हंगकंगसंग मुस्किलले जित्यो भारत



  • विकेटनेपाल, असोज ३ 

पाकिस्तानसंग ८ विकेटले सहजै पराजित भएको हंगकंगलाई भारतले पनि उस्तै नतिजाका साथ पराजित गर्ने आंकलनलाई गलत सावित गर्दै एसिया कपको चौथो खेलमा हंगकंगले भारतबिरुद्ध नसोचेको खेल प्रदर्शन गरेको छ।

भारतको ब्याटिंग 

युएईको दुबई स्टेडियमा सम्पन्न खेलमा टस जितेर हंगकंगले भारतलाई ब्याटिंगको निम्तो दियो।

भारतले निर्धारित ५० ओभरमा ७ विकेट गुमाएर २८५ रनको योगफल तयार गर्यो। भारतीय ओपनर शिखर धवनले १४ औं शतक प्रहार गर्दा तेश्रो नम्बरमा अम्बाती रायडूले ६० रन बनाउदै भारतलाई राम्रो सुरुवात दिलाए। धवनले १२० बलमा १५ चौका र २ छक्का प्रहार गरे।

२३ रन बनाएर रोहित शर्मा आउट भएपछि दोश्रो विकेटको लागि धवन र रायडूले ११६ रनको साझेदारी गरे। रायडूको विकेटपछि धवन र दिनेश कार्तिकले तेश्रो विकेटको लागि ५९ रनको साझेदारी गरे।

Shikhar Dhawan ( Photo – ICC )

धवन ४१ औं ओभरमा आउट  हुँदा २४०/३ रहेको भारतको योगफल त्यसपछि भने लगातारको विकेटले धेरै अगाडी बढ्न सकेन। धोनी ( ० ) , दिनेश कार्तिक ( ३३ ) , भुवनेश्वर कुमार ( ९ ) , शार्दुल ठाकुर ( ० ) ले लगातार विकेट गुमाउन पुगे। केदार जाधबले अविजित २८ रन बनाए।

भारतलाई ठुलो स्कोर बनाउनबाट रोक्न हंगकंग अफ स्पिनर किन्चित शाहले ३ , एहसान खानले २ तथा एहसान नवाज र ऐजाज खानले १/१ विकेट लिए।

हंगकंग अपत्यारिलो ब्याटिंग 

२८५ बनाए पछि भारतले ठुलै अन्तरले जित्ने अनुमान सबैको थियो तर हंगकंग ओपनर निजाकत खान र अंशुमन रथले गजबको ब्याटिंग गर्दै भारतीय फ्यानहरुलाई औला टोक्न बाध्य बनाए। एउटा विकेट निकाल्न भारतलाई ३४.१ ओभरसम्म प्रतीक्षा गराउने क्रममा खान र रथले १७४ रनको बिशाल साझेदारी गरे।

७३ रन ( ९७ बल, ४ चौका र १ छक्का ) बनाएका रथलाई कुलदिप यादबले आउट गरेपछि भने हंगकंगले निरन्तर विकेट गुमाउन सुरु गर्यो। निजकत खान ९२ रन बनाएर डेब्यु गरिरहेका खलिल एहमदको एलबिडब्लु शिकार भए।

१७५-२ को स्थितिबाट अन्य हंगकंग ब्याट्सम्यानहरुले खास योगदान दिन सकेनन्। बाबर हायात १८, क्रिस्टोफर कार्टर २, किञ्चित शाह १७, एहसान खान २२ रन बनाएर आउट भए। पुरा ५० ओभर ब्याटिंग गरे पनि ८ विकेट गुमाएर हंगकंगले २५९ रन मात्रै बनाउदा मात्र २६ रनले पराजित हुन बाध्य भयो।

भारतीय बलर युज्भेन्द्र चाहल र खलिल एहमदले समान ३/३ विकेट तथा कुलदिप यादबले २ विकेट हात पारे। शिखर धवन खेलको म्यान अफ द म्याच चुनिए।

जित पछि भारत एसिया कपको दोश्रो चरणमा पुगेको छ भने हंगकंग दुवै हारको साथ बाहिरिएको छ। समुह ‘ए’ बाट भारत र पाकिस्तान तथा समुह ‘बि’ बाट बंगलादेश र अफगानिस्तान सुपर-४ चरणमा प्रवेश गरेको छ। भारतले समुहको अन्तिम खेलमा आज बुधबार पाकिस्तानको सामना गर्दैछ। खेल नेपाली समय ५:१५ बजे सुरु हुनेछ।

एसिया कप हालसम्मको नतिजा 

१. बंगलादेशद्वारा श्रीलंका १३७ रनले पराजित
२. पाकिस्तानद्वारा हंगकंग ८ विकेटले पराजित
३. अफगानिस्तानद्वारा श्रीलंका ९१ रनले पराजित
४. भारतद्वारा हंगकंग २६ रनले पराजित
( श्रीलंका र हंगकंग पहिलो चरणबाट बाहिर )

 





थप समाचार

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]

एसीसी टि-२० महिला : नेपाल सेमिफाइनलमा

एसिसी महिला टी–ट्वान्टी च्याम्पियनसिपमा नेपालले बहराइनलाई पराजित गर्दै सेमिफाइनलमा प्रवेश गरेको छ । स्कोरकार्ड , अंकतालिका  मलेसियाको किनरारा ओभल क्रिकेट […]