अन्तर्राष्ट्रिय क्रिकेटबाट हसिम अमलाको सन्यास , यस्ता छन् उनका उपलब्धि



दक्षिण अफ्रिकी ब्याट्सम्यान हसिम अमलाले अन्तर्राष्ट्रिय क्रिकेटबाट सन्यास घोषणा गरेका छन्। अप्रत्यासित रुपमा उनले सबै खाले अन्तर्राष्ट्रिय क्रिकेटबाट विदा लिने निर्णय गरेका छन्।

भर्खरै दक्षिण अफ्रिकाका अर्का क्रिकेटर डेल स्टेनले टेस्ट क्रिकेटबाट सन्यास घोषणा गरेका थिए भने न्युजिल्याण्ड क्रिकेटर ब्रेण्डन म्याकलमले पनि सबै फर्म्याटबाट सन्यास लिएका थिए।

“प्रथमत प्रोतिजको यात्राको लागि भगवानलाई धन्यवाद दिन चाहन्छु जुन खुसिले भरिपूर्ण थियो।” अमलाले स्टेटमेन्टमा बताएका छन् “यो अवधिमा मैले धेरै पाठहरु सिकेको छु , धेरै साथीहरु बनाएको छु र सबैभन्दा महत्वपूर्ण प्रोटि फायरसंग माया र भातृत्व बाँड्ने मौका पाए”


१५ वर्ष लामो करियरमा अमलाले ३४९ अन्तर्राष्ट्रिय खेलहरु खेले। ३६ वर्षीय अमलाले १८ हजार भन्दा बढी अन्तर्राष्ट्रिय रन बनाए जसमा ५५ वटा शतक सामेल छ।

“म मेरो परिवारलाई साथ र प्रार्थनाको लागि धन्यवाद दिन चाहन्छु। उनीहरुकै छत्रछायाँले गर्दा यतिका वर्ष खेल्न सकेको छु” उनले बताए।

“मेरो परिवार, साथीहरु, एजेन्ट, मेरो टिम मेट, सम्पूर्ण टिमका सदस्यहरु, सपोर्ट स्टाफहरु सबैलाई हृदय देखि आभार व्यक्त गर्न चाहन्छु। फ्यानहरुले जसले मलाई कठिन समयमा उर्जा दिएका छन् र सफलतामा म संगै खुसि मनाएका छन्।”

“र पक्का पनि विशेष धन्यवाद क्रिकेट साउथ अफ्रीकाका अध्यक्ष र बोर्डलाई , चिज एक्जुकेटिभ थबांग मोरोएलाई। म सबै अवसरहरुको लागि धन्य छु।”

“माया र शान्ति”

यस्ता छन् उपलब्धि 

अमला एकदिवसीय अन्तर्राष्ट्रियमा २ हजार, ३ हजार, ४ हजार, ५ हजार, ६ हजार र ७ हजार रन छिटो पुरा गर्ने ब्याट्सम्यान हुन्।

दक्षिण अफ्रीकाको लागि टेस्टमा सन् २००४ मा भारत बिरुद्ध डेब्यु गरेका दायाँ हाते ब्याट्सम्यान अमलाले एकदिवसीयमा २००८ मा तथा टि-२० मा २००९ मा डेब्यु गरेका थिए। यस क्रममा उनले १२४ टेस्टमा ९ हजार २ सय ८२ रन बनाएका छन् जसमा २८ शतक र ४१ अर्धशतक सामेल छ।

१८१ एकदिवसीयमा मलले २७ शतक र ३९ अर्धशतक मदतले ८ हजार १ सय १३ रन बनाएका छन्। यस्तै टि-२० अन्तर्राष्ट्रियमा ४४ खेलमा १ हजार २ सय ७७ रन बनाएका छन् जसमा ८ अर्धशतक सामेल छ।

कलात्मक र धैर्यावन ब्याट्सम्यान अमला दक्षिण अफ्रीकाको लागि टेस्ट क्रिकेटमा ३ सय रन बनाउने पहिलो क्रिकेटर हुन्।

दक्षिण अफ्रिकी अन्डर-१९ टिमको लागि खेल्दै सिनियर टिममा आएका अमला अन्तर्राष्ट्रिय क्रिकेटमा ५५ शतक सहित धेरै शतक पुरा गर्ने मामलामा विश्वकै छैठौं स्थानमा रहेका छन्। उनि भन्दा अगाडी सचिन तेन्दुलकर ( १०० ) , रिकी पोंटिंग ( ७१ ) , बिराट कोहली ( ६६ ) , कुमार साँगाकारा ( ६३ ) र ज्याक कालिक ( ६२ ) मात्र रहेका छन्।

 





थप समाचार

T20WC : स्मिथद्वारा भारतीय विश्वकप टिमको तारिफ

अस्ट्रेलियन ब्याट्सम्यान स्टिभ स्मिथले भारतको टि-ट्वान्टी विश्वकप टिम उत्कृस्ट रहेको बताएका छन्। अस्ट्रेलियाको दोश्रो वार्म अप खेलमा भारत बिरुद्ध ४८ […]

अफगानिस्तानद्वारा वेस्टइन्डिज सहजै पराजित, नाबीको घातक बलिंग

टि-ट्वान्टी विश्वकपको वार्म अप खेलमा अफगानिस्तानले डिफेन्डिङ च्याम्पियन वेस्टइन्डिजलाई ५६ रनले पराजित गरेको छ। युएईको अबुधाबी स्थित आईसीसी एकेडेमी मैदानमा […]

डुसेनले शतक बनाउदा रोमान्चक खेलमा दक्षिण अफ्रीकाद्वारा पाकिस्तान पराजित

टि-ट्वान्टी विश्वकपको तयारीको लागि खेलिएको अभ्यास खेलमा दक्षिण अफ्रीकाले रोमान्चक खेलमा प्रकिस्तानलाई ६ विकेटले पराजित गरेको छ। युएईको अबुधाबी स्थित […]

T20WC : लगातार दोश्रो जित पछि श्रीलंका सुपर-१२ मा प्रवेश, नेदरल्याण्ड बाहिरियो

युएई र ओमानमा संयुक्त रुपमा जारी सातौँ संस्करणको टि-ट्वान्टी विश्वकपमा लगातार दोश्रो जित दर्ता गर्ने क्रममा आयरल्याण्डलाई७० रनको विशाल अन्तरले […]

T20WC : फाबियन एलेन प्रतियोगिताबाटै बाहिर

युएई र ओमानमा संयुक्तरुपमा जारि टि-ट्वान्टी विश्वकपबाट वेस्टइन्डिज अलराउण्डर फाबियन एलेन बाहिरीएका छन्। आक्रामक ब्याट्सम्यान तथा देब्रे हाते स्पिनर एलेन […]

भारतद्वारा अस्ट्रेलिया पराजित, रोहितको अर्धशतक

ओमान र युएईमा संयुक्तरुपमा जारि सातौं टि-ट्वान्टी विश्वकप अघि आफ्नो दोश्रो अभ्यास खेलमा भारतले अस्ट्रेलियालाई ९ विकेटले पराजित गरेको छ। […]