हिन्दुस्तान टाइम्स लेख्छ – ‘सन्दिप महँगोमा बिक्न सक्छन्’



  • विकेटनेपाल, १४ माघ- आइतबार

नेपाली शेन वार्न सन्दिप लामिछाने इन्डियन प्रिमियर लिग आईपीएलको अक्सन सुचीमा परेपछि सबैको ध्यान यतिबेला आईपीएल अक्सनमा अडेको छ। भारतको बेन्गलुरुमा शनिबार सुरु भएको अक्सनको पहिलो दिन सन्दिपको लागि बोलि लागेन त्यसअर्थ दोश्रो दिन आज आइतबार सन्दिपको नाम अक्सनमा गुन्जने पर्खाईमा धेरै जना हुनेछन्।

नेपाल मात्रै हैन भारतमा पनि सन्दिपको चर्चा भएको छ र भारतीय केहि मिडियाले अक्सनमा सन्दिपलाई महँगो बोलि लाग्ने दाबि समेत गरेका छन्।

हिन्दुस्तान टाइम्सले सन्दिपको नाम आईपीएल अक्सनमा महँगोमा बिक्न सके १० जना अनक्याप्ड खेलाडीको सुचीमा राखेको छ। सन्दिप संगै त्यस लिस्टमा भारतीय यु-१९ क्रिकेट टिम कप्तान पृथ्वी शा र भारत यु-१९ कै खेलाडीहरु सुभम गिल, कमलेश नगरकोटी तथा वेस्ट इन्डिज अलराउण्डर जोफ्रा आर्चर, अस्ट्रेलियन ब्याट्सम्यान डार्सी शर्ट रहेका छन्।

हिन्दुस्तान टाइम्सको अनुमान अनुरुपनै पहिलो दिन जोफ्रा आर्चरलाई राजस्थान रोयल्सले ७.२ करोड भारतीय रुपैयाँमा किन्यो भने डार्सी शर्टलाई पनि राजस्थान रोयल्सलेनै ४ करोड खर्चियो। यस्तै कमलेश नगरकोटीलाई कोलकाता नाइट राइडर्सले ३.२ करोडमा, शुभम गिललाई कोलकातालेनै १.८ करोडमा तथा पृथ्वी शालाई दिल्ली डेयर डेभिल्सले १.२ करोडमा खरिद गर्यो।

सन्दिपको बारेमा लेख्दै टाइम्सले यस्तो लेखेको छ – 

पुर्व अस्ट्रेलियन कप्तान माइकल क्लार्कले सन्दिपको प्रसंशा गर्दै १७ बर्षिय लेग स्पिनरसंग ठुलो गर्ने क्षमता छ भन्दै प्रसंशा गरेका छन्  “सन्दिपसंग धेरै क्षमता छ र खेलप्रति निकै लगाव उनिसंग छ” 

सन्दिपले सन् २०१६ यु-१९ बिश्वकप बंगलादेशमा उनले कुल १४ विकेट लिंदै धेरै विकेट लिने सुचीमा दोश्रो स्थानमा थिए। आगामी २ दिनले सन्दिपको भविष्य निर्धारण गर्नेछ र उनको करियर र नेपाली क्रिकेटकै दिशा परिवर्तन गर्नेछ। 

अक्सनको अघिल्लो दिन हिन्दुस्तान टाइम्सको सन्दिपलाई लिएर भविष्यवाणी कति सहि होला त आजै थाहा हुनेछ तर अन्य क्रिकेटरहरुबारे भने टाइम्सले सहि अनुमान लगाएको छ।

यस्तै अर्को भारतीय खेलकुद अनलाइन स्पोर्ट्सस्टार लाइभले पनि सन्दिपलाई सानो देशबाट आईपीएलमा सम्भावना बोकेको खेलाडीको सुचीमा राखेको छ। एसोसिएट रास्ट्रबाट अक्सनमा रहेका अर्का क्यानडाका क्रिकेटर हम्जा तारिक र सन्दिपको चर्चा गर्दै यी क्रिकेटरले आईपीएलमा ठुलो सरप्राइज देला भन्ने प्रश्न सोधेको छ।

सन्दिप जस्तो बलर आईपीएलको आवस्यकता

स्पोर्ट्सस्टार पनि सन्दिपको यु-१९ बिश्वकपको प्रदर्शनलाईनै चर्चा गरेको छ।

त्यस बिश्वकपको नेपाल क्वार्टरफाइनल सम्म पुगेको र न्युजिल्याण्ड र आयरल्याण्डलाई पराजित गरेको प्रसंग सहित उसले आयरल्याण्डसंग लिएको ह्याट्रिकको सहितको ५ विकेट पनि उल्लेख गरेको छ। सन्दिपको बलिंगको प्रसंशा गर्दै उसले माइकल क्लार्कसंगको सम्बन्धबारे पनि लेखेको छ।

