होप र क्याम्पवेलको नयाँ वर्ल्ड-रेकर्ड



  • विकेटनेपाल, बैशाख २२ , आइतबार 

वेस्ट इन्डिज, बंगलादेश र आयरल्याण्ड बीच आयरल्याण्डमा जारि त्रिकोणात्मक एकदिवसीय सिरिज अन्तर्गत जारि पहिलो खेलमा वेस्ट इन्डिजका ओपनिंग ब्याट्सम्यान जोन क्याम्पवेल र शाही होपले नयाँ विश्वकिर्तिमान कायम गरेका छन्।

टस हरेर ब्याटिंग गर्ने क्रममा वेस्ट इन्डिजले निर्धारित ५० ओभरमा ३ विकेट गुमाएर ३८१ रनको योगफल तयार गरेको छ।

डब्लिनमा जारि खेलको पहिलो इनिंगमा आयरल्याण्डले टस जितेर बलिंग रोजेपछि ब्याटिंग गरेको वेस्ट इन्डिजको लागि ओपनिंग ब्याटिंग गर्न आएका होप र क्याम्पवेलले ओपनिंग साझेदारीको रुपमा एकदिवसीय अन्तर्राष्ट्रिय क्रिकेटमै सर्वाधिक साझेदारी गरेका हुन्।

जारि खेलमा दुवैले पहिलो विकेटको लागि ३६५ रनको साझेदारी गरेका हुन। ४७.२ ओभरमा जोन क्याम्पवेलले विकेट गुमाएपछि साझेदारी तोडिएको थियो। सोहि ओभरको पाँचौ बलमा शाही होप पनि आउट भए। दुवैको विकेट ब्यारी म्याकार्थीले लिए।

क्याम्पवेलले १७९ रन तथा होपले १७० रन बनाए। यस क्रममा क्याम्पवेलले १३७ बलमा १६ चौका र ६ छक्का तथा होपले १५२ बलमा २२ चौका र २ छक्का प्रहार गरे।

यस अघि एकदिवसीय अन्तर्राष्ट्रियमा ओपनिंग साझेदारीको रुपमा सबैभन्दा ठुलो साझेदारी पाकिस्तानका इमाम उल हक र फखार जमानको नाममा थियो। गत वर्ष जुलाईमा जिम्बाबे बिरुद्ध दुवैले पहिलो विकेटको लागि ३०४ रनको साझेदारी गर्दै रेकर्ड कायम गरेका थिए।

एकदिवसीयमा कुनै पनि विकेटको लागि सर्वाधिक साझेदारीको रेकर्ड कायम गर्न भने होप र क्याम्पवेल चुकेका छन्। वेस्ट इन्डिजकै क्रिस गेल र मर्लान सामुएल्सले सन् २०१५ मा जिम्बाबे बिरुद्ध दोश्रो विकेटको लागि ३७२ रनको साझेदारी गर्दै कुनै पनि विकेटको लागि सर्वाधिक साझेदारीको रेकर्ड बनाएका थिए।

कुनै पनि विकेटको लागि एकदिवसीयमा धेरै रनको साझेदारी गर्ने रेकर्डमा होप र क्याम्पवेल दोश्रो स्थानमा रहेका छन्। तेश्रो स्थानमा सचिन तेन्दुलकर र राहुल द्रविड रहेका छन् जसले सन् १९९९ मा न्युजिल्याण्ड बिरुद्ध ३३१ रनको साझेदारी गरेका थिए। चौथो स्थानमा पनि रहेका सचिन र राहुलले सन् १९९९ मा श्रीलंका बिरुद्ध ३१८ रनको साझेदारी गरेका थिए। पाँचौ स्थानमा इमाम उल हक र फखार जमान छन् जसले जिम्बाबे बिरुद्ध २०१८ मा पहिलो विकेटको लागि ३०४ रन बनाएका थिए।

