आयो विश्वकप लिग-२ को नयाँ खेलतालिका, नेपालले ओमानमा त्रिकोणात्मक सिरिज खेल्ने



कोभीड-१९ का कारण स्थगित हुँदै आएको आईसीसी विश्वकप लिग-२ अन्तर्गतको खेलहरु पुनः सुचारु हुने भएको छ।

अन्तर्राष्ट्रिय क्रिकेट परिषद आईसीसीले मंगलबार भारतमा २०२३ मा आयोजना हुने पुरुष एकदिवसीय विश्वकपको छनोट हुने खुड्किलाको रुपमा रहेको विश्वकप लिग-२ तथा च्यालेन्ज लिगको नयाँ खेलतालिका सार्वजनिक गरेको हो। यस्तै आईसीसीले २०२३ एकदिवसीय विश्वकपको लागि छनोट खेल जिम्बाब्वेमा १८ जुन देखि ९ जुलाईसम्म आयोजना हुने घोषणा गरेको छ।

नेपाली राष्ट्रिय टिमले अन्तिम पटक अन्तर्राष्ट्रिय प्रतियोगिता यो वर्ष मार्चमा थाइल्याण्डमा आयोजित एसीसी इस्टर्न रिजन टि-२० खेलेको थियो।

नेपालले विश्वकप लिग-२ अन्तर्गत एक मात्र त्रिकोणात्मक सिरिज यसै वर्ष फेब्रुअरीमा अमेरिका र ओमान बिरुद्ध खेलेको थियो। त्यसपछि कोभीड-१९ महामारीका कारण २०२० मा सबै सिरिज आईसीसीले स्थगित गरेको थियो। २०२० मा नेपालले खेल्ने ३ वटा सिरिज कोभीड-१९ का कारण स्थगित भएको थियो।

आईसीसी विश्वकप लिग-२ को सुरुवात १९ मार्च २०२१ देखि नेपाल, ओमान र अमेरिका बीचको सिरिजबाट हुनेछ। लिग-२ अन्तर्गतको छैठौं सिरिजको आयोजना ओमानले गर्नेछ। सिरिज दौरान तिन देशले एक अर्कासंग समान २/२ खेल खेल्नेछ।

ओमान विश्वकप लिग-२ अंकतालिकामा १० खेलमा ८ जित पछि १६ अंक सहित पहिलो स्थानमा रहेको छ भने अमेरिका १२ खेलमा ६ जित सहित १२ अंक सहित दोश्रो स्थानमा रहेको छ। नेपाल ४ खेलमा २ जित र २ हार पछि ४ अंक सहित छैठौं स्थानमा रहेको छ। स्कटल्याण्ड, नामिबिया, युएई क्रमशः तेश्रो देखि पाँचौ स्थानमा रहेको छ भने खेलेको सबै ८ खेलमा पराजित पपुवा न्यु गिनी अंकविहिन रहँदै अंकतालिकाको पुछारमा रहेको छ।

लिग-२ अन्तर्गत एउटा टिमले ३६ खेल खेल्नेछ भने कुल १२६ वटा खेल खेलिनेछ।

नेपालको खेल तालिका ( विश्वकप लिग-२ )

विश्वकप लिग-२ अन्तर्गत अब वर्ष २०२१ र २०२२ मा कुल १४ सिरिज तथा बाँकी २ सिरिज २०२३ को सुरुवातमा आयोजना हुनेछ।

ओमानमा त्रिकोणात्मक सिरीज खेलेपछि नेपालले त्यसपछि अर्को सिरिज स्कटल्याण्डमा खेल्नेछ। जुलाई २०२१ मा आयोजना हुने उक्त सिरिजमा आयोजक स्कटल्याण्ड सहित नेपाल र नामिबिया सहभागी हुनेछन्। २०२१ मा नेपालले दुईवटा मात्र सिरिज खेल्ने तालिका रहेको छ।

२०२२ फेब्रुअरीमा नेपालले घरेलु भूमिमा युएई र पपुवा न्युगिनीसंग त्रिकोणात्मक सिरिज आयोजना गर्नेछ। त्यसपछि २०२२ मार्चमा नेपालले आयोजक नामिबिया र स्कटल्याण्डसंग अर्को सिरिज खेल्नेछ। २०२२ जुलाईमा नेपालले अमेरिकामा ओमान र अमेरिकासंग अर्को सिरिज खेल्नेछ। त्यसपछि २०२२ सेप्टेम्बरमा युएई र पपुवा न्युगिनीसंग पपुवा न्युगिनीमा अर्को सिरिज खेल्नेछ। २०२३ फेब्रुअरीमा नेपालले स्कटल्याण्ड र नामिबिया सम्मिलित सिरिज घरेलु मैदानमा आयोजना गर्नेछ। त्यसपछि २०२३ फेब्रुअरीमै युएई र पपुवा न्युगिनीसंग युएईमा अर्को त्रिकोणात्मक सिरिज खेल्नेछ।

नेपाल कसरि पुग्न सक्छ २०२३ एकदिवसीय विश्वकप

२०२३ एकदिवसीय विश्वकपमा मात्र १० वटा राष्ट्र सहभागी हुँदैछन्। त्यसमध्ये आयोजकको नाताले भारत स्वतः छनौट भैसकेको छ।

हाल नेपाल सहित ७ राष्ट्रहरु ( नेपाल, स्कटल्याण्ड, युएई, नामिबिया, ओमान, पपुवा न्यु गिनी र अमेरिका ) २०२३ विश्वकप छनौटको खुड्किलोको रुपमा विश्व कप लिग-२ प्रतियोगितामा प्रतिस्पर्धा गरिरहेका छन्।

विश्वकप लिग-२ मा सहभागी ७ टिम मध्ये उत्कृस्ट हुने ३ वटा टिम जिम्बाब्वेमा जुन २०२३ मा आयोजना हुने विश्वकप छनौट प्रतियोगिता खेल्न छनौट हुनेछ। विश्वकप छनौटमा कुल १० वटा टिम सहभागी हुनेछन् जसबाट २ वटा टिम मात्र २०२३ एकदिवसीय विश्वकप खेल्न छनौट हुनेछ।

२०२३ को विश्वकप छनौट प्रतियोगितामा जारि ‘आईसीसी विश्वकप सुपर लिग’को तल्लो स्थानमा रहने ५ वटा टिम सहभागी हुनेछ। यस्तै विश्वकप लिग-२ को अंकतालिकामा तल्लो स्थानमा रहने ४ वटा टिम तथा विश्व क्रिकेट लिग च्यालेन्ज प्रतियोगिताको उत्कृस्ट-२ हुने टिम पनि विश्वकप छनौट २०२२ मा प्रतिस्पर्धा गर्नेछन्।





थप समाचार

एलपीएलको अटोमोबाईल पार्टनर बिशेष मोटोकर्प धनगढी

धनगढीमा आयोजना हुन गइरहेको विद्यालय स्तरको यु–१९ क्रिकेट प्रतियोगिता लिटल फ्लावर प्रिमियर लिग–६ (एलपीएल–६)को अटोमोबाईल पार्टनर बिशेष मोटोकर्प प्रा.लि.धनगढी रहने […]

शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड

पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्। अफ्रिदीले वर्ष २०२१ मा […]

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]