भारत-न्युजिल्याण्ड : वर्षाले रोकिएको खेल आज फेरी सुचारु हुने, फेरी खेल रोकिए के हुन्छ ?



ओल्ड ट्रयाफोर्ड, म्यानचेस्टरमा मंगलबार भएको भारत र न्युजिल्याण्ड बीचको विश्वकप सेमीफाइनल खेल वर्षाले अबरुद्ध हुन पुग्दा पुरै खेल सम्भव हुन सकेन।

खेलमा टस जितेर ब्याटिंग गर्दै न्युजिल्याण्डले ४६.१ ओभरमा ५ विकेट गुमाएर २११ रन बनाउदा पानि परेको थियो। पानि रोकिंदै पर्दै गर्दा खेल पुनः सुचारु हुन सकेन। कम्तिमा २० ओभरको भए पनि खेल खेलाउन ५ घण्टा प्रतीक्षा गरिएपछि पनि वर्षा नथामिएपछि अम्पायरले खेललाई बुधबार रिजर्भ डेमा खेलाउने निर्णय गरेका हुन्।

अब बुधबार पुनः न्युजिल्याण्ड खेल रोकिएकै अवस्थाबाट ब्याटिंग गर्न उत्रनेछ। खेल रोकिंदा रोस टेलर ६७ तथा टम लाथम ३ रन बनाएर अविजित रहेका थिए। यस अघि कप्तान केन विलियमसनले ६७ रन बनाएका थिए।

विश्वकप सेमीफाइनल र फाइनल खेलको लागि यस्तै अवस्थालाई ध्यानमा राखेर रिजर्भ डे राखिएको हो। तर खेल पुनः सुरुबाट भने खेलिनेछैन। खेल स्थानीय समय १०:३० बजे बिहान ( ३:१५ बजे नेपाल , दिउसो ) सुरु हुनेछ।

फेरी वर्षाले खेल रोकिए के हुन्छ ? 

फेरी पानि पर्यो र न्युजिल्याण्डले इनिंग अगाडी बढाउन पाएन भने डीएल मेथडको आधारमा भारतले ४६ ओभरमा २३७ रनको लक्ष्य पाउनेछ। यदी मात्र २० ओभरको खेल सम्भव भए भारतले १४८ रनको लक्ष्य पाउनेछ। न्युजिल्याण्डको इनिंग पछि भारतले कम्तिमा २० ओभर खेल्न पाए खेलको नतिजा आउनेछ।

बुधबार पनि पुरै खेल हुन सकेन भने भारत फाइनल पुग्नेछ। लिग चरणमा अंक तालिकामा भारत अघि भएका कारण भारत अगाडी बढ्नेछ। भारत लिग चरणको अंक तालिकामा १५ अंक सहित शिर्ष स्थानमा रहँदै सेमीफाइनल प्रवेश गरेको थियो भने न्युजिल्यान्ड ११ अंक सहित चौथो स्थानमा रहेको थियो।

खेल हेर्न पुग्ने दर्शकहरुले पनि मंगलबारकै टिकटले बुधबार खेल हेर्न पाउनेछन्।

सेमीफाइनल खेल बराबरी भए के हुन्छ ? सेमीफाइनल खेल बराबरी भए सुपर ओभर गर्दै विजेता तय गरिनेछ।

फाइनल खेल वर्षाले सम्भव नभए के हुन्छ ? फाइनलमा पनि भारत-न्युजिल्याण्डकै अवस्था आए रिजर्भ डेको व्यवस्था छ। रिजर्भ डे मा पनि खेल सम्भव नभए दुवै टिमलाई विजेता घोषणा गर्दै ट्रफी दुवैको हुनेछ।

न्युजिल्याण्ड-भारत हालसम्मको खेल 

अत्यन्त सुस्त सुरुवात गरेको न्युजिल्याण्डका ओपनर मार्टिन गुप्टिललाई १ रन मात्र बनाउदा जस्प्रित बुम्राहले चौथो ओभरमा क्याच आउट गराएका थिए।