‘सन्दिपको ब्राण्डको बलिंग टि-२० लिगको आवस्यकतासंग फिट हन्छ र उनिसंग ठुलो सफलता पाउने क्षमता छ’

भर्खरै सम्पन्न एभरेस्ट प्रिमियर लिगमा ललितपुर प्याट्रिएट्सको लागि खेल्दै ९ विकेट लिएको पनि स्पोर्ट्सस्टार लाइभले लेखेको छ।

आईपीएल अक्सनमा सन्दिप अनक्याप्ड खेलाडीको सुचीमा छन् र उनको सुरुवाती मुल्य २० लाख भारु रहेको छ। अक्सनको अन्तिम दिन ४७१ अरु खेलाडी माथि बोलि लाग्न बाँकी छ।  कम्तिमा टिमहरुले आफ्नो १८ जनाको स्क्वाड पुरा गर्न ४८ जना खेलाडीहरु किन्नु पर्नेछ।

तर अक्सनमा सबै खेलाडीहरु माथि बोलि लाग्ने छैन अन्तिम दिन आईपीएल टिमहरुलाई ४७१ खेलाडीहरु मध्येबाट आफुले किन्न चाहेको खेलाडीहरुको सुची छान्न लगाइएको छ जसमाथि मात्रै बोलि लाग्नेछ। यस्तै अघिल्लो दिन बिक्रि नभएका खेलाडीहरु क्रिस गेल, लासिथ मलिंगा जस्ता खेलाडीहरुलाई पनि पुनः टिमहरुले अक्सनको लागि बोलाउन पाउनेछन्।

श्रोत :- www.hindustantimes.com , sportstarlive.com

यो पनि पढ्नुस :– आईपीएल अक्सन : यी हुन् महँगोमा बिक्ने क्रिकेटरहरु





थप समाचार

श्रीलंकाले जित्यो भारत बिरुद्ध टि-२० सिरिज, टुट्यो भारतको अपराजित यात्रा

तेश्रो तथा निर्णायक खेलमा भारतलाई ७ विकेटले पराजित गर्दै घरेलु टोलि श्रीलंकाले तिन खेलको टि-ट्वान्टी अन्तर्राष्ट्रियको सिरिज २-१ ले जितेको […]

हसरंगाले घातक बलिंग गर्दा भारतको लज्जास्पद ब्याटिंग प्रदर्शन

भारतको श्रीलंका भ्रमण अन्तर्गत तेश्रो तथा निर्णायक टि-२० जित्दै सिरिज जित्न भारतले श्रीलंकालाई ८२ रनको लक्ष्य प्रस्तुत गरेको छ। आर […]

क्यान प्रदेश-२ द्वारा विश्वकीर्तिमानी आलमलाई राष्ट्रिय सम्मान सहितको विदाइको माग

१४ साउन, बर्दिबास । प्रदेश क्रिकेट संघ प्रदेश नं. २ ले बुधवार सम्पन्न बैठकमा बिभिन्न महत्वपुर्ण १५ वटा निर्णय गरेको […]

डी सिल्भा चम्किँदा रोमान्चक खेलमा श्रीलंकाद्वारा भारत पराजित

दोश्रो खेलमा भारतलाई ४ विकेटले पराजित गर्दै श्रीलंकाले तिन खेलको टि-२० अन्तर्राष्ट्रिय सिरिज १-१ को बराबरीमा ल्याएको छ। सिरिज अन्तर्गत […]

भारतद्वारा श्रीलंकालाई सामान्य लक्ष्य

भारतको श्रीलंका भ्रमण अन्तर्गत तिन खेलको टि-२० अन्तर्राष्ट्रिय सिरिज अन्तर्गत दोश्रो खेल जित्न भारतले श्रीलंकालाई १३३ रनको लक्ष्य प्रस्तुत गरेको […]

द हन्ड्रेड : बेयरस्टो र निशम चम्किंदा वेल्सको लगातार जित

इंग्ल्यान्डमा जारि पहिलो संस्करणको ‘द हन्ड्रेड’ लिग अन्तर्गत गय रातीको खेलमा जोनी बेयरस्टो कप्तानीको वेल्स फायरले जेम्स भिन्स कप्तानको साउदर्न […]