एसिया कपमा हंगकंगलाई एकदिवसीय राष्ट्रको मान्यता



  • विकेटनेपाल – भदौ २६

गत साता मलेसियामा सम्पन्न एसिया कप छनौट प्रतियोगितामा एकदिवसीय अन्तर्राष्ट्रिय मान्यता प्राप्त राष्ट्र नेपाल र युएईलाई पछि पार्दै एसिया कप खेल्न छनौट भएको हंगकंगले एसिया कपमा खेल्ने खेलहरुले एकदिवसीय अन्तर्राष्ट्रिय मान्यता पाउने भएको छ।

अन्तर्राष्ट्रिय क्रिकेट परिषद् (आईसीसी) ले आगामी सेप्टेम्बर १५ बाट सुरुहुने एसिया कप क्रिकेटका सबै खेललाई एक दिवसीय मान्यता दिने निर्णय गरेको छ। योसंगै छनौट प्रतियोगिताबाट आएको टोलि हंगकंगले समेत प्रतियोगिता भरिका लागि अस्थायी मान्यता पाएको हो।

हंगकंग एसिया कपमा भारत र पाकिस्तान रहेको समुहमा छ जुन क्रममा सेप्टेम्बर १६ मा पाकिस्तान र १८ मा भारतसंग खेल्नेछ।

सन् २०१४ जनवरीमा अन्तर्राष्ट्रिय क्रिकेट काउन्सिलबाट एक दिवसीय राष्ट्रको मान्यता पाएपनि यसै बर्ष मार्चमा जिम्बाबेमा आयोजित एकदिवसीय बिश्वकप छनौटमा दशौँ स्थानमा रहेपछि हंगकंग एकदिवसीय अन्तर्राष्ट्रिय मान्यता पाउन चुकेको थियो। सोहि प्रतियोगितामा छैठौं स्थान हाँसिल गरेको युएई र आठौँ स्थान हाँसिल गरेको नेपालले भने उत्कृस्ट ४ एसोसिएट राष्ट्र भित्र पर्दा एकदिवसीय अन्तर्राष्ट्रिय मान्यता पाएको थियो।

एसियाका ५ टेस्ट राष्ट्रहरु भारत, श्रीलंका, बंगलादेश, पाकिस्तान र अफगानिस्तान सहित छनौट प्रतियोगिताको बिजेता हंगकंगको सहभागिता रहेको एसिया कप ५० ओभर फर्म्याटमा रहनेछ। प्रतियोगिताका ५ टेस्ट राष्ट्रहरुसंग एक दिवसीय मान्यता रहेपनि हंगकंगसंग मान्यता नरहेकाले हंगकंग सम्मिलित हुने खेलको बिषयमा पछिल्लो समय चर्चा बढेको थियो।

यसअघि सन् २००४ मा सम्पन्न एसिया कपमा हंगकंगले एसोसिएट रास्ट्रको रुपमा युएईसंगै स्थान बनाएको थियो। त्यस संस्करणमा समेत हंगकंगले प्रतियोगिताका लागि अस्थायी एक दिवसीय मान्यता पाउँदै बंगलादेश र पाकिस्तानसंग समुह चरणमा खेल खेलेको थियो। पुनः सन् २००८ मा लगातार हंगकंगले एसिया कप खेलेको थियो। दुवै संस्करणमा हंगकंग पहिलो चरणबाट अघि बढ्न सकेको थिएन।

अन्तर्राष्ट्रिय क्रिकेट परिषद्का प्रमुख कार्यकारी डेभ रिचर्डसनले एसिया कपका सबै खेललाई एक दिवसीय मान्यता प्रदान गर्नु आइसीसीको स्वागतयोग्य कदम रहेको बताएका छन्-

“एसिया कपका सबै खेललाई एक दिवसीय मान्यता दिनु आईसीसीको राम्रो निर्णय हो। हामी अन्तर्राष्ट्रिय क्रिकेटलाई भित्रसम्म नियाल्ने प्रयासमा छौं र यसले दीर्घकालीन समयमा खेलको बिकास गर्नेछ र अझ धेरै मानिसलाई क्रिकेट समर्थक बनाउने छ।”