दोश्रो विकेटको लागि हेनरी निकोलस र कप्तान केन विलियमसनले ६८ रन रनको साझेदारी गरे। १९ औं ओभरमा निकोलसलाई रभिन्द्र जडेजाले बोल्ड गर्दै भारतलाई खेलमा फर्काए। ५१ बलमा निकोलसले २ चौका मदतले २८ रन बनाए।

विलियमसन र रोस टेलरले तेश्रो विकेटको लागि ६५ रन बनाए। ३६ औं ओभरमा युझभेन्द्र चाहलले विलियमसनलाई क्याच आउट गराए। ९५ बलमा उनले ६ चौका प्रहार गरे। त्यसपछि रोस टेलरले एक किनार सम्हालीरहे।

१२ रन बनाएर जेम्स निशम ४१ औं ओभरमा पान्ड्याको शिकार बने। यस्तै कोलिन डी ग्रयाण्डहोम १६ रन बनाएर आउट भए जसलाई भुवनेश्वर कुमारले धोनीबाट क्याच आउट गरे।

४६.१ ओभरमा खेल वर्षाले रोकिंदा रोस टेलर ६७ र बनाएर ब्याटिंग गरिरहेका छन्। ८५ बलमा उनले ३ चौका र १ छक्का प्रहार गरेका छन्। टम लाथम ३ रन बनाएर ब्याटिंग गरिरहेका छन्।

भारतको बलिंगमा भुवनेश्वर कुमार ( ८.१-१-३०-१ ) , जस्प्रित बुम्राह ( ८-१-२५-१ ) , हार्दिक पान्ड्या ( १०-०-५५-१ ) , रभिन्द्र जडेजा ( १०-०-३४-१ ) र युझभेन्द्र चाहल ( १०-०-६३-१ ) ले १/१ विकेट लिए।





थप समाचार

T20 WC : पहिलो चरण समाप्त, यी हुन् दोश्रो चरण पुग्न सफल ४ टिम

युएई र ओमानमा संयुक्तरुपमा जारि सातौँ संस्करणको टि-ट्वान्टी विश्वकप अन्तर्गत समुह चरणमा १२ खेलहरु समाप्त भएका छन्। शनिवार ( अक्टोबर […]

T20WC : श्रीलंकाको कीर्तिमानी जित, नेदरल्याण्डको लज्जास्पद प्रदर्शन,

नेदरल्याण्डलाई किर्तिमानी अन्तरले पराजित गर्दै श्रीलंका समुह ‘ए’ को विजेताको रुपमा २०२१ टि-ट्वान्टी विश्वकपको सुपर-१२ चरण प्रवेश गरेको छ। समुह […]

T20WC : नामिबिया सुपर-१२ चरणमा प्रवेश, आयरल्याण्ड पहिलो चरणबाटै बाहिर

जित्नैपर्ने खेलमा टेस्ट राष्ट्र आयरल्याण्डलाई ८ विकेटले पराजित गर्दै नामिबिया टि-ट्वान्टी विश्वकप २०२१ को सुपर-१२ चरण प्रवेश गरेको छ। पहिलो […]

T20WC : जित्नैपर्ने खेलमा आयरल्याण्डद्वारा नामिबियालाई सामान्य लक्ष्य

सातौं संस्करणको टि-ट्वान्टी विश्वकप अन्तर्गत समुह ‘ए’ अन्तर्गतको खेलमा आयरल्याण्ड र नामिबिया प्रतिस्पर्धा गरिरहेका छन्। खेलको विजेता टिम सुपर-१२ चरण प्रवेश […]

T20WC : शेन वार्नको नजरमा को हो विश्वकप जित्ने दावेदार टिम

युएई र ओमानमा संयुक्तरुपमा जारी सातौं संस्करणको टि-ट्वान्टी विश्वकपको समुह चरणको खेलहरु चल्दै गर्दा क्रिकेट पण्डितहरु विश्वकप जित्न दावेदार टिमको […]

T20WC : आज दुई खेल हुँदै, आयरल्याण्ड र नामिबियालाई ‘गर या मर’ को अवस्था

युएई र ओमानमा संयुक्तरुपमा जारि सातौं संस्करणको टि-ट्वान्टी विश्वकप अन्तर्गत समुह चरणको खेलहरु आज समाप्त हुँदैछन्। समुह ‘बि’ अन्तर्गतको खेलहरु […]