भारतसंग श्रीलंका स्तब्ध : त्रिदेशीय टि-२० सिरिज



  • विकेटनेपाल – २९ फाल्गुन, मंगलवार

श्रीलंकामा जारि बंगलादेश र भारत समेत सम्मिलित त्रिदेशीय टी- २० सिरिजको सोमबार सम्पन्न चौथो खेलमा शार्दुल ठाकुरको उत्कृस्ट बलिंगको सहयोगमा भारतले श्रीलंकालाई ६ विकेटले पराजित गरेको छ ।

बर्षा बाधक बनेपछि १९ ओभरमा झारिएको खेलमा टस जित्दै भारतले पहिले बलिंग गर्ने निर्णय लिएको थियो । पहिले ब्याटिंग गर्दै श्रीलंकाले निर्धारित १९ ओभरमा ९ विकेट गुमाएर १५२ रन जोडेको थियो । उसको इनिंगमा कुसल मेन्डिसले ५५, उपुल थरंगाले २२, दसुन शनाकाले १९, धनुश्का गुनाथिलकाले १७ र थिसारा परेराले १५ रन जोडेका थिए ।

विकेटको खुसि मनाउदै सुरेश रैना

लगातार विकेट गुमाएको श्रीलंकाको इनिंगमा कुसल मेन्डिसलेभने उत्कृस्ट ब्याटिंग गर्दै अर्ध शतक जोडेका थिए । टि-२० अन्तर्राष्ट्रिय करियरको चौथो अर्ध-शतक बनाउने क्रममा मेन्डिसले मात्र ३८ बलमा ३ चौका र ३ छक्का सहित ५५ रनको इनिंग खेलेका थिए ।

भारतको बलिंगमा शार्दुल ठाकुर एक्लैले ४ विकेट चट्काएका थिए । आफ्नो टि-२० अन्तर्राष्ट्रिय करियरकै सर्वाधिक उत्कृस्ट बलिंग प्रदर्शन गर्नेक्रममा ठाकुरले ४ ओभरमा २७ रन खर्चिएर ४ विकेट हात पारेका थिए । यस्तै वासिंटन सुन्दरले समेत २ विकेट आफ्नो नाम गर्न भ्याए ।

शार्दुल ठाकुर

जवाफमा १९ ओभरमा १५३ रनको विजय लक्ष्य लिएर मैदान उत्रिएको भारतले १७.३ ओभरमा मात्र ४ विकेट गुमाएर लक्ष्य पुरा गर्यो । भारतलाई सहज जित दिलाउन मनिष पाण्डेले अविजित ४२ रन र दिनेस कार्तिकले अविजित ३९ रन बनाए ।

मात्र ३१ बल खेलेका पाण्डेले ३ चौका र १ छक्का सहित ४२ रन जोड्दा कार्तिकले भने २५ बलमा ५ चौका सहित ३९ रन जोडे । यस्तै सुरेश रैनाले २७ र लोकेश राहुलले १८ रन जोड्दा कप्तान रोहित शर्मा ११ रनमा पभेलियन फर्किए ।

श्रीलंकाको बलिंगमा अकिला धनन्जयले २ तथा नुवान प्रदिप र जिभन मेन्डिसले समान १-१ विकेट लिएपनि त्यो जितका लागि पर्याप्त भएन । जितपछि भारत अंकतालिकामा शिर्ष स्थानमा उक्लिएको छ ।

भारतको ३ खेलबाट ४ अंक रहेको छ भने दोस्रो स्थानको श्रीलंकाको २ अंक रहेको छ । यस्तै तेस्रो स्थानमा रहेको बंगलादेशको पनि समान २ अंक रहेको छ। नेट रन रेटका आधारमा श्रीलंका बंगलादेशभन्दा माथी रहेको छ । बुधावारहुने पाँचौं खेलमा बंगलादेशले भारतको सामना गर्ने छ ।

 

फोटोहरु : (@BCCI)





थप समाचार

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]

बिग ब्यास छोडेर नेपाल फर्कनुको कारण बताउदै सन्दिपले भने “राष्ट्रिय टोली प्रमुख प्राथमिकता”

नेपाली राष्ट्रिय क्रिकेट टोलीका कप्तान सन्दीप लामिछानेले नेपालको झण्डाभन्दा ठूलो कोही नभएको बताएका छन् । अस्ट्रेलियामा जारी बिग ब्यास लिगको […]

आईपीएल अक्सनमा १५ नेपाली खेलाडी, बिक्लान सन्दिप ?

इन्डियन प्रिमियर लिग ( आईपीएल ) को अक्सन फेब्रुअरी १२ र १३ तारिखमा भारतको बैंगलोरमा हुँदैछ। उक्त अक्सनमा नेपालबाट १५ […]