विश्वकप पछि आईसीसी वरियता सार्वजनिक, कोहली र बुम्राह टप, को कति नम्बरमा ?



एकदिवसीय विश्वकप सकिएपछि अन्तर्राष्ट्रिय क्रिकेट परिषदले नयाँ वरियता सार्वजनिक गरेको छ। वरियतामा विजेता टिमले इंग्ल्याण्ड र उप-विजेता न्युजिल्याण्ड खेलाडीहरुले स्थान सुधार गरेका छन्।

प्रतियोगिताकै उत्कृस्ट खेलाडी चुनिएका न्युजिल्यान्ड कप्तान केन विलियमसनले सेमीफाइनलमा भारतसंगको महत्वपूर्ण इनिंग पछि करीयरकै उच्च ७९९ अंक प्राप्त गरेका थिए। इंग्ल्याण्ड अल-राउण्डर बेन स्टोक्स ६९४ अंक सहित प्रतियोगिता अन्त्य गरेका छन् र उत्कृस्ट २० भित्र परेका छन्। अस्ट्रेलियासंग ८५ रन बनाएका जेसन रोय वरियतामा उत्कृस्ट १० भित्र पहिलो पटक उक्लेका छन्।

यस्तै न्युजिल्याण्डसंग सेमीफाइनलमा उत्कृस्ट ब्याटिंग गर्दै ७७ रन प्रहार गरेका रभिन्द्र जडेजाले वरियतामा २४ स्थान सुधार गरेका छन् र १०८ औं स्थानमा पुगेका छन्।

बिराट कोहली ८८६ अंक सहित ब्याटिंग वरियतामा पहिलो स्थानमा कायमै छन् भने विश्वकपमा शतक वर्षा गरेका रोहित शर्मा ८८१ अंक सहित दोश्रो र पाकिस्तानका बबर आजम ८२७ अंक सहित तेश्रो स्थानमा रहेका छन्।

ब्याटिंग वरियता 

सेमीफाइनल र फाइनलमा ३/३ विकेट लिएका इंग्ल्याण्ड बलर क्रिस वोक्सले करियरकै उत्कृस्ट ६७६ अंक हाँसिल गरेका छन् र सातौँ स्थानमा रहेका छन्। २०१७ मा उनि छैठौं स्थानमा पुगेका थिए। न्युजिल्यान्ड बलर म्याट हेनरीले निरन्तर राम्रो प्रदर्शन गर्दै दशौँ स्थानमा रहेका छन् जसले सेमीफाइनलमा ३ र फाइनलमा १ विकेट लिएका थिए। २०१६ मा उनि चौथो स्थानमा रहेका थिए।

जस्प्रित बुम्राह ८०९ अंक सहित बलिंग वरियतामा पहिलो तथा ट्रेन्ट बोल्ट दोश्रो स्थानमा रहेका छन्।

बंगलादेश अल-राउण्डर शकिब अल हसनले आफ्नो उत्कृस्टता कायमै राखेका छन् जसलाई करियरकै उत्कृस्ट ३१९ अंक प्राप्त गरेका स्टोक्सले पछ्याएका छन्। अफगानिस्तान अल-राउण्डर अल-राउण्डर सुचीमा नबि तेश्रो स्थानमा रहेका छन्।

अल-राउण्डर वरियता 

विश्वकप जित पछि इंग्ल्याण्ड भारतलाई ३ अंकले उछिन्दै १२५ अंकको साथ पहिलो स्थानमा रहेको छ। भारत १२२ अंक सहित दोश्रो र न्युजिल्याण्ड ११२ अंक सहित तेश्रो स्थानमा छ। अस्ट्रेलिया १११ र दक्षिण अफ्रीका ११० अंक सहित चौथो र पाँचौ स्थानमा छ।

बलिंग वरियता 

एकदिवसीय वरियतामा नेपाल १५ औं स्थानमा रहेको छ। स्कटल्याण्ड १४ औं र युएई १६ औं स्थानमा रहेको छ। टि-२० अन्तर्राष्ट्रियमा भने नेपाल ११ औं स्थानमा स्कटल्याण्ड, नेदरल्याण्ड, जिम्बाबे र आयरल्याण्ड भन्दा अघि रहेको छ। एकदिवसीय वरियतामा नेपाली खेलाडीहरु उत्कृस्ट १०० भित्र छैनन्। टि-२० तर्फ बलिंगमा बसन्त रेग्मी र सोमपाल कामि ६६ औं स्थानमा रहेका छन्। टि-२० ब्याटिंगमा पारस खड्का ९३ औं स्थानमा रहेका छन्। टि-२० अल-राउण्डर तर्फ पनि पारस ३९ औं स्थानमा रहेका छन् भने सोमपाल कामि ४८ औं स्थानमा इंग्ल्याण्डका मोइन अलि र नाथन कोल्टर नाइलसंगै रहेका छन् ।

टिम वरीयता

 





थप समाचार

T20WC : ‘गर या मर’ को खेलमा बंगलादेशद्वारा ओमान पराजित

सुपर-१२ चरण प्रवेशको सम्भावना जीवित राख्न जित्नै पर्ने खेलमा बंगलादेशले ओमानलाई २६ रनले पराजित गरेको छ। प्रतियोगिता अन्तर्गत पहिलो खेलमा बंगलादेश […]

‘गर या मर’को स्थितिमा रहेको बंगलादेशद्वारा ओमानलाई १५४ रनको लक्ष्य

युएई र ओमानमा संयुक्त रुपमा जारि सातौँ संस्करणको टि-ट्वान्टी विश्वकप अन्तर्गत समुह ‘बि’ अन्तर्गतको खेलमा बंगलादेश र आयोजक ओमान प्रतिस्पर्धा […]

T20WC : बेरिंगटन र डेभि चम्किंदा स्कटल्याण्डले लगातार दोश्रो जित

युएई र ओमानमा संयुक्त रुपमा जारि सातौँ संस्करणको टि-ट्वान्टी विश्वकप अन्तर्गत समुह चरणको समुह ‘बि’ अन्तर्गतको खेलमा स्कटल्याण्डले दोश्रो जित […]

टि-२० विश्वकप : कोहलीले बताए आफ्नो ब्याटिंग क्रम

युएई र ओमानमा जारी सातौँ संस्करणको टि-ट्वान्टी विश्वकपमा भारतीय कप्तान बिराट कोहलीले आफ्नो ब्याटिंग क्रम घोषणा गरेका छन्। भारतले विश्वकपको सुपर-१२ […]

प्रतिस्पर्धात्मक खेलमा अस्ट्रेलियाद्वारा न्युजिल्यान्ड ३ विकेटले पराजित

युएई र ओमानमा संयुक्त रुपमा जारि टि-ट्वान्टी विश्वकप अन्तर्गत गय राति सम्पन्न वार्म-अप खेलमा अस्ट्रेलियाले रोमान्चक प्रतिस्पर्धामा न्युजिल्यान्डलाई ३ विकेटले […]

प्रदेशस्तरीय मिथिला कप टि–ट्वान्टी क्रिकेट प्रतियोगिता हुने

सप्तरी- राजविराजमा बुधबारदेखि प्रदेशस्तरीय मिथिला कप टि–ट्वान्टी क्रिकेट प्रतियोगीता हुने भएको छ । सप्तरी क्रिकेट सङ्घको समन्वयमा आयोजना गरिने खेलमा […]