भारतको बिशाल अग्रता, कोहलीले तोडे सचिनको किर्तिमान



  • विकेटनेपाल, १३ साउन

भारत : ६०० र १८९/३ , श्रीलंका : २९१ ( भारतलाई ४९८ रनको अग्रता )

श्रीलंका भ्रमण अन्तर्गत पहिलो टेस्टको तेश्रो दिनको खेल सकिंदा भारतले बिशाल अग्रता लिंदै जिततर्फ अग्रसर देखिएको छ l

भारतले पहिलो इनिंगमा बनाएको ६०० रन पछि ब्याटिंग गरेको श्रीलंकाले आफ्नो पहिलो पारिमा २९१ रनमै सबै विकेट गुमाएपछि दोश्रो इनिंगमा पुनः ब्याटिंग गर्न उत्रेको भारतले १८९/३ को स्थितिमा दिनको अन्त्य गरेको छ l

पहिलो इनिंगमा आक्रामक शतक बनाएका शिखर धवन १४ र चेतेश्वर पुजारा १५ रनमा  आउट भएपछि कप्तान बिराट कोहली र अभिनव मुकुन्दले तेश्रो विकेटको लागि १३३ रनको साझेदारी गर्दै भारतलाई बिशाल अग्रतातर्फ लम्काए l

कोहली ७६ रनमा अविजित छन् भने मुकुन्द ८१ रन बनाएर आउट भए l

श्रीलंकालाई फलोअन नदिंदै ब्याटिंग गरेको भारतले कुल ४९८ रनको अग्रता बनाईसकेको छ l यस अघि दोश्रो दिनमा १५४/५ को स्थितिमा दिनको समाप्ति गरेको श्रीलंकाले २९१ रनमा सबै विकेट गुमायो l दिलरुवान पेरेराले ९२ तथा एन्जेलो म्यथुजले ८३ रनको योगदान दिए l भारतीय बलर रबिन्द्र जडेजाले ३ तथा मोहम्मद शामीले २ विकेट हात पारे l

भारतीय बलर रबिन्द्र जडेजाले ३ तथा मोहम्मद शामीले २ विकेट हात पारे ©ICC

कोहलीले तोडे सचिनको किर्तिमान  

गाल टेस्टमा कोहली ७६ रनमा अविजित रहने क्रममा सचिन तेन्दुलकरको रेकर्ड तोडेका छन् l बिराट कोहली बिदेशी भुमिमा सबैभन्दा छिटो १००० रन पुरा गर्ने भारतीय कप्तान बनेका छन् l यो रेकर्ड सचिन तेन्दुलकरको नाममा थियो जुन कोहलीले तोडेका छन् l

कप्तानको रुपमा १७ इनिंगमा कोहलीले १००० रन पुरा गरेका हुन् l बिराट भन्दा अघि सचिन तेन्दुलकरले १९ पारिमा यो रेकर्ड आफ्नो नाममा रहेका थिए l कप्तानको रुपमा मोहम्मद अजरुद्दीनले २३ इनिंगमा १००० रन पुरा गरेका थिए l

फलोअन नदिंदा बन्यो रेकर्ड 

पहिलो इनिंगमा ३०९ रनको अग्रता लिएपनि फलो अन नदिंदै कोहलीले अर्को रेकर्ड बनाएका छन् l भारतीय क्रिकेट इतिहासमै दोश्रो पटक ३०० भन्दा बढी अग्रता लिए पनि फलोअन नलिईएको हो l सन् २००७ मा राहुल द्रविडले इंग्ल्याण्ड बिरुद्ध ३१९ रनको अग्रता लिंदा फलोअन नदिई भारत फेरी ब्याटिंग गर्न आएको थियो l

धेरैले पढेको :-





थप समाचार

नेपाल र ओमान बीच खेल आज ( सम्पूर्ण जानकारी )

खेल – नेपाल VS ओमान ( चौंथो खेल, विश्वकप लिग-२ , त्रिकोणात्मक सिरिज ) कहिले – सेप्टेम्बर १९, आइतबार, नेपाली […]

कप्तान मल्लले बताए अमेरिकासंग हारको प्रमुख कारण

ओमानमा जारी आईसीसी विश्वकप लिग-२ अन्तर्गतको त्रिकोणात्मक एकदिवसीय अन्तर्राष्ट्रिय सिरिजमा लगातार दोश्रो हार बेहोर्ने क्रममा नेपाल अमेरिकासंग ६ विकेटले पराजित […]

डेब्युमा कस्तो रह्यो गुल्सनको प्रदर्शन

नेपाली घरेलु क्रिकेटमा मात्र दुई वटा खेलमा गरेको प्रदर्शनको बलमा गुल्सन झाले नेपाली राष्ट्रिय क्रिकेट टिममा स्थान बनाउदै शुक्रबार डेब्यु […]

अमेरिकासंग हार र ओमान भ्रमणमा अपेक्षाकृत प्रदर्शन गर्न नसकेका तिन प्रमुख खेलाडीहरु

ओमान भ्रमण अन्तर्गत पपुवा न्यु गिनीलाई पहिलो दुई एकदिवसीय अन्तर्राष्ट्रियमा पराजित गरेको नेपाली टिमबाट सोहि खालको प्रदर्शनको अपेक्षा नेपाली फ्यानहरुले […]

टेलर र नेत्रभाल्कर चम्किंदा अमेरिकाद्वारा नेपाल पराजित

स्टेभेन टेलरले आईसीसी विश्वकप लिग-२ अन्तर्गत ओमानमा जारी त्रिकोणात्मक एकदिवसीय अन्तर्राष्ट्रियमा नेपाल लगातार दोश्रो खेलमा ६ विकेटले पराजित हुन पुगेको […]

कप्तान मल्लको अर्धशतक, नेपालद्वारा अमेरिकालाई सामान्य लक्ष्य

आईसीसी विश्वकप लिग -२ अन्तर्गत ओमान, नेपाल र अमेरिका बीच त्रिकोणात्मक एकदिवसीय सिरिज अन्तर्गत आफ्नो तेश्रो खेलमा अमेरिकासंग प्रतिस्पर्धा गरिरहेको […]