Hong Kong Cricket Team
Hong Kong Cricket Team

एक दिवसीय मान्यताको दायरा फराकिलो पारिएको बिषयमा रिचर्डसनले थपे – “कुनै प्रतियोगितामा एक दिवसीय मान्यता भएका र नभएका देश सम्मिलित रहंदा धेरै समर्थकहरुलाई त्यसले बुझ्नमा समस्या दिएको थियो त्यसैले हामीले विश्वकपसंगै अब एसिया कप र विश्वकप छनौट प्रतियोगिताका खेलहरुलाई एक दिवसीय मान्यता दिने निर्णय गरेका हौँ।”

यस संस्करणको एसिया कप क्रिकेटका लागि मलेसियामा सम्पन्न छनौट प्रतियोगितामा बिजेता राष्ट्र बन्दै हंगकंगले मूल: प्रतियोगितामा स्थान बनाएको हो। हंगकंग सहित आयोजक मलेसिया, नेपाल, ओमान, युएई र सिंगापुर सहभागी प्रतियोगिताको आफ्नो पहिलो खेलमानै मलेसियासंग लज्जास्पद हार बेहोरेपनि बाँकि सबै खेल जित्दै हंगकंगले एसिया कपको बाटो खोलेको हो।

साबिक बिजेता भारत र पाकिस्तानसंगै समुह “ए” मा रहेको हंगकंगले आफ्नो पहिलो खेल १६ सेप्टेम्बरमा पाकिस्तान र १८ सेप्टेम्बरमा भारत बिरुद्ध खेल्ने छ। प्रतियोगिताको फाइनल खेल सेप्टेम्बर २८ तारिकमा दुबईमा खेलिने तालिका रहेको छ।





थप समाचार

कुशल र आसिफले कीर्तिमानी साझेदारी गर्दा नेपालको शानदार जित

नेपाल, नेदरल्याण्ड र मलेसिया सम्मिलित त्रिकोणात्मक टि-ट्वान्टी सिरिज अन्तर्गत पहिलो खेलमा नेपालले नेदरल्याण्डलाई पराजित गर्दै विजयी सुरुवात गरेको छ। टियु […]

नेदरल्याण्डद्वारा नेपाललाई मध्यम लक्ष्य

नेपाल, नेदरल्याण्ड र मलेसिया बीच त्रिकोणात्मक टि-ट्वान्टी सिरिज सुरु भएको छ। सिरिज अन्तर्गत पहिलो खेलमा नेदरल्याण्ड र नेपाल प्रतिस्पर्धा गर्दैछन्। टियु […]

ट्राइ सिरिज : नेपालले पहिले फिल्डिंग रोज्यो, आसिफ र शाहबले डेब्यु गर्दै

नेपाल, नेदरल्याण्ड र मलेसिया सम्मिलित त्रिकोणात्मक टि-ट्वान्टी सिरिज अन्तर्गत उद्घाटन खेलमा शनिवार नेपाल र नेदरल्याण्ड प्रतिस्पर्धा गर्दैछन्। खेल टियु अन्तर्राष्ट्रिय […]

ट्राई सिरिज : नेपाल र नेदरल्याण्ड आज खेल्दै , कस्तो होला नेपालको अन्तिम-११

नेपाली भूमिमा पहिलो पटक त्रिकोणात्मक टि-ट्वान्टी अन्तर्राष्ट्रिय सिरिजको आयोजना शनिवार देखि सुरु हुँदैछ। नेपालले घरेलु भूमिमा नेदरल्याण्ड र मलेसियासंग टि-ट्वान्टी […]

IPL : चेन्नाईद्वारा पन्जाब ६ विकेटले पराजित

पन्जाब किंग्सलाई ६  विकेटले पराजित गर्दै चेन्नाई सुपर किंग्सले आईपीएल १४ मा पहिलो जित दर्ता गएको छ। पछिल्लो खेलमा चेन्नाई […]

दक्षिण अफ्रीका ३ विकेटले पराजित, पाकिस्तानले जित्यो सिरिज

दक्षिण अफ्रीकालाई रोमान्चक प्रतिस्पर्धामा ३ विकेटले पराजित गर्दै पाकिस्तानले घरेलु टोलि दक्षिण अफ्रीका बिरुद्धको चार वटा टि-२० को सिरिज ३-१ […]