कोहली चम्किदा दक्षिण अफ्रीका सहजै पराजित, रोहितलाई उछिन्दै कोहलीको नयाँ किर्तिमान



दक्षिण अफ्रीकाको भारत टुर अन्तर्गत दोश्रो टि-२० मा भारतले दक्षिण अफ्रिकालाई ७ विकेटले सहजै पराजित गरेको छ।

सिरिज अन्तर्गत पहिलो टि-२० वर्षाको कारण नतिजाविहिन रहेको थियो। तेश्रो तथा अन्तिम टि-२० आइतबार बैंगलुरुमा खेलिनेछ। दक्षिण अफ्रीकाले दिएको १५० रनको लक्ष्य भारतले १९ ओभरमा मात्र ३ विकेट गुमाएर पुरा गर्यो।

लक्ष्य पछ्याउने क्रममा रोहित शर्मा १२ रन बनाएर आउट भए पछि शिखर धवन र बिराट कोहलीले दोश्रो विकेटको लागि ६१ रनको साझेदारी गरेका थिए। धवनलाई १२ औं ओभरमा ताब्रिज शाम्सीले लंग अन बाउन्ड्रीमा उत्कृस्ट क्याच लिंदै आउट गरे। उनले ३१ बलमा ४ चौका र १ छक्का प्रहार गरे।

धवनको विकेट पछि रिशभ पन्त ४ रन बनाएर आउट भए। त्यसपछि कोहली र श्रेयस ऐयरले चौथो विकेटको लागि अविजित ४७ रनको साझेदारी गर्दै जितसम्म पुर्याए। कोहलीले २१ औं अर्धशतक बनाउने क्रममा ५२ बलमा ४ चौका र ३ छक्का प्रहार गर्दै ७२ रन बनाए। ऐयरले अविजित १४ बलमा २ चौका प्रहार गर्दै १६ रन बनाए।

प्लेयर अफ द म्याच चुनिएका कोहली टि-२० अन्तर्राष्ट्रिय क्रिकेटमा विश्वकै सर्वाधिक रन बनाउने खेलाडी बनेका छन्। कोहलीको ७१ खेलमा २ हजार ४ सय ४१ रन छ भने दोश्रो स्थानमा रहेका रोहित शर्माको २ हजार ४ सय ३४ रन रहेको छ। तेश्रो स्थानमा रहेका न्युजिल्याण्डका मार्टिन गप्टिलको २ हजार २ सय ८३ रन रहेको छ। कोहलीको टेस्ट, एकदिवसीय र टि-२० तिन वटै फर्म्याटमा औशत ५० भन्दा माथि रहेको छ जुन विश्व क्रिकेटमा कसैको पनि छैन।

दक्षिण अफ्रीकाको ईनिंग 

टस हारेर ब्याटिंग गर्ने क्रममा दक्षिण अफ्रीकाले २० ओभरमा ५ विकेट गुमाएर १४९ रन बनाएको थियो।

ओपनर तथा कप्तान क्विनटन डीककले सर्वाधिक ५२ तथा तेम्बा बभुमाले ४९ रन बनाएर राम्रो सुरुवात गरे पनि त्यसलाई ठुलो योगफलमा भने टिमले परिणत गर्न असफल रह्यो। डीककले ३७ बलमा ८ चौका तथा बभुमाले ४३ बलमा ३ चौका र १ छक्का प्रहार गरे।

ओपनर रिजा हेन्ड्रिक्स ६ रन बनाएर आउट भएपछि डीकक र बभुमाले दोश्रो विकेटको लागि ५७ रनको साझेदारी गरेका थिए। डीकक आउट भए पछि भने दक्षिण अफ्रीकाले ठुलो साझेदारी बनाउन सकेन।

भारतको बलिंगमा दिपक चाहरले २ ( ४-०-२२-२  तथा नभदिप सैनी ( ४-०-३४-१ ) , रभिन्द्र जडेजा ( ४-०-३१-१ ) र हार्दिक पान्ड्या ( ४-०-३१-१ ) ले समान १/१ विकेट लिए।

दिपक चाहर





थप समाचार

T20WC : स्मिथद्वारा भारतीय विश्वकप टिमको तारिफ

अस्ट्रेलियन ब्याट्सम्यान स्टिभ स्मिथले भारतको टि-ट्वान्टी विश्वकप टिम उत्कृस्ट रहेको बताएका छन्। अस्ट्रेलियाको दोश्रो वार्म अप खेलमा भारत बिरुद्ध ४८ […]

अफगानिस्तानद्वारा वेस्टइन्डिज सहजै पराजित, नाबीको घातक बलिंग

टि-ट्वान्टी विश्वकपको वार्म अप खेलमा अफगानिस्तानले डिफेन्डिङ च्याम्पियन वेस्टइन्डिजलाई ५६ रनले पराजित गरेको छ। युएईको अबुधाबी स्थित आईसीसी एकेडेमी मैदानमा […]

डुसेनले शतक बनाउदा रोमान्चक खेलमा दक्षिण अफ्रीकाद्वारा पाकिस्तान पराजित

टि-ट्वान्टी विश्वकपको तयारीको लागि खेलिएको अभ्यास खेलमा दक्षिण अफ्रीकाले रोमान्चक खेलमा प्रकिस्तानलाई ६ विकेटले पराजित गरेको छ। युएईको अबुधाबी स्थित […]

T20WC : लगातार दोश्रो जित पछि श्रीलंका सुपर-१२ मा प्रवेश, नेदरल्याण्ड बाहिरियो

युएई र ओमानमा संयुक्त रुपमा जारी सातौँ संस्करणको टि-ट्वान्टी विश्वकपमा लगातार दोश्रो जित दर्ता गर्ने क्रममा आयरल्याण्डलाई७० रनको विशाल अन्तरले […]

T20WC : फाबियन एलेन प्रतियोगिताबाटै बाहिर

युएई र ओमानमा संयुक्तरुपमा जारि टि-ट्वान्टी विश्वकपबाट वेस्टइन्डिज अलराउण्डर फाबियन एलेन बाहिरीएका छन्। आक्रामक ब्याट्सम्यान तथा देब्रे हाते स्पिनर एलेन […]

भारतद्वारा अस्ट्रेलिया पराजित, रोहितको अर्धशतक

ओमान र युएईमा संयुक्तरुपमा जारि सातौं टि-ट्वान्टी विश्वकप अघि आफ्नो दोश्रो अभ्यास खेलमा भारतले अस्ट्रेलियालाई ९ विकेटले पराजित गरेको छ। […]