शहजादको शानदार शतक, अफगानिस्थानद्वारा भारतलाई २५३ रनको लक्ष्य



  • विकेटनेपाल, असोज-९ 

युनाईटेड अरब इमिरेट्समा जारि १४ औं संस्करणको एसिया कप प्रतियोगिता अन्तर्गत सुपर-४ चरणको खेलमा भारत र अफगानिस्तान प्रतिस्पर्धा गरिरहेका छन्।

भारतले सुपर-४ चरणको खेलमा लगातार २ जित हात पार्दै फाइनलमा स्थान पक्का गरिसकेको छ भने अफगानिस्तान बंगलादेश र पाकिस्तानसंगको हारपछि फाइनल पुग्न असफल रह्यो। भारतले बंगलादेशलाई ७ विकेटले र पाकिस्तानलाई ९ विकेटले पराजित गरेको थियो भने अफगानिस्तान पाकिस्तान र बंगलादेशसंग समान ३ विकेटले पराजित भएको थियो।

शहजादको शानदार शतक 

दुबई इन्टरनेशनल क्रिकेट स्टेडियममा टस जितेर ब्याटिंग रोजेको अफगानिस्तानको लागि ओपनर मोहम्मद शहजाद र जाभेद अहमदीले पहिलो विकेटकको लागि ६५ रन बनाए।

पहिलो विकेटको रुपमा ३० बलमा ५ रन बनाएर जभेद आउट भएपछि राहात शाह ( ३ ) , हश्मतुल्लाह शाहिदी ( ० ) तथा कप्तान अस्घर अफ्घान ( ० ) ले लगातार विकेट गुमाउन पुग्दा अफगानिस्तान १५.३ ओभरमा ८२/४ को खराब अवस्थामा पुग्यो।

तर एउटा किनारमा शहजादले विकेट गुमाएनन् र एकदिवसीय करियरकै पाँचौ शतक पुरा गर्दै अफगानिस्तानको स्कोर १५० समेत पार गराए। ३८ औं ओभरमा व्यक्तिगत १२४ रन बनाएर आउट हुनु अघि उनले पाँचौ विकेटको लागि गुल्बदीन नैबसंग ५० रनको तथा छैठौं विकेटको लागि मोहम्मद नबिसंग ४८ रनको साझेदारी गरे।

११ चौका र ७ छक्का मद्दतले १२४ रन बनाएका शहजादले अफगानिस्तानको लागि एकदिवसीयमा धेरै व्यक्तिगत रन बनाउने सुचीमा समेत तेश्रो स्थानमा आफ्नो नाम लेखाए। अविजित १३१ रन बनाउने क्रममा शहजादनै अफगानिस्तानको लागि सर्वाधिक व्यक्तिगत रन बनाउने ब्याट्सम्यान हुन् भने दोश्रो स्थानमा नवरोज मंगल १२९ रन सहित रहेका छन्।

शहजादको विकेट जाँदा १८०/६ को अवस्थामा रहेको इनिंगलाई मोहमद नबि र नाजिबुल्लाह जद्रानले सातौं विकेटको लागि ४६ रनको साझेदारी गर्दै उकासे। जद्रान २० रन बनाएर आउट भए भने नबिले अर्धशतकीय इनिंग खेल्दै ६४ रन ( ५६ बल, ४ छक्का र ३ चौका ) बनाएर आउट भए। राशिद खानले अविजित १२ रन बनाए

अफगानिस्तानले पुरा ५० ओभरमा ८ विकेट गुमाएर २५२ रन बनायो।

भारतको बलिङ्गतर्फ रभिन्द्र जडेजाले सर्वाधिक ३ विकेट लिने क्रममा १० ओभरमा १ मेडन ओभर गर्दै ४६ रन खर्चिए। यस्तै कुलदिप यादबले २ विकेट ( १०-०-३८-२ ) लिंदा खलिल अहमद, दिपक चाहर र केदार जाधबले समान १ विकेट लिए।

खेलमा रोहित शर्माको सट्टा भारतको कप्तानि महेन्द्र सिंह धोनीले गरिरहेका छन्। रोहित आराम गर्दा धोनीले २०० औं खेलमा कप्तानीको अवसर पाएका छन्। खेलमा २६ बर्षिय पेस बलर दिपक चाहरले भारतको लागि डेब्यु गरेका छन्।





थप समाचार

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]

यु-१९ राष्ट्रिय : उपाधिको लागि लुम्बिनी र सुदूरपश्चिम खेल्दै

नेपाल क्रिकेट संघको आयोजनामा काठमाडौँमा जारी अन्डर-१९ राष्ट्रिय प्रतियोगिताको उपाधिको लागि लुम्बिनी प्रदेश र सुदूरपश्चिम प्रदेश प्रतिस्पर्धा गर्दैछन्। खेल नेपाली […]

सितालाई हंगकंगमा खेल्ने अवसर

राष्ट्रिय महिला क्रिकेट टिमकी उपकप्तान सीता रानामगरले हङकङमा आयोजना हुने फेयर ब्रेक इन्भिटेसनल महिला टि-२० प्रतियोगिता २०२२ खेल्ने भएकी छिन्। […]

U19 National : सुदूरपश्चिम फाइनलमा, हेमन्त र शेरको घातक बलिंग

लिग चरणको अन्तिम खेलमा बागमती प्रदेशलाई ८ विकेटले पराजित गर्दै सुदूरपश्चिम प्रदेश यु-१९ राष्ट्रिय प्रतियोगिताको फाइनल पुगेको छ। लिग चरणमा […]