शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड



पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्।

अफ्रिदीले वर्ष २०२१ मा ३६ अन्तर्राष्ट्रिय खेल खेल्ने क्रममा २२.२० को औशतमा ७८ विकेट लिए जुन क्रममा उनले ६/५१ को उत्कृस्ट स्पेल दर्ता गरे। स्विंग, सिम, योरकर र गतिले अफ्रिदीले धुरन्धर ब्याट्सम्यानलाई अफ्टेरोमा पारे।

२०२१ मा उत्कृस्ट लयमा रहेका अफ्रिदीले तिन वटै फर्म्याटमा उत्कृस्ट ब्याट्सम्यानहरुलाई सताए। विशेषगरि उनले टेस्ट र टि-२० फर्म्याटमा शानदार प्रदर्शन गरे। टि-२० विश्वकप २०२१ मा उनले गति र कलाले प्रभावित बनाए। त्यस क्रममा उनले पाकिस्तानलाई सेमीफाइनल पुर्याउन ६ खेलमा ७ विकेट लिए। टि-२० मा उनले २१ खेलमा २३ विकेट लिए भने डेथ ओभर बलिंगमा निकै सुधार गरे। यस्तै टेस्ट फर्म्याटमा उनले ९ खेलमा ४७ विकेट लिए जुन क्रममा उनको औशत शानदार ( १७.०६ ) रह्यो।

अफ्रिदीले टि-२० विश्वकपमा भारत बिरुद्ध शानदार प्रदर्शन गर्ने क्रममा रोहित शर्मा, केएल राहुल र बिराट कोहलीको विकेट लिंदै जितमा अहम योगदान दिए र प्लेयर अफ द म्याच चुनिए। भारतले पाकिस्तानसंग विश्वकपमा हार बेहोरेको त्यो नै पहिलो पटक थियो।

 

पाकिस्तानकै बाबर आजम आईसीसी एकदिवसीय अन्तर्राष्ट्रिय वर्ष पुरुष क्रिकेटर चुनिए। आजमले २०२१ मा ६७.५ को औशतले ६ खेलमा ४०५ रन बनाए। पाकिस्तानले खेलेको दुई वटा सिरिजमा उनले उत्कृस्ट प्रदर्शन गरे। यस्तै जो रुट आईसीसी टेस्ट पुरुष वर्ष खेलाडी चुनिए। उनले २०२१ मा खेलेको १५ खेलमा ६ शतक प्रहार गर्दै १,७०८ रन बनाए। पाकिस्तानकै विकेटकिपर ब्याट्सम्यान मोहम्मद रिजवान टि-२० पुरुष वर्ष खेलाडी चुनिए। रिजवानले २९ टि-२० खेल्दा ७३.६६ को औशतले १३२६ रन बनाए।

यस्तै उत्कृस्ट एसोसिएट वर्ष खेलाडी ओमानका कप्तान जिशान मक्सुद घोषित भए। मक्सुद ले २०२१ मा खेलेको १३ अन्तर्राष्ट्रिय खेलमा ३१६ रन बनाउनुको साथै २१ विकेट लिए। यस्तै उदयमान वर्ष खेलाडीको अवार्ड दक्षिण अफ्रीकाका जानेमन मलान चुनिए जसले १७ अन्तर्राष्ट्रिय खेलमा ४७.६६ को औशतले २ शतक प्रहार गर्दै ७१५ रन बनाए।

आईसीसी महिला वर्ष खेलाडी भारतकी स्मृति मन्धना घोषित भइन्। यस्तै एकदिवसीय वर्ष महिला क्रिकेटर दक्षिण अफ्रिकाकी लिजेली लि घोषित भइन्।आईसीसीको उत्कृस्ट अम्पायर मरे इरास्मस घोषित भए।

आईसीसी पुरुष टि-२० अन्तर्राष्ट्रिय टिम २०२१ : Jos Butler (ENG), Mohammad Rizwan (PAK, WK), Babar Azam (PAK, C), Aiden Markram (SA), Mitchell Marsh (AUS), David Miller (SA), Wanindu Hasaranga (SL), Tabraiz Shamsi (SA), Josh Hazlewood (AUS), Mustafizur Rahman (BANG) and Shaheen Afridi (PAK).

आईसीसी पुरुष एकदिवसीय अन्तर्राष्ट्रिय टिम २०२१ : Paul Stirling (IRE), Janneman Malan (SA), Babar Azam (PAK, C), Fakhar Zaman (PAK), Rassie van der Dussen (SA), Shakib Al-Hasan (BANG), Mushfiqur Rahim (BANG, WK), Wanindu Hasaranga (SL), Mustafizur Rahman (BANG), Simi Singh (IRE) and Dushmantha Chameera (SL)

आईसीसी पुरुष टेस्ट टिम २०२१ : Dimuth Karunaratne (SL), Rohit Sharma (India), Marnus Labuschagne (AUS), Joe Root (ENG), Kane Williamson (NZ), Fawad Alam (PAK), Rishabh Pant (IND, WK), Ravichandran Ashwin (IND), Kyle Jamison (NZ), Hasan Ali (PAK) and Shaheen Afridi (PAK).





थप समाचार

कृतिकालाई कप्तानी

देब्रे हाते स्पिनर कृतिका मरासिनीलाई नेपाल क्रिकेट संघ ( क्यान ) ले अन्डर-१९ महिला राष्ट्रिय क्रिकेट टिमको कप्तानी सुम्पेको छ। […]

ईपीएल नरोक्न आयोजक र फ़्रेन्चाइजको अपिल

एभरेस्ट प्रिमियर लिग (इपिएल) का फ़्रेन्चाइजहरुले आफ्नो अस्तित्वनै समाप्त हुने गरी इपिएललाई मान्यता नदिएको खण्डमा नेपाल क्रिकेट संघ (क्यान) का […]

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]

डेब्युमा हिरान्मयी चम्किंदा नेपालको पहिलो जित

डेब्युमा १५ वर्षीय लेग स्पिनर हिरान्मयी रोयले उत्कृस्ट बलिंग गर्दा नेपाली महिला राष्ट्रिय क्रिकेट टिमले युगान्डा बिरुद्ध पाँच खेलको घरेलु […]

इन्डियन व्हीलचेयर प्रिमियर लिगमा चार नेपाली खेलाडी

भारतको दिल्लीमा आगामी महिना जुन २१ देखि २५ तारिखसम्म आयोजना हुने इन्डियन व्हीलचेयर प्रिमियर लिगको तेश्रो संस्करणमा चार जना नेपाली […]