श्रीलंकाको इनिंग अन्तरको हार, बिश्वरेकर्ड नजिक भारत



  • विकेटनेपाल, २२ साउन

भारत : ६२२/९ पारि समाप्ति (  पुजारा १३३, रहाने १३२ , हेराथ , ४/१५४ ) l श्रीलंका  १८३ ( डिकवेला ५१, आश्विन ५/६९ ) ३८६ ( करुनारत्ने १४२, मेन्डिस ११०, जडेजा ५/१५२ ) भारत इनिंग र ५३ रनले बिजयी  , सिरिज : भारत -2 , श्रीलंका -० 

श्रीलंकालाई दोश्रो टेस्टमा इनिंग र ५३ रनले पराजित गर्दै ३ टेस्ट म्याचको सिरिज १ टेस्ट अगाबै जितेको छ l अघिल्लो टेस्टमा भारतले ३०४ रनले जितेको थियो l

भारतले पहिलो इनिंगमा बनाएको ६२२/९ को बिशाल स्कोर पछि ब्याटिंग गरेको श्रीलंकाले आफ्नो पहिलो इनिंगमा १८३ रन मात्रै बनाउन सकेको थियो l जसपछि भारतले श्रीलंकालाई फलोअन दिएको थियो l श्रीलंकाले फलोअनपछि आफ्नो दोश्रो इनिंगमा सुधारिएको ब्याटिंग देखाएपनि चौथो दिन अलआउट हुँदै ३८६ रन मात्रै बनाउन सक्यो l

दोश्रो इनिंगमा जडेजाले ५ विकेट हात पारे

पहिलो इनिंगमा भारतले चेतेश्वर पुजाराको १३३ तथा अजिंके रहानेको १३२ रन मदतले ६२२/९ को स्कोरमा इनिंग समाप्ति घोषणा गरेको थियो l त्यसपछि ब्याटिंग गरेको श्रीलंकालाई १८३ रनमै रोक्न रबिचंद्रन आश्विनले ५ विकेट लिएका थिए l

दोश्रो इनिंगमा श्रीलंकाको लागि ओपनर डीमुथ करुनारत्नेले १४१ रन तथा कुसल मेन्डिसले ११० रनको योगदान दिएपनि इनिंग अन्तरको हार जोगाउन सकेनन् l भारतको लागि दोश्रो इनिंगमा प्ल्येयर अफ द म्याच समेत चुनिएका रबिन्द्र जडेजाले ५ तथा आश्विन र पान्ड्याले २/२ विकेट हात पारे l

भारतको लगातार आठौं सिरिज जित, बिश्वरेकर्ड नजिक 

श्रीलंकालाई इनिंगमा ५३ रनले पराजित गरेपछि ३ टेस्ट म्याचको सिरिज १ खेल अगाबै २-० ले जितेको छ l  भारतले पछिल्लो २ बर्षमा जितेको यो लगातार आठौं सिरिज हो l २०१५ मा श्रीलंकालाई २-१ ले पराजित गरेपछि भारतले कुनै पनि सिरिज गुमाएको छैन l

लगातार सिरिज जितको बिश्वरेकर्ड कायम गर्न अब भारतलाई एउटा सिरिज जित मात्र आवस्यक छ l अस्ट्रेलिया र इंग्ल्यान्डले लगातार ९ वटा टेस्ट सिरिज जित्दै यो रेकर्ड राखेको छ l

भारतको सिरिज जीत

१. २०१५ , श्रीलंकालाई २-१
२. २०१५-१६ , दक्षिण अफ्रीकालाई ३-०
३. २०१६  , वेस्टइन्डिजलाई २-०
४. २०१६-२०१७ , न्युजिल्याण्डलाई ३-०
५. २०१६-१७ , इंग्ल्याण्डलाई ४-०
६. २०१६-१७ , बंगलादेशलाई १-०
७. २०१६-१७ , अस्ट्रेलियालाई २-१
८. २०१७ , श्रीलंकालाई २-०

 





थप समाचार

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]