एकदिवसीय अन्तर्राष्ट्रियमा सर्वाधिक ओपनिंग साझेदारी 

1. इमाम उल हक र फखार जमान ( पाकिस्तान ) – ३०४ रन ( बिरुद्ध जिम्बाबे , २०१८ जुलाई )
2. उपुल थारांगा र सनथ जयसुर्य ( श्रीलंका ) – २८६ रन ( बिरुद्ध इंग्ल्याण्ड, सन् २००६ जुलाई )
3. डेभिड वार्नर र ट्राभिस हेड ( अस्ट्रेलिया ) – २८४ रन ( बिरुद्ध पाकिस्तान , सन् २०१७ जनवरी )
4. क्वाँटन डीकक् र हाशिम आमला ( दक्षिण अफ्रीका ) – २८२* रन ( बिरुद्ध बंगलादेश , सन् २०१७ अक्टोबर )
5. उपुल थारांगा र तिलकरत्ने दिलशान ( श्रीलंका ) – २८२ रन बिरुद्ध जिम्बाबे , सन् २०११ मार्च )
6. जेभियर मार्शल र ब्रेण्डन म्याकलम ( न्युजिल्याण्ड ) – २७४ रन बिरुद्ध आयरल्याण्ड, सन् २००८ जुलाई )
7. सौरभ गांगुली र सचिन तेन्दुलकर ( भारत ) – २५८ रन ( बिरुद्ध केन्या, सन् २००१ अक्टोबर )

 





थप समाचार

अफ्रिदीको रेकर्ड तोड्दै शाकिब बने टि-२० विश्वकप इतिहासकै सर्वाधिक विकेटकर्ता

टि-ट्वान्टी विश्वकपको सुपर-१२ चरण अन्तर्गत आइतबार बंगलादेश अलराउण्डर शाकिब अल हसनले ठूलो रेकर्ड आफ्नो नाम गरेका छन्। श्रीलंका बिरुद्ध खेलमा […]

टि-ट्वान्टी विश्वकपमा आज एक मात्र खेल

युएईमा जारी टि-ट्वान्टी विश्वकपको सातौँ संस्करण अन्तर्गत अन्तर्गत सोमबार एक मात्र खेल हुँदैछ। समुह ‘२’ अन्तर्गतको खेलमा अफगानिस्तान र स्कटल्याण्ड […]

भारत बिरुद्ध पाकिस्तानको जितमा बनेका ५ ठूला रेकर्ड

विश्वकप जित्न दावेदार तथा बलियो टिम मानिएको भारतलाई १० विकेटले सहजै पराजित गर्दै पाकिस्तानले टि-ट्वान्टी विश्वकप २०२१ को शानदार सुरुवात […]

भारत बिरुद्ध जितपछि पाकिस्तान कप्तान आजमले भने “यो सुरुवात मात्र हो”

क्रिकेट इतिहासमै पहिलो पटक भारत बिरुद्ध आईसीसी विश्वकपको खेल जितेपछि पाकिस्तान कप्तान बाबर आजमले जितको श्रेय टिमलाई दिएका छन्। एकदिवसीय […]

T20WC : पाकिस्तानसंग हारपछि भारतीय कप्तान कोहलीले के बताए कारण

अन्तर्राष्ट्रिय क्रिकेट परिषद ( आईसीसी ) को विश्वकप इतिहासमै पहिलो पटक पाकिस्तानसंग पराजित भएपछि भारतीय कप्तान बिराट कोहलीले पाकिस्तानी टिमको […]

भारत बिरुद्ध ऐतिहासिक जितमा उत्कृस्ट घोषित अफ्रिदीले के भने

भारत बिरुद्ध टि-ट्वान्टी विश्वकपमा पाकिस्ताले ऐतिहासिक जित हात पार्दा पाकिस्तानी पेसर शाहिन शाह अफ्रिदी प्लेयर अफ द म्याच चुनिए। बायाँ […]