हिमालयनलाई बर्दिया प्रिमियर लिगको उपाधी, आयुष्मान सर्वोत्कृष्ट



दोश्रो बर्दिया प्रिमियर लिगको उपाधि हिमालयन क्रिकेट एकेडेमीले उपाधि जितेको छ । मंगलबार गुलरियामा सम्पन्न फाइनलमा हिमालयनले स्टार क्रिकेट एकेडेमीलाई १५ रनले पराजित गर्यो। उपाधिसंगै च्याम्पियन हिमालयनले एक लाख एघार हजार र उपविजेता स्टारले ५१ हजार रुपैयाँ प्राप्त गर्यो।

गुलरियाको कबर्डहल खेल मैदानमा टस जितेर ब्याटिङ रोजेको हिमालयनले निर्धारित २० ओभरमा ७ विकेट गुमाउदै १४५ रन जोडेको थियो। पहिलो विकेटका लागि दीपक बोहरा र आयुष्मान बम बिच २५ रनको साझेदारी भएको थियो। कप्तान दिपक बोहराले ११ बलमा ९ रन जोडे। हिमालयनका मिडल अडर ब्याटर पुरण बि.केले ४४ बलमा ३ छक्का सहित सर्वाधिक ५० रनको योगदान दिए। आयुष्मान बमले २१ बलमा ४ चौका प्रहार गर्दै २५ रन बनाए। हिमालयनले ३ विकेट रन आउट मार्फत गुमायो।

स्टारका लेग स्पिनर सुरज खड्काले ३ ओभरमा १८ रन खर्चिएर २ विकेट तथा रुपेश बस्याल र पुरु भट्टराईले भने समान १/१ विकेट लिए।

१४६ रनको लक्ष्य पछ्याएको स्टारले सुरुवात फितलो गर्यो। स्टारले पहिलो पावर प्लेमा ४ विकेट गुमाउदै ३० रन जोडेको थियो। पाँचौ विकेटका लागि नन्दन यादव र कप्तान विशाल खत्री बिच ६८ रनको साझेदारी भएता पनि जितको लागि प्राप्त भएन। स्टार क्रिकेट एकेडेमीले निर्धारित २० ओभरमा ९ विकेट गुमाउदै १३० रन मात्र बनाउन सक्यो । स्टारका कप्तान विशाल खत्रीले ३८ बलमा ५ चौका र १ छक्का सहित सर्वाधिक ४५ रनको योगदान दिए । नन्दन यादवले ३७ बलमा २९ रन जोडे।

हिमालयनका मध्य गतिका बलर कौशल रुपाखेतीले ४ ओभरमा ४२ रन खर्चिएर ४ विकेट लिएपछि हिमालयन च्याम्पियन बनेको थियो । दीपक चन्दले ४ ओभरमा २७ रन खर्चिएर ३ विकेट लिए। सगर भण्डारीले २ विकेट लिए। प्रतियोगिताको उत्कृष्ट ब्याटर मनिष थापा भए। फाइनलमा पुर्याउन मनिषले ५ खेलमा १ सय २९ रन बनाएका थिए ।

प्रतियोगिता सर्वोत्कृष्ट खेलाडी हिमालयनका आयुष्मान बम भए। हिमालयनलाई उपाधि जिताउन उनले प्रतियोगिताभर सर्वोत्कृष्ट प्रदर्शन गरेका थिए । उनले १११ बलमा १५६ रन बनाएका थिए। प्रतियोगिताका उत्कृष्ट बलर नेशनल क्रिकेट एकेडेमीका विशाल पौडेल भए। पौडेलले प्रतियोगिताभर १२ ओभरमा ७४ रन खर्चिएर १० विकेट लिएका थिए। सर्वोत्कृष्ट खेलाडीले रु १० हजार प्राप्त गरे भने उत्कृष्ट ब्यटर र बलरले सम्मान रु ५ हजार प्राप्त गरे।

प्रतियोगितामा देशभरका ८ टोलीको सहभागिता थियो । नयाँ शिरा युवा क्लबको आयोजनामा दोस्रो पटक बर्दिया प्रिमियर लिग आयोजना भएको थियो।





थप समाचार

एलपीएलको अटोमोबाईल पार्टनर बिशेष मोटोकर्प धनगढी

धनगढीमा आयोजना हुन गइरहेको विद्यालय स्तरको यु–१९ क्रिकेट प्रतियोगिता लिटल फ्लावर प्रिमियर लिग–६ (एलपीएल–६)को अटोमोबाईल पार्टनर बिशेष मोटोकर्प प्रा.लि.धनगढी रहने […]

शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड

पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्। अफ्रिदीले वर्ष २०२१ मा […]

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]