फलोअन पछि श्रीलंका सम्हालियो, भारतले तोड्यो पाकिस्तानको रेकर्ड



  • विकेटनेपाल, २१ साउन

श्रीलंका : २०९/२ ( मेन्डिस ११०, करुनारत्ने ९२* ) १८३ ( डिकवेला ५१, आश्विन ५/६९ ) , भारत : ६२२/९ पारि समाप्ति (  पुजारा १३३, रहाने १३२ , हेराथ , ४/१५४ ) l श्रीलंका २३० रनले पछि 

भारत र श्रीलंका बीच कोलोम्बोमा जारि दोश्रो टेस्टको तेश्रो दिनको खेल सकिंदा श्रीलंकाले फलो-अन पछि ब्याटिंग गर्दै सुधारिएको ब्याटिंग देखाएको छ l

पहिलो इनिंगमा भारतले ६२२ रन बनाएपछि दोश्रो दिनको समाप्तिमा श्रीलंका ५०/२ को स्थितिमा थियो l तेश्रो दिन श्रीलंकाले निकै खराब ब्याटिंग गर्यो र पहिलो इनिंगमा मात्र १९.४ ओभरमा १८३ रनमै सबै विकेट गुमाउन पुग्यो l

१८३ रनमा अलआउट भएपछि पहिलो इनिंगमा भारत भन्दा ४३९ रनको अग्रता बनाएको भारतले श्रीलंकालाई फलो-अनको निम्तो दियो l पहिलो इनिंगमा खराब ब्याटिंग गरेपनि श्रीलंकाले दोश्रो इनिंगमा भने राम्रो ब्याटिंग देखायो र तेश्रो दिनको खेल सकिंदासम्म मात्र २ विकेट गुमाई २०९ रन बनाईसकेको छ l श्रीलंका भारतको स्कोरभन्दा अझै २३० रनले पछि रहेकोछ l

श्रीलंकालाई १८३ रनमै समेट्ने क्रममा रबिचन्द्रन आश्विन एक्लैले ५ विकेट तथा मोहम्मद सामी र रबिन्द्र जडेजाले २/२ विकेट आफ्नो नाम गरे l श्रीलंकन ब्याट्सम्यान निरोशन डिकवेलाले सर्बाधिक ५१ रन योगदान दिए l

दोश्रो इनिंगमा श्रीलंकाले पहिलो विकेट ७ रनको स्कोरमा गुमाएपछि दोश्रो विकेटको लागि कुसल मेन्डिस र डिमुथ करुनारत्नेले १९१ रनको बिशाल साझेदारी गरेका थिए l टेस्ट करियरको तेश्रो शतक प्रहार गर्ने क्रममा मेन्डिसले ११० रन प्रहार गरे जसमा १७ वटा चौका सामेल थियो l मेन्डिसलाई हार्दिक पान्ड्याले दिनको खेल सकिनु ३१ बल अघि विकेटकिपर रिद्द्मान शाहको हातमा क्याच थमाएका थिए l

तेश्रो दिनको खेल सकिंदा  करुनारत्ने ९२ ( १२ चौका ) रनमा तथा नाइट वाचम्यान पुश्पकुमारा २ रन बनाएर नट आउट छन् l

भारतले तोड्यो पाकिस्तानको रेकर्ड 

श्रीलंकासंग भारतले जारि टेस्टमा ४३९ रनको अग्रता लियो l यो अग्रता श्रीलंकाबिरुद्ध कुनै पनि टिमले लिएको सबैभन्दा ठुलो अग्रता हो l यो भन्दा अगाडी श्रीलंकासंग सबैभन्दा धेरै रनको अग्रता लिने रेकर्ड पाकिस्तानको नाममा थियो l सन् २००० मा गाल टेस्टमा पाकिस्तानले श्रीलंकासंग ४१९ रनको अग्रता लिएको थियो जसलाई भारतले उछिनेको छ l

शिखर धवनले क्याच छुटाए 

कुसल मेन्डिसले विस्फोटक शतक बनाउदै श्रीलंकाले भारतको जितको पर्खाइ लम्ब्याउनुमा शिखर धवनले मेन्डिसको क्याच छुटाउनुको महत्वपूर्ण योगदान थियो l मेन्डिस मात्र १० रन बनाएर खेलीरहंदा आश्विनको बलमा धवनले क्याच मिस गर्नु भारतको लागि निकै घटक सिद्ध भयो l क्याच छुटेपछि मेन्डिसले विस्फोटक ब्याटिंग गर्दै आफ्नो इनिंगमा १७ चौका प्रहार गर्दै शतक पार गरेका थिए l

 





थप समाचार

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]