दशककै उत्कृस्ट एसोसिएट खेलाडी अवार्ड कोट्जरलाई, जितेनन् पारसले



स्कटल्याण्डका खेलाडी कायल कोट्जरले आईसीसीको दशककै उत्कृस्ट एसोसिएट खेलाडीको अवार्ड जितेका छन्।

नेपाली क्रिकेट टिमका पूर्वकप्तान पारस खड्का, स्कटल्याण्डका कलम म्याकलोएड र रिची बेरिंगटन, पपुवा न्यु गिनीका असद भाला तथा नेदरल्याण्डका पिटर बोरेन यो विधामा मनोनयनमा परेका थिए।

४५.५४ को औशतले एकदिवसीय अन्तर्राष्ट्रिय क्रिकेटमा २,२७७ रन बनाएका कोट्जर दशकको उत्कृस्ट खेलाडी भएको घोषणा आईसीसीले गरेको हो। ३६ वर्षीय कोट्जरले स्कटल्याण्डको लागि ५९ एकदिवसीयमा ४३.८० को औशतले ४ शतक र १७ अर्धशतक प्रहार गर्दै २,४०९ रन बनाएका छन्। यस्तै ५८ टि-२० अन्तर्राष्ट्रियमा उनले २५.६६ को औशतले ६ अर्धशतक प्रहार गर्दै १,३८६ रन बनाएका छन्।

२०१८ एभरेस्ट प्रिमियर लिगमा कोट्जरले नेपाली घरेलु टि-२० लिग ईपिएल टि-२० मा पोखरा राइनोजको कप्तानी गरेका थिए

कोट्जरले २००८ मा स्कटल्याण्डको लागि इंग्ल्यान्ड बिरुद्ध डेब्यु गरेका थिए भने सोहि बर्ष आयरल्याण्ड बिरुद्ध टि-२० अन्तर्राष्ट्रियमा डेब्यु गरेका थिए। उनले २०१५ एकदिवसीय विश्वकपमा बंगलादेश बिरुद्ध प्रहार गरेको १५६ रन एसोसीएट राष्ट्रको ब्याट्सम्यानले प्रहार गरेको सबै भन्दा उच्च रन हो।

नेपालको घरेलु टि-२० प्रतियोगिता एभरेस्ट प्रिमियर लिगको २०१८ को संस्करणमा कोट्जरले पोखरा राइनोजको कप्तानी समेत गरेका थिए। लिगमा कोट्जरले ५ खेलमा १३० रन बनाउदै सर्वाधिक रनकर्ताको सूचीमा ११ औं स्थानमा थिए।


आईसीसीले घोषणा गरेको एसोसीएट राष्ट्रको उत्कृस्ट महिला खेलाडीको अवार्ड स्कटल्याण्डकै काथ्रिन ब्रिसले जितेकी छिन्।

यस्तै आईसीसीले दशकको एकदिवसीय अन्तर्राष्ट्रिय टिम पनि घोषणा गरेको छ। उक्त टिममा भारतका रोहित शर्मा, बिराट कोहली र महेन्द्र सिंह धोनी, अस्ट्रेलियाका डेभिड वार्नर, मिचेल स्टार्क, दक्षिण अफ्रीकाका ए बि डी भिल्लीयर्स र इमरान ताहिर, बंगलादेशका शाकिब अल हसन, इंग्ल्यान्डका बेन स्टोकस, न्युजिल्यान्डका ट्रेन्ट बोल्ट तथा श्रीलंकाका लासिथ मालिंगा रहेका छन्।

आईसीसीको दशकको टि-२० अन्तर्राष्ट्रिय टिममा पनि भारतका रोहित शर्मा, बिराट कोहली र महेन्द्र सिंह धोनी तथा जस्प्रित बुम्राह पनि रहेका छन्। यस्तै अस्ट्रेलियाका आरोन फिन्च र ग्लेन म्याक्सवेल,, दक्षिण अफ्रीकाका ए बि डी भिल्लीयर्स, वेस्टइन्डिजका क्रिस गेल र काइरन पोलार्ड, अफगानिस्तानका राशिद खान र श्रीलंकाका लासिथ मलिंगा रहेका छन्।





थप समाचार

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]