अस्ट्रेलिया बिरुद्ध पहिलो टेस्टको लागि भारतको अन्तिम-११ घोषणा, केएल राहुल बाहिर



अस्ट्रेलिया बिरुद्ध १७ डिसेम्बर बिहिबार देखि सुरु हुने ४ खेलको टेस्ट सिरिज अन्तर्गत पहिलो टेस्टको लागि भारतले अन्तिम-११ को घोषणा गरेको छ। पहिलो टेस्ट एडीलेडमा डे-नाइट खेलिनेछ।

खेलमा पृथ्वी श र मायाँक अग्रवालले भारतको ओपनिंग ब्याटिंग सम्हाल्नेछन्। अन्तिम-११ मा हनुमा विहारीलाई पनि मौका दिईएको छ। केएल राहुल टेस्ट टिममा भएता पनि उनलाई अन्तिम-११ मा भने समावेश गरिएको छैन।

यस्तै सिरिज अघि अभ्यास खेलमा शानदार शतक बनाएका रिशभ पन्तलाई पनि मौका दिईएको छैन। उनको सट्टा अर्का विकेटकिपर ब्याट्सम्यान रिद्दिमान साहामा टिमले विश्वास देखाएको छ। टिममा रभीचन्द्रन आश्विनलाई स्पिन अलराउण्डरको रुपमा समाबेश गरीको छ।


ओपनिंगमा पृथ्वी र मायाँक पछि तेश्रो नम्बरमा चेतेश्वर पुजारा ब्याटिंगमा आउनेछन्। चौथो नम्बरमा कप्तान बिराट कोहली र त्यसपछि पाँचौ नम्बरमा अजिंके रहानेले ब्याटिंग गर्नेछन् जो टिमको उपकप्तान पनि हुन्। छैठौं नम्बरमा हनुवा विहारी आउनेछन् जसले अभ्यास खेलमा अस्ट्रेलिया ‘ए’ बिरुद्ध शतक बनाएका थिए। सातौँ नम्बरमा मुख्य स्पिनर समेत रहेका आश्विनले ब्याटिंग गर्नेछन्।

टिमको फास्ट बलिंगतर्फ अनुभवी फास्ट बलर उमेश यादवलाई अन्तिम-११ मा समाबेश गरएको छ। यस्तै मोहम्मद शामी र जस्प्रित बुम्राहले उनलाई साथ दिनेछन्।

पहिलो टेस्टको लागि भारतको अन्तिम-११ : मायाँक अग्रवाल, पृथ्वी श, चेतेश्वर पुजारा, बिराट कोहली ( कप्तान ) , अजिंके रहाने ( उपकप्तान ) , हनुमा विहारी, रिद्दिमान साहा ( विकेटकिपर ) , रभीचन्द्रन आश्विन, उमेश यादव, मोहम्मद शामी, जस्प्रित बुम्राह

भारत र अस्ट्रेलिया बीच पहिलो पटक टेस्ट क्रिकेट इतिहासमा डे-नाइट टेस्ट हुन लागेको हो। पहिलो टेस्ट खेलेपछि भारतीय कप्तान बिराट कोहली घर फर्कनेछन् जसपछि टिमको कप्तानी अजिंके रहानेले सम्हाल्नेछन्।

भारतको अस्ट्रेलिया भ्रमण अन्तर्गत यस अघि सम्पन्न टि-२० सिरिजमा भारत २-१ ले विजयी भएको थियो भने त्यसअघि वानडे सिरिजमा अस्ट्रेलिया २-१ ले विजयी भएको थियो।





थप समाचार

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]