सन्दिपको अर्को उत्कृस्ट प्रदर्शन, हंगकंग सस्तो मै समेटियो

Sandeep Lamichhane


विश्वकप छनौट प्रतियोगिता अन्तर्गत समूह चरणको आफ्नो अन्तिम खेल खेल्दै गरेको नेपाललाई हंगकंगले १५४ रनको लक्ष्य दिएको छ । टस जिती पहिले ब्याटिंग रोजेको हंगकांगले ४८.२ ओभरमा अल आउट हुदै १५३ रन बनाएको हो ।

Nepal vs Hongkong world cup qualifier 2018
टस गर्दै नेपाल र हंगकंगका कप्तान

प्रतियोगिताकै उत्कृस्ट सुरुवात गरेको नेपालको बलिंग आज अब्बल देखिएको थियो । ६.२ ओभरमा बसन्त रेग्मीले नेपाललाई पहिलो सफलता दिलाएका थिए । २४ रनको स्कोरमा हंगकंगले कार्टरको रुपमा आफ्नो पहिलो विकेट गुमाए पछि निरन्तर विकेट झर्ने सिल्सिला रोकिएन । ५३ रनको स्कोरमा बाबर हायात सोमपाल कामीको सिकार भए भने ५६ रनको स्कोरमा हंगकंगले अन्शुमन राथलाई पनि गुमायो । ५८ रनको स्कोरमा साहिद वासिफलाई गुमाए पछि हंगकंग तनावमा देखियो ।

पाचौ विकेटको लागि सिमंदीप सिंह र निजाकत खानका बीच २७ रनको साझेदारी भयो । ८५ रनको स्कोरमा सिंह आउट भए पछि पुन: हंगकंगको नियमित विकेट गुमाउने सिल्सिला सुरु भयो । ४७ रनको योगदान दिएका ओपनर निजाकत खान आउट भए लगत्तै तनवीर अफ्जल र एजाज खान पनि पभिलीयन फर्किए । ९ औ विकेटका लागि एहसान नवाज र एहसान खान बीच ३२ रनको साझेदारी भयो। १५३ रनमा अल आउट हुने क्रममा एहसान खान अन्तिम विकेटका रुपमा आउट भएका थिए ।

nepal vs hong kong
विकेट पछि खुशी मनाउदै नेपाल टिम

हंगकंगका लागि निजाकत खानले ४ चौका र १ छक्काको मद्दतले ८४ बलमा ४७ रनको पारी खेलेका थिए । नेपालका लागि उत्कृस्ट बलिंग गर्दै सन्दिप लामिछानेले १० ओभरमा ४ मेडन सहित १७ रन खर्चिदै ३ विकेट लिए । त्यसैगरी बसन्त रेग्मीले र कारण केसीले २-२ विकेट लिए । सोमपाल कामी र ललित राजबंशीको हातमा १ -१ विकेट पर्यो ।

Sandeep Lamichhane
सन्दीपको ट्रेडमार्क विकेट सलेब्रेसन

सुपर सिक्समा पुग्ने सम्भावना नरहे पनि यो खेल हंगकंग भन्दा राम्रो नेट रनरेटका साथ जित्न सकेको खण्डमा नेपाल समूह बाट चौथौ हुनेछ र मार्च १५ मा पीएनजीसंग खेल्नेछ । सो खेलको विजेताले प्रतियोगीनतामा ७ औ स्थान प्राप्त गर्ने मौका पाउनेछ (नेदरल्यांड्स भएको खण्डमा आठौ भए पनि हुन्छ ) र टप ३ एसोसियटमा आफ्नो नाम पार्दै २०२२ सम्मको लागि एक दिवसीय मान्यता पाउने छ ।नेदरल्यांड्सले भने विश्व क्रिकेट लिगको विजेताको रुपमा पहिले नै सो मान्यता पाएको हो भने स्कोटल्याण्डले आफ्नो मान्यता रिटेन गरिसकेको छ । अर्को समूह बाट युएई सुपर सिक्समा पुगी एकदिवसीय मान्यता प्राप्त गर्न प्रवल दावेदार देखिएको छ ।

(फोटो – आईसिसी)





थप समाचार

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]

यु-१९ राष्ट्रिय : उपाधिको लागि लुम्बिनी र सुदूरपश्चिम खेल्दै

नेपाल क्रिकेट संघको आयोजनामा काठमाडौँमा जारी अन्डर-१९ राष्ट्रिय प्रतियोगिताको उपाधिको लागि लुम्बिनी प्रदेश र सुदूरपश्चिम प्रदेश प्रतिस्पर्धा गर्दैछन्। खेल नेपाली […]

सितालाई हंगकंगमा खेल्ने अवसर

राष्ट्रिय महिला क्रिकेट टिमकी उपकप्तान सीता रानामगरले हङकङमा आयोजना हुने फेयर ब्रेक इन्भिटेसनल महिला टि-२० प्रतियोगिता २०२२ खेल्ने भएकी छिन्। […]

U19 National : सुदूरपश्चिम फाइनलमा, हेमन्त र शेरको घातक बलिंग

लिग चरणको अन्तिम खेलमा बागमती प्रदेशलाई ८ विकेटले पराजित गर्दै सुदूरपश्चिम प्रदेश यु-१९ राष्ट्रिय प्रतियोगिताको फाइनल पुगेको छ। लिग चरणमा […]