२ खेल अगावै भारतलाई सिरिज, कोहली-रोहितले गरे हेडन-गिलक्रिस्टको बराबरी



  •  

न्युजिल्याण्डलाई ७ विकेटले पराजित गर्दै भारतले ५ एकदिवसीय अन्तर्राष्ट्रियको सिरिज २ खेल अगावै ३-० ले जितेको छ। आगामी एकदिवसीय ३१ जनवरीमा र ३ फेव्रुरीमा खेलिनेछ।

यस अघि भारतले अस्ट्रेलियालाई पनि टेस्ट र एकदिवसीय सिरिजमा पराजित गरेको थियो। सन् २०१७ को च्याम्पियन्स ट्रफीमा हार पछि भारतले जितेको यो ११ औं सिरिज हो।

माउन्ट माउनगानुईमा सम्पन्न खेलमा न्युजिल्याण्डले टस जितेर ब्याटिंग गदै भारतलाई दिएको २४४ रनको लक्ष्य भ्रमण टोलिले मात्र ३ विकेट गुमाएर ४३ ओभरमै भेटायो।

जितमा भारतको लागि रोहित शर्माले ६२ रन तथा कप्तान बिराट कोहलीले ६० रनको योगदान दिए। रोहितले ७७ बलमा ३ चौका र २ छक्का तथा बिराटले ७४ बलमा ६ चौका र १ छक्का प्रहार गरे।

शिखर धवन २८ रन बनाएर आउट भए पछि रोहित र बिराटले शतकीय साझेदारी गरेका थिए। रोहित र कोहलीको विकेट पछि अम्बाती रायडू र दिनेश कार्तिकले ७७ रनको साझेदारी गर्दै टिमलाई जित दिलाएका थिए। रायडूले ४० रन ( ४२ बलमा ५ चौका र १ छक्का ) तथा कार्तिकले ३८ रन ( ३८ बलमा ५ चौका र १ छक्का ) प्रहार गरे।

न्युजिल्याण्डको लागि ट्रेन्ट बोल्टले २ ( १०-१-४०-२ ) तथा मिचेल स्यान्टरले १ विकेट ( १०-०-४५-१ ) लिए।

यस अघि न्युजिल्याण्डले ४९ ओभरमा २४३ बनाउदा सबै विकेट गुमाउन पुगेको थियो। उसको लागि रोस टेलरले ९३ तथा टम लाथमले ५१ रन बनाए। टेलरले १०६ बलमा ९ चौका प्रहार गरे।

भारतीय बलर मोहम्मद शामी जो खेलको प्लेयर अफ द म्याच समेत चुनिए उनले ९ ओभरमा ४१ रन खर्चेर ३ विकेट लिए। यस्तै भुवनेश्वर कुमार, युझ्भेन्द्र चाहल र हार्दिक पान्डयाले २/२ विकेट लिए।

कोहली र रोहितले गरे हेडन गिलक्रिस्टको बराबरी 

कोहली र रोहितले न्युजिल्याण्डसंग गरेको शतकीय साझेदारी एकदिवसीय अन्तर्राष्ट्रियमा १६ औं शतकीय साझेदारी हो। एकदिवसीय अन्तर्राष्ट्रिय क्रिकेट इतिहासमा यो तेश्रो सर्वाधिक शतकीय साझेदारी हो।

अस्ट्रेलियाका पुर्व खेलाडी एडम गिलक्रिस्ट र म्याथु हेडनले पनि १६ वटा शतकीय साझेदारी गरेका थिए जसको रोहित-कोहलीले बराबरी गरेका छन्।

एकदिवसीय अन्तर्राष्ट्रिय क्रिकेटमा सबैभन्दा धेरै शतकीय साझेदारी गर्ने रेकर्ड भारतका सौरभ गांगुली र सचिन तेन्दुलकरको नाममा रहेको छ। दुवैले २६ वटा शतकीय तथा २९ वटा अर्धशतकीय साझेदारी गरेका थिए। यस क्रममा दुवैले ८ हजार २ सय २७ रन साझेदारीको रुपमा बनाएका थिए। दोश्रो स्थानमा रहेका श्रीलंकाका तिलकरत्ने दिलशान र कुमार साँगाकाराले २० वटा शतकीय साझेदारी गरेका थिए।

( फोटो – आईसीसी , बिसीसीआई )





थप समाचार

काठमाडौँ मेयर कप : दुई सोनुलाई मौका दिंदै बागमती प्रदेश टिमको घोषणा

फाल्गुन २२ गते शनिवार देखि काठमाडौँमा सुरु हुने पहिलो संस्करणको ‘काठमाडौँ मेयर कप’ राष्ट्रिय प्रतियोगिताको लागि बागमती प्रादेशिक क्रिकेट संघले […]

रुपन्देही सुपर लिग : अनिल खरेलले ५ विकेट लिंदा वेष्टर्न विजयी, देवदह घटुवा

प्रकाश न्यौपाने, भैरहवा, फागुन २० रुपन्देहीको भैरहवामा जारी नेपाल टेलिकम रुपन्देही सुपर लिग क्रिकेट प्रतियोगिता अन्तर्गत बिहीबार डिभिजन ‘ए’को खेलमा […]

काठमाडौँ मेयर कपको प्रत्यक्ष प्रशारणको लागि क्यान र डीश मिडिया विच सम्झौता

यही फाल्गुन २२ गते देखि काठमाडौँमा सुरु हुने काठमाडौँ मेयर कप एकदिवसीय राष्ट्रिय प्रतियोगिताको प्रशारणको लागि नेपाल क्रिकेट संघ र […]

स्पिनर बिरुद्ध कमजोर इंग्ल्यान्ड २०५ मै सिमित

इंग्ल्यान्डको भारत भ्रमण अन्तर्गत चौथो तथा अन्तिम टेस्ट नरेन्द्र मोदी स्टेडियम अहमदावादमा सुरु भएको छ। सिरिजमा भारत २-१ ले अघि […]

पीएसएल रोकियो, खेल नखेली फर्कने भए सन्दिप लामिछाने

पछिलो केहि दिन देखि कोभीड-१९ को बढ्दो पोजेटिभ केसहरुका कारण पाकिस्तानको कराचीमा जारी पाकिस्तान सुपर लिग २०२१ तत्काल लागु हुने […]

एकै खेलमा ह्याट्रिक विकेट र ६ बलमा ६ छक्का, पोलार्डले रचे इतिहास

वेस्टइन्डिजका ब्याट्सम्यान काईरन पोलार्डले घरेलु मैदानमा श्रीलंका बिरुद्ध सम्पन्न पहिलो टि-२० अन्तर्राष्ट्रियमा ६ बलमा ६ वटै छक्का प्रहार गर्दै इतिहास […]