम, नितेश थापा, पुस्प थापा र रोशन पुलामीले समान १ विकेट आफ्नो नाम गरे।

नेपाल क्रिकेट स्कुलको लागि दिनेश अधिकारीले सर्वाधिक ३४ रन ( २२ बलमा ३ छक्का र ३ चौका ) तथा बबिन शर्माले २३ रन बनाए पनि जितको लागि पर्याप्त हुन सकेन।

हरि चौहान खेलको प्लेयर अफ द म्याच चुनिए।

रौतहट ११ बिजयी 

आजै सम्पन्न दोश्रो खेलमा रौतहट-११ ले ओमेगा क्रिकेटलाई ५८ रनले पराजित गर्यो।

टस हारेर ब्याटिंग गरेको रौतहटले २० ओभरमा ७ विकेट गुमाएर १२७ रनको योगफल तयार गर्यो। उसको लागि अशु कन्डोईले सर्वाधिक ४० रन बनाए। जवाफमा ब्याटिंग गरेको ओमेगा ६९ रनमा समेटिन पुग्यो र ५८ रनको हार बेहोर्यो। रौतहट बलर बिक्रम साहले ३ विकेट हात पारे र प्लेयर अफ द म्याच समेत घोषित भए।

प्रतियोगिता अन्तर्गत बुधबार २ वटा खेल हुनेछन्। वाईवाई ग्रेट हिमालय क्रिकेट एकेडेमी र गडीमाई तथा  नेपाल पुलिस क्लब र लायन्स युवा क्लबले प्रतिस्पर्धा गर्नेछन्।

 





थप समाचार

नेपालको विश्वकप ग्लोबल छनोट खेल्ने सम्भावना समाप्त, युएई छनोट

‘गर या मर’ को खेलमा युएईसंग ४८ रनले पराजित हुँदै नेपाली महिला क्रिकेट टिमको आगामी वर्ष टि-ट्वान्टी विश्वकप ग्लोबल छनोट […]

विश्वकप एसिया छनोट : नेपाललाई ‘गर या मर’को अवस्था

युएईमा जारि आईसीसी महिला टि-ट्वान्टी विश्वकप एसिया क्षेत्र छनोट प्रतीयोगीता अन्तर्गत आज आफ्नो-आफ्नो अन्तिम खेलमा नेपाल र आयोजक युएई प्रतिस्पर्धा […]

एपीएफलाई ३ विकेटले हराउदै आर्मीलाई उपाधि

शशस्त्र प्रहरी बल ( एपीएफ ) लाई ३ विकेटले पराजित गर्दै नेपाल आर्मी क्लबले बारा जिल्लामा आयोजित हरपुर क्रिकेट च्याम्पियन […]

ICC WCL 2 : रोमान्चक खेलमा ओमानद्वारा नामिबिया ९ रनले पराजित

आईसीसी विश्वकप लिग-२ अन्तर्गत नामिबियामा सुरु भएको आयोजक नामिबिया, ओमान र युएई बीचको त्रिकोणात्मक एकदिवसीय अन्तर्राष्ट्रिय सिरिजको पहिलो खेलमा ओमानले […]

बागमतीलाई हराउँदै लुम्बिनीको तेस्रो जित

काठमाडौँमा जारि एकदिवसीय अन्डर-१९ राष्ट्रिय प्रतियोगिता अन्तर्गत मुलपानीमा भएको खेलमा बागमतीलाई ३ विकेटले हराउँदै लुम्बिनीले तेस्रो जित दर्ता गरेको छ […]

U19 National : कर्णाली बिरुद्ध गण्डकीको संघर्षपूर्ण जित

कर्णाली प्रदेशलाई ३ विकेटले पराजित गर्दै गण्डकी प्रदेशले अन्डर-१९ राष्ट्रिय प्रतियोगितामा तेश्रो खेल खेल्दा पहिलो जित दर्ता गरेको छ। गण्डकी […]