आज मुम्बई पराजित भए धोनीले बनाउनेछन् ठूलो कीर्तिमान



लामो प्रतीक्षा पछि आईपीएलको १३ औं संस्करण आज युएईमा सुरु हुँदैछ। उद्घाटन खेलमा नेपाली समय ७:४५ बजे राति डिफेन्डिङ च्याम्पियन मुम्बई इन्डीएन्स र चेन्नाई सुपर किंग्सले प्रतिस्पर्धा गर्दैछन्। ४ पटक लिगको उपाधि दिलाएका कप्तान रोहित शर्मा तथा ३ पटक उपाधि दिलाएका कप्तान धोनीको टिम बीचको प्रतिस्पर्धा हेर्न रोचक हुनेछ। यदी खेलमा चेन्नाई विजयी भएको खण्डमा धोनीले एउटा ठूलो रेकर्ड आफ्नो नाम गर्नेछन्।

सुरुवाती सिजन ( २००८ ) देखि चेन्नाईको कप्तानी गर्दै आएका धोनीले लिगमा टिमको लागि कुल ९९ खेल आफ्नो कप्तानीमा जिताईसकेका छन्। आजको खेल जितेमा एकै टिमलाई कप्तानको रुपमा १०० खेल जिताउने आईपीएल इतिहासमै धोनी पहिलो कप्तान बन्नेछन्। लिगमा कप्तानको रुपमा भने धोनीले कुल १०४ खेल जिताईसकेका छन्। चेन्नाईलाई २ वर्षको प्रतिबन्ध हुँदा धोनीले पुने सुपर जायन्टको कप्तानी गरेका थिए जुन क्रममा ५ खेल जितेका थिए।

धोनीले चेन्नाईको लागि कुल १६० खेलमा कप्तानी गरिसकेका छन् जसमा ९९ खेलमा जित र ६० खेलमा टिम पराजित भएको थियो भने १ खेल नतिजाविहिन रहेको थियो। धोनी पछि चेन्नाईको कप्तानी सुरेश रैनाले मात्र गरेका छन् जसले ५ खेलमा कप्तानी गर्दा १ जित, ३ हार र १ खेल बराबरी भएको थियो।

चेन्नाई र पुनेको कप्तानको रुपमा धोनीले १७४ खेलमा कप्तानी गर्दा १०४ जित दिलाएका छन्। धोनीपछि दोश्रो धेरै आईपीएलमा जित दिलाउने कप्तान गौतम गम्भीर हुन् जसले १२९ खेलमा ७१ जित दिलाएका थिए। बिराट कोहलीको कप्तानीमा बैंगलोरले ११० खेलमा ४९ जित र ५५ हार बेहोरेको छ। यस्तै रोहित शर्माले १०४ खेलमा मुम्बईलाई ६० खेल जिताउदा ४२ हार बेहोरेका छन्। धोनी, गम्भीर, कोहली र रोहित बाहेक अन्य कप्तानले आईपीएलमा १०० खेल कप्तानी गरेका छैनन्।

धोनीले लिगमा कुल १९० क्खेल खेल्ने क्रममा ४,४३२ रन बनाएका छन् जुन लिगमै सातौँ सर्वाधिक रन हो। यस क्रममा उनले २३ अर्धशतक बनाउन सकेका छन् र ४२.२० को औशतमा रन बनाएका छन्। यस्तै धोनी लिग इतिहासको तेश्रो सर्वाधिक छक्का प्रहार गर्ने ब्याट्सम्यान हुन्। धोनीले कुल २०९ छक्का हिर्काएका छन् जो अघि क्रिस गेल ( ३२६ ) र ए बि डी भिल्लीयर्स ( २१२ ) रहेका छन्।

आईपीएल सेप्टेम्बर १९ देखि सुरु भएर नोभेम्बर १० सम्म संचालन हुनेछ। खेलहरु युएईको तिन शहर अबुधाबी, दुबई र शारजाहमा संचालन हुनेछ।

सम्बन्धित :-

आईपीएलमा यी ४ वटा रेकर्ड नजिक छन् रोहित

IPL Match 1 : मुम्बई र चेन्नाईमा को बलियो ? दुवै टिमको बलियो र कमजोर पक्ष

IPL 2020 : आज सुरु हुँदै १३ औं आईपीएल ( सम्पूर्ण जानकारी एकै ठाउँमा )

IPL : सबै ८ टिमले बनाएको सर्वाधिक र न्यून योगफल





थप समाचार

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]