हयातको बिष्फोटक ब्याटिंग, बिराटनगर बन्यो फाईनल पुग्ने पहिलो टोलि



  • विकेटनेपाल, पौष १२ – बुधबार 

भैरहवा ग्लाडीएटर्सलाई ८ विकेटले पराजित गर्दै बिराटनगर वारियर्सले टि.भि.एस. एभरेस्ट प्रिमियर लिगको फाईनलमा स्थान सुरक्षित गरेको छ। किर्तिपुर मैदानमा सम्पन्न दिनको पहिलो क्वालिफायर खेलमा बिराटनगरले भैरहवालाई एकतर्फी देखिएको खेलमा पराजित गर्यो।

भैरहवाले दिएको १२८ रनको सामान्य बिजय लक्ष्यलाई पछ्याउने क्रममा बिराटनगर वारियर्सले १७ ओभरमा मात्र २ विकेट गुमाउंदै लक्ष्य भेट्टायो। बिराटनगर वारियर्सलाई जितको रेखा सम्म पुर्याउन बाबर हयातले बिष्फोटक ब्याटिंग गरे।

भैरहवाका बलरलाई मैदानको सबै कुनामा प्रहार गरेका हयातले मात्र ४४ बलमा ६२ रन जोडे। खेलको म्यान अफ द म्याच समेत बनेका हयातले पुनित मिश्रको बलमा बोल्ड हुनअघि ४ चौका र ५ छक्का प्रहार गरे। प्रतियोगितामै उत्कृस्ट लयमा रहेका हयातले अन्शुमान राथसंग दोस्रो विकेटको लागि ७४ रनको साझेदारी गर्दै बिराटनगरलाई सहज जित सम्म पुर्याउन सफल भए।

प्रतियोगितामै बिराटनगरको लागि चिन्ताको बिषय बन्दै आएको ओपनिंग जोडी भने आजपनि जम्न सकेन। २ बल खेलेर खाता खोल्न नपाउंदै आशिफ शेख आउट भएपनि हयात र अन्शुमानको साझेदारीले बिराटनगरलाई जित सम्म पुग्न सहज बनायो।

एकछेउ बाट कसिलो ब्याटिंग गरेका अन्शुमन राथले नट आउट २६ रन जोडे। ३२ बल खेलेका राथले २ चौका प्रहार गरे। यस्तै पारस खड्काले पनि बिराटनगरको जितमा नट आउट ४२ रनको योगदान गरे। मात्र २४ बल खेलेका खड्काले २ चौका र ४ छक्का प्रहार गरे।

फिक्का देखिएको भैरहवाको बलिंगमा पुनित मिश्र र हरिशंकर साहले समान १-१ विकेट लिए। ४ ओभरमा २३ खर्चेका हरिशंकर साहले आशिफ शेखको विकेट लिंदै बिराटनगरलाई सुरुवाती झड्का दिएपनि अन्य बलरले राम्रो साथ दिन सकेनन्।

यसअघि टस जित्दै बिराटनगर वारियर्सका कप्तान पारस खड्काले पहिले बलिंग गर्ने निर्णय लिएपछि ब्याटिंगमा उत्रिएको भैरहवाले निर्धारित २० ओभरमा १२८ रन मात्र जोड्न सक्यो। भैरहवाका लागि आरिफ शेख र पुनीत मिश्र बाहेक अन्य ब्याट्समेन चल्न नसक्दा, शरद भेष्वाकरको टोलि ठुलो स्कोर बनाउन बाट चुक्यो।

टोलीको स्कोर मात्र ३ रन हुँदा भुपेन्द्र थापाको रुपमा पहिलो विकेट गुमाएको भैरहवाले थप १५ रन जोड्दा दोस्रो विकेटका रुपमा बिदेशी खेलाडी राहुल यादवलाई गुमाएको थियो। टिमको स्कोर १८ रन हुँदानै कप्तान शरद भेष्वाकरपनि पभेलीयन फर्किएपछि भैरहवा थप शंकटमा पर्यो। युवा खेलाडी रोहित पौडेलले पनि खेलमा प्रभाव जमाउन सकेनन्। मात्र ९ बल खेल्दै ६ रन जोडेर उनि आउट भए।

रोहित पौडेलको विकेट पछि ब्याटिंग गर्न आएका आरिफ शेखले पुनित मिश्रसंग ८२ रनको साझेदारी गर्दै भैरहवाको इनिंगलाई उकास्ने प्रयास गरे। ३५ बल खेलेका शेखले १ चौका र ३ छक्का प्रहार गर्दै ४६ रन जोडे। सुरुवातमा सम्हालिएर ब्याटिंग गरेका उनले इनिंगको अन्त्य तर्फ ठुला सट खेल्नबाट पछि हटेनन्।

यस्तै भैरहवाको इनिंगमा शिर्ष योगदान गर्ने क्रममा पुनित मिश्रले ४९ रन जोडे। आरिफसंग उत्कृस्ट साझेदारी गरेका मिश्रले ३४ बलमा ३ चौका र ३ छक्का प्रहार गरे। भैरहवाका लागि यी दुई ब्याट्समेन बाहेक अन्य ब्याट्समेनले दोहोरो अंकमा रन जोड्न सकेनन्।

कसिलो बलिंग गर्ने क्रममा बिराटनगरका कारण केसी र साहन अदिशाले समान २-२ विकेट लिए। ४ ओभर बलिंग गरेका कारणले ३६ रन खर्चंदा अदिशाले भने २९ रन मात्र खर्चिए। बसन्त रेग्मीले मात्र १८ रन खर्चेर १ विकेट लिंदा पारस खड्का र अभिनास कर्णले भने क्रमश १५ रन र २८ रन खर्चेर समान १-१ विकेट लिएका थिए।

यो संगै बिराटनगर वारियर्सले प्रतियोगितामा आफ्नो अपराजित यात्रा कायम नै राखेको छ। बिराटनगरले अब शनिवार हुने फाईनल खेलमा दोस्रो क्वालीफायर खेलको बिजेता र भैरहवा ग्लाडीएटर्स बिचको खेलको बिजेतासंग खेल्ने छ।





थप समाचार

T20WC : ट्रंपलम्यानको घातक बलिंग, नामिबियाद्वारा स्कटल्याण्ड पराजित

स्कटल्याण्डलाई ४ विकटले पराजित गर्दै युएईमा जारि टि-ट्वान्टी विश्वकपको सुपर-१२ चरणमा नामिबियाले विजयी सुरुवात गरेको छ। पहिलो खेलमा अफगानिस्तानसंग पराजित […]

पाकिस्तानसंग हारपछि पनि सेहवागको विश्वास “भारतले टि-२० विश्वकप जित्नेछ”

युएईमा जारी टि-ट्वान्टी विश्वकपको आफ्नो पहिलो खेलमै पाकिस्तानसंग १० विकेटको विशाल अन्तरले पराजित भएको भारतलाई प्रतियोगिता सुरु हुनु अघि विश्वकप […]

विश्वकप एसियाली छनोट खेल्ने महिला राष्ट्रिय टिमको घोषणा, कविता पहिलो पटक राष्ट्रिय टिममा

युएईमा आगामी महिना नोभेम्बर २० देखि २६ तारिखमा आयोजना हुने २०२१ आईसीसी महिला टि-ट्वान्टी विश्वकपको एसिया छनोट प्रतियोगिताको लागि १४ […]

T20WC : बंगलादेश बिरुद्ध शानदार जित पछि इंग्ल्यान्ड समुह ‘१’ को शिर्षमा

युएईमा जारी टि-ट्वान्टी विश्वकप अन्तर्गत सुपर-१२ चरणमा इंग्ल्यान्डले आफ्नो शानदार लय जारी राख्ने क्रममा बंगलादेशलाई ८ विकेटले सहजै पराजित गरेको […]

T20WC : टि-२० विश्वकपमा आज दुई खेल हुँदै

युएईमा जारि टि-ट्वान्टी विश्वकपको सातौँ संस्करण अन्तर्गत सुपर-१२ चरण चल्दै गर्दा आज बुधबार दुई खेल हुँदैछन्। दिनको पहिलो खेलमा समुह […]

T20WC : पाकिस्तानको लगातार दोश्रो जित

न्युजिल्यान्डलाई  ५ विकेटले पराजित गर्दै पाकिस्तानले टि-ट्वान्टी विश्वकपमा लगातार दोश्रो जित दर्ता गरेको छ। पहिलो खेलमा उसले भारतलाई १० विकेटले […]