स्टार्कको घातक बलिंग, अस्ट्रेलियासंग वेस्टइन्डिज पराजित



आईसीसी एकदिवसीय विश्वकप क्रिकेट प्रतियोगिता अन्तर्गत दशौँ खेलमा अस्ट्रेलियाले वेस्ट इन्डिजलाई पराजित गर्दै प्रतियोगिताको दोश्रो जित दर्ता गरेको छ।

पहिले ब्याटिंग गर्दै अस्ट्रेलियाले दिएको २८९ रनको लक्ष्य पछ्याउने क्रममा वेस्ट इन्डिजले पुरै ५० ओभर ब्याटिंग गरे पनि ९ विकेट गुमाएर २७३ रन मात्रै बनाउन सक्यो र १५ रनको हार बेहोर्न पुग्यो।

यस अघि पहिलो खेलमा अस्ट्रेलियाले अफगानिस्तानलाई ७ विकेटले पराजित गरेको थियो भने वेस्ट इन्डिजले पाकिस्तानलाई समान अन्तरले पराजित गरेको थियो।

एकदिवसीय अन्तर्राष्ट्रियमा अस्ट्रेलियाको यो लगातार दशौँ जित हो।

लक्ष्य पछ्याउने क्रममा वेस्ट इन्डिज ओपनर क्रिस गेल २१ तथा इभिन लुइस १ रनमा आउट भए। तेश्रो विकेटको लागि शाही होप र निकोलस पुरनले ६८ रनको साझेदारी गरे। पुरन ४० रन बनाएर आउट भए जसपछि होपले शिमरन हेटमायरसंग ५० रनको साझेदारी गरे। हेटमायर २१ रन बनाएर आउट भए लगत्तै होप पनि ६८ रन बनाएर पेभेलियन फर्के।

११ बलमा २ चौका र १ छक्का प्रहार गरेका आन्द्रे रसेल पनि आउट हुँदा वेस्ट इन्डिज २१६/६ ( ३८.५ ) को अवस्थामा पुग्यो।

कप्तान जेसन होल्डरले त्यसपछि वेस्ट इन्डिजलाई जितसम्म लैजाने प्रयास गरे जुन क्रममा सातौँ विकेटको लागि कार्लोस ब्राथवेटसंग ३६ रनको साझेदारी गरे।

४६ औं ओभरमा वेस्ट इन्डिजको स्कोर २५२/६ थियो जुन ओभरमा स्टार्कले लगातार २ विकेट लिंदै अस्ट्रेलियालाई खेलमा फर्काए। १६ रन बनाएका ब्राथवेट र लगत्तै ५१ रन बनाएका होल्डरलाई पनि स्टार्कले आउट गर्दा अस्ट्रेलिया खेलमा हावी हुन पुग्यो।

त्यसपछि वेस्ट इन्डिज खेलमा फर्किन सकेन र ५० ओभरमा ९ विकेट गुमाएर २७३ रन मात्र बनाउन सक्यो।

अस्ट्रेलियाको बलिंगमा मिचेल स्टार्कले सर्वाधिक ५ विकेट लिए जुन क्रममा १० ओभरमा १ मेडन ओभर गर्दै ४६ रन खर्चे । यस क्रममा उनले क्रिस गेल जेसन होल्डर, आन्द्रे रसेल र कार्लोस ब्राथवेटको महत्वपूर्ण विकेट समेत लिए।

प्याट कमिन्सले २ ( १०-३-४१-२ ) तथा एडम जाम्पाले १ विकेट ( १०-०-५८-१ ) लिए। स्कोरकार्ड 

स्मिथ र कौलटरको उत्कृस्ट इनिंग  

यस अघि टस हारेर पहिले ब्याटिंग गरेको अस्ट्रेलियाले ४९ ओभरमा सबै विकेट गुमाएर २८८ रनको योगफल तयार गरेको थियो।

एकसमय ७९/५ रहेको अस्ट्रेलियाको योगफललाई एलेक्स केरेले ४५, स्टिभ स्मिथले ७३ तथा नाथन कौलटरले ९२ रन बनाउदै उकासेका थिए। स्मिथ र एकेक्सले छैठौं विकेटको लागि ६८ रनको साझेदारी गरेपछि, स्मिथ र कौलटर बीच सातौँ विकेटको रुपमा १०२ रनको साझेदारी भएको थियो।

वेस्ट इन्डिजको बलिंगमा कार्लोस ब्राथवेटले सर्वाधिक ३ ( १०-०-६७-३ ) तथा ओशेन थोमस ( १०-०-६३-२ ) , शेल्डन कटरेलले ( ९-०-५६-२ ) र आन्द्रे रसेल ( ८-०-४१-२ ) ले २/२ विकेट तथा जेसन होल्डरले १ विकेट ( ७-२-२८-१ ) लिए।





थप समाचार

आईसीसी नयाँ ओडीआई वरियतामा सन्दिपको फड्को

अन्तर्राष्ट्रिय क्रिकेट परिषद ( आईसीसी ) ले जारि गरेको नयाँ एकदिवसीय अन्तर्राष्ट्रिय वरियतामा नेपाली लेग स्पिनर सन्दिप लामिछानेले पुनः फड्को […]

IPL : दिल्ली बिरुद्ध हैदरावादले पहिले ब्याटिंग गर्दै, यस्तो छ दुवै टिमको अन्तिम-११

युएईमा जारी दोश्रो फेजको आईपीएल अन्तर्गत लिगको ३३ औं खेलमा दिल्ली क्यापिटल्स र सनराइजर्स हैदरावाद प्रतिस्पर्धा गर्दैछन्। खेल नेपाली समय […]

EPL : नेपाल आइपुगे गत सिजनका सबैभन्दा आक्रामक ब्याट्सम्यान लेभी

सेप्टेम्बर २५ तारिख देखि सुरु हुने एभरेस्ट प्रिमियर लिग टि-ट्वान्टी ( ईपीएल ) को चौंथो संस्करणमा सहभागी हुन दक्षिण अफ्रिकी […]

हातमा आएको जित खोसीएपछि राहुलले भने “यो हार पचाउन गाह्रो छ।”

पन्जाब किंग्सलाई अन्तिम २ ओभरमा जितको लागि मात्र ८ रन आवस्यक थियो र साथमा थियो ८ विकेट। यस्तो अवस्थामा राजस्थान […]

IPL : सनसनीपूर्ण खेलमा राजस्थानद्वारा पन्जाब २ रनले पराजित, त्यागिको अपत्यारिलो ओभर

कार्तिक त्यागिले अपत्यारिलो बलिंग गरेपछि पन्जाब किंग्सलाई राजस्थान रोयल्सले मात्र २ रनले पराजित गरेको छ।  युएईको दुबई अन्तर्राष्ट्रिय क्रिकेट स्टेडियममा […]

IPL : अर्शदिपले ५ विकेट लिंदा उत्कृस्ट सुरुवातको बाबजुद राजस्थान १८५ मा सिमित

युएईमा जारी आईपीएलको दोश्रो फेजको खेल अन्तर्गत लिगको ३२ औं खेलमा पन्जाब किंग्स र राजस्थान रोयल्स प्रतिस्पर्धा गरिरहेका छन्। दुबई